Genau mer hend ebe au denkt vilich würed mer so im Mai/Juni das Johr au es Save the Date Mail mache...so e cooli Powerpoint mit Bilder vo üs und den s Datum.
Fändi au no cool

Aber wieder e Chärtli wo (simmer ehrlich) irgendwenn jede wieder wegwirft, naja...

Hihi jo I ha au lang überleit well so da Bild vo de Kollegin vo de Brut eifach no recht veankeret isch.
I han den aber müese säge das ich die Person als Trauzüge will wo mer am nöchste stoht noch mim Schatz (mit minre Familie hani nöd so enge Bezug) und drum isch er wie Familie für mi...
Deshalb ischs für mi klar gsi.

Ich werde defür e ganz gueti Kollegin vo mer froge ob si min Polteri organisiere will und mer den am Morge vor de Chirche hilft s Chleid alegge etc...das chan er jo schlecht :-P

• Zitieren

Jo genau da findi au e schöni Idee mit em Powerpoint... mir lueged au emol. Am Götti vo mim GG werded mir aber persönlich verbigo und das sege, er tuet echli schwierig, well die sebe Gschwüsterti underenand (also vu de Eltere de Brüder) echli Krach hend... und jetzt isch das echli kompliziert.

I find dini Entscheidig super. I ha halt wirklich mini sehr gueti Kollegin und dänn min beschte Kolleg. Ha drum mich für sie entschiede... do beidi mir sehr wichtig sind. Aber am Polteri wird min beschte Kolleg bi mir debi si *lach* :-)
I glaub es hett mi au nöd gstörrt wenn er debi xi wär bim Chleid alegge. Min beschte Kolleg stoht eh uf Manne :-)

• Zitieren

Jo klaro würdi glaub au eso mache... isch doch tip top
I bin echt gspanne... wie sich das do alles entwickled.

• Zitieren

Jo klaro das verzell ich dir dänn summer_2016. Mir sind am Apero ca. 150 Gäscht und am Obig 45... (bis jetzt!) I ha all no s'Gfühl i heg öpert vergesse uf dere Gäschtelischte

I find das guet, wenn mer das scho so gfixed hät. Isch doch super. I lüt hüt mol am Sigriste vu Illnau ah... die sind mir afoch irgendwie am sympathischte xi bim Antworte uf mis Mail...

Du häsch alles i de Moschti gäll? Zeremonie und Fescht? So schööööööö!

• Zitieren

Summer_2016 dis Kleid isch en Traum würkli sehr schön!

Das mit de zwei männliche Trauzüge findi übrigens au super und gar nöd komisch. I find ame Hochziit gits sowieso nüt wo komisch isch, well eigentli sött me als Bruutpaar gnau das mache was me wet, egal was anderi drüber dänket.. de Tag chunsch nie meh zrugg über, also eifach mache

Also vo wege STD: Mir hends bis jetzt de gladene Gäst eifach persönlich gseit und grad gseit welles Datum sie sich münd reserviere. Viellicht machemer aber au no es Mail oder es Whatsapp oder so. Kollegin vo mir macht immer so cooli Fotene wo si den per Whatsapp verschickt, aso so Wiehnachtsgrüess usw. Ha mir scho überleit das mir quasi eifach churz und knapp e Foti vo üs und denn STD 14.05.2016 ufs Foti schribet, denn verschicke per Whatsapp Extra Kärtli wotti au nid verschicke, vor allem au us chostegründ.

• Zitieren

Lostheaven, öbbe so wemmers au mache mit de sdt. Bi eus sind die gladene Gäst eh nur eusi afamilie und ca. 8 Kollege/Koleginne. Mini Familie isch zwar sehr gross (fast 30 Lüt), aber mir wohnet all uf 300meter nebenenand :-)
Und vo sinere Familie chömet nur 10 und dene segemers denn au persönlich. Oder halt e Mail. Aber scho 1 Johr vorher wll wie gseit worde isch, vell hend Ferie 6-8 Monet vorher scho igeh. Mir zbs hend Feriebesprächig emmer im Oktober, und hürote ja im August, dass sind 10 Monet

2 TZ fendi aunid schlimm. I finde au a de Hochzit dörfs sleziell anders si. Wie ich. Min Papi lauft mit mir ine und springt schnell um de Tisch und haltet Trauig (hoffi doch, er weiss na nix vo sim Glöck.)

Ich hami entli för mini TZ entschide (als hätti kei Ziit meh) am Sunntig frogi si. I hoffe sie seit jo. Vell Jobs het sie ja nid, mir hend ma e Tätschmeister (mini Schwöster)

Findes super wievell mir do sind... Und wieviell Tipps meh enand git ect. :-)

• Zitieren