| Bräute 2016 |
|
|
1 .. 15 .. 27 28 29 30 31 .. 123 .. 214
|
cream_tangerine  am 03.02.2015
Re: Bräute 2016
Ja, ihr finded sicher öpis guets wo passt! Zersch han i denkt, ich finde gar nüt und jetzt wird's denn nah schwierig zum sich entscheide 
|
|
|
Sakanas  am 03.02.2015
Re: Bräute 2016
Jo da isch eso. Mir müend afo das zeilugs go teschte bzw go aluege. Sobald min fuess operiert isch chan min GG mi denn umefahre:-))
Git u viel Chile wo mer erst so 8 Mt vor Trauig cha reserviere... Da findi irgendwie doofig und knapp.
Ihr wend e freii Zeremonie?
|
cream_tangerine am 03.02.2015
Re: Bräute 2016
Hihi, denn hesch diin persönliche Chauffeur 
Ja, wenn mer uf öpis muss warte zum bueche isch doof... Denn chasch au ned uf sicher gah, dass es denn au sicher frei isch a dim Tag. Aber das wird scho klappe, ich bin da positiv igstellt
Ja genau, mier werded eh freii Zeremonie ha. Ich bin ned i de Chile und min Maa isch zwar mal tauft worde, aber eigentlich nöd religiös erzoge worde. Finds zwar scho schön, i de Chile hürate. Aber es bedütet ois persönlich nöd viel, dorum hend miers nöd eifach wele mache, damit mers gmacht hend. Aber irgendeh Zeremonie wend mier glich, will eifach nur Standesamtlich isch für mich irgendwie zwenig 
Aber ihr hend demfall dChile au nani reserviert?
|
Sakanas am 03.02.2015
Re: Bräute 2016
Nai mir hend no gar nünt reserviert/gfixed. Mir hend jo nochli zyt:-)
|
prinzesschen92 am 03.02.2015
Re: Bräute 2016
Hei zämä :)
Jitz bini scho es zitli nümm online gsi, het sech ja meega viel ta scho! Vilicht churz wis bi mir usgseht:
Definitiv hei mer:
-Fotograf
-Chilchä
-Location
Und am Weekend bini ds Bärn a dr Marinatal gsi u ha mi dert gad ines wunderschöns Chleid verliebt  Dert hets soo vil tolli sachä gha u i ha mi zimlech chönnä informierä :)
Bi gspannt wis jitz witer geit, mir hei ds gfüehl, das mer scho rächt viel zämä hii...
Liebi Grüess
|
cream_tangerine am 03.02.2015
Re: Bräute 2016
Sakanas: Ja, denn bin ich froh, dass i ned die Einzig bin Ich mach mer nah kein Stress
prinzesschen92: Wow! Ihr hend ja scho viel planed! Wenn hürated ihr? Schön hesch dis Traumchleid gseh!
|
Sakanas am 03.02.2015
Re: Bräute 2016
Nai i lo mi au nid stresse. Mir lueged jetzt, so dass mer sicher 1 Jahr vorher die gröbschte Pöschte reserviert hend...
|
|
Summer_2016 nicht registriert am 04.02.2015
Re: Bräute 2016
Hui ich chum au chum meh na mit läse :) und das obwohl mir grad i de Strandferie in Thailand sind
Ich han glaubs gar nie gnauer beschriebe wie euisi Gschicht isch und wie euises Hochziit söll usgseh, und will ich jetzt grad chli ziit han und ihr na all am schlafe sind (Ziitverschiebig sei dank ) damal en längere Ego Post vo mir 
Zu euis:
er wird am Hochziit 34gi si, ich 29gi. sind jetzt sit 3 Jahr zäme, de Atrag hani a 7. Juni 2014 becho
Euises Datum isch de 10. September 2016, es git e frei Trauuig, da mir beidi us de Chile ustrete sind. Trauiig, Apéro und Abigfäst findet i de Moschti Stäfa statt. Vorussichtlich gits bi euis es Grillbuffet zum znacht (Wunsch vo mim Schatz). euises farbmotto isch blau-wiis (blau isch die einzig farb wo min schatz akzeptiert  )
TZ hämer scho usgsuecht und gfröget. Da mir beidi Einzelchind sind, hämer euisi beste Kollege gno.
Usert de Location hämer scho d'Fotografin und ich mis Chleid STD Chärtli sind scho bi minere TZ zum verschicke parat. Gester ischsmer langwilig gsi ufem Liegestuehl, hani scho mal d'iiladige textet und euisi Hochziitshomepage isch so guet wie fertig. Fehlet nur na ein Text und d'föteli, für die wämer dän aber mal na es shooting mit euisere Fotografin mache, dän kännet mer sie au scho chli besser.
Budget isch um die 30'000.-, mal luege wie viel das es am schluss wird, d'location isch nöd grad billig...
Ja das wärs glaubs so mit de wichtigste eckdate. da na es föteli vo mim chleid, han mich für Pronovias entschiede
|
crivosa am 04.02.2015
Re: Bräute 2016
Hey Summer_2016 du bisch aber jo scho mega wiit mit de Planig wow...
Irgendwie getrau I mi no gar nöd so viel z plane well I den immer denke das sich doch sicher min Gschmack oder irgendwas no chli ändere wird bis ime Johr.
Bim Chleid zb hani denkt ich gange den so ca. 6 Mönet voher go luege ( chönt aber natürli ez scho eis chaufe). Obwohl ich au biz Angst han das I mi bi so viel Sache wo mer gfalled, gar nöd chan entscheide.
Mir hend beschlosse das mer kei STD Karte mached...mer werded eifach ca. 6-7 Mönet voher d Iladige veschicke...I finde jedem wos wichtig isch, de wird wohl es halbs Johr voher chöne frei neh a dem Tag.
Usserdem wirds jo e en Samstig...den hend di meiste jo frei.
Mir werded zwei Manne als Trauzüge ha, er sin beste Kolleg und ich ebefalls...(do er eifach de besti besti besti isch und keini vo mine Kolleginne vom emotionale her a en anechunt).
Finded ihr's recht komisch zwei Manne als Trauzüge?
|
Sakanas am 04.02.2015
Re: Bräute 2016
Wow Summer_2016 du bisch aber wirklich mega wiit. Und dis Chleid isch es Troimli. So richtig viel Tüll und TrariTraroooo... gefällt mir! Häsch di schnell chöne entscheide?
Wieviel Lüüt hend ihr denn am Obig debi? I bin gspanne was d'Moschti dänn für es Agebot macht...
@crivosa
Da mit de STD-Kartene lönd mir glaub us Chostegründ au si. Viellicht mached mir e lässigs STD-Mail :-) I mein da wäred jo eh nur die gladne Gäscht... bim Apero isch es mir jo glich.
Scho zwei Trauzüüge? Da findi geil... i het au fascht min beschte Kolleg gno, han u lang überleit. Aber han mit jetzt für mini Kollegin entschiede und mi beschte Kolleg isch defür mi Tätschmeischter bzw au überalll debi... =)
|
|
|
1 .. 15 .. 27 28 29 30 31 .. 123 .. 214
|
Anmelden
