| Bräute 2016 |
|
|
1 .. 16 .. 30 31 32 33 34 .. 124 .. 214
|
cream_tangerine  am 04.02.2015
Re: Bräute 2016
Bi mier wüsseds es scho lang, mier sind ja au scho sit em Juli 2012 verlobt  , aber ich wird denn au nah was chlises mache sobald mier oises Datum hend - so, dass es denn "offiziell" isch 
dini Idee mit de Täsche isch cool, bin mer au nah was am überlegge (:
|
|
|
crivosa am 05.02.2015
Re: Bräute 2016
Hihi so herzig...alli so chli klischeehaft en schwule beste Kolleg.
Min isch wie gseit nöd schwul aber trotzdem eine vo de tollste Mensche woni je kenneglernt ha und I cha mi eifach mega mega guet uf en veloh und er kennt mi halt würkli guet...
Mengmol ischs au no guet so e männlichi Meinig z ha zu öppisem.
Gad bim Chleid werd I en au mitneh do I doch echli e Meinig vo Mannesiite ha möchti und er denki au guet cha ischätze was mim schatz gfallt und was nöd so...
|
Sakanas  am 05.02.2015
Re: Bräute 2016
Ah jo guet wenn mer natürli scho länger verlobt isch, denn isch klar wüsseds d'Lüüt. Aber chasch dir jo doch no was chlins ifalle loh, wenns Datum def. häsch. 
Jo mini bescht Kollegin stoht eifach uf so Stofftäsche und dä hani bi somene online-Lade eini bedrucke lo...
@crivosa
Jo isch wirklich klischee-haft  Aber ebe hauptsach mer hets guet mitenand.
I bin mir schwer am überlegge öb ich min au söll mitnä bim Chleiderchauf... sicher mini TZ, mis Mami und als dritti Person weiss ichs ebe no nöd, ha denkt evtl. Schwiegermami, oder halt ebe min Kolleg, well mit em Shoppe isch es reins Vergnüege 
@Gastgeschenke
Mir isch die Nacht no e witzigi Idee cho mit Swisslos. Die hend mol so Rubbel-Lösli gha "Liebe ist..."
Het mer chöne irgendwie an Sirup here henke oder so ... aber gemäss Swisslos sind die nümm im Verchauf. Blööööööd
|
Sakanas am 05.02.2015
Re: Bräute 2016
Das wär so mis Traumchleid... han ich mol a de Hochzytsmess vor öpe 4 Johr gseh und i das verliebt... leider gits das natürlich nüm...  *grml* aber i hoff i find äs ähnlichs.
Han denkt i zeigs eu mol :-)
|
crivosa am 05.02.2015
Re: Bräute 2016
hm jo das isch echt schön... im moment hani s gfühl so mit grüschte röck isch mega in...leider gfallts mim schatz nöd eso...
han letschti das do gfude...gfallt mer mega guet (oke obe müsstis nöd so hochgschlosse si) aber denke wird nöd I mim budget ligge :) und stoh mues mer jo zerscht au emol...isch au d frog obi sowas do umenand gad finde
|
crivosa am 05.02.2015
Re: Bräute 2016
tadaaa das wärs
|
Sakanas am 05.02.2015
Re: Bräute 2016
Oh wow das Chleid gfallt mir au sehr guet... vorallem grad obe dure :-) Unde findis fascht es bitzeli z'fescht grüüschled. I finds halt schön, wenns nöd trägerlos sind wie z.B. Neckholder... I find wenn mer echli viel Oberwiiti hät isch Trägerlos ächt echli es Problem bzw. au de passendi BH z'finde 
Woow wieso wieviel chostet das de? Was häsch dir für es Budget gsetzt für Chleid mit Schueh?
|
crivosa am 05.02.2015
Re: Bräute 2016
Hihi scho? Mer gfallt gad eher de underi Teil...I finds ebe dur de fiini Stoff nöd überlade grüscht sondern gad guet...
mim fründ gfallt das u guet obwohl er so grad grüschti total vorhangmässig findet... :)
Also s gnaue Budget für alles hemmer nonig gmacht, I ha mol gseit ca. 2000.- (+/- Änderige den halt) mue lange...es isch eifach wahnsinn so viel Geld uszgeh für e Chleid wo ei mol ahesch...
Schueh mueni säge sind mer null wichtig, ich werd zwor passendi aber irgendwelchi günstige Schueh chaufe, offeni Sandale oder Pumps aber bestimmt e kei so Brutschueh...gfalled mer null und so hani wenigstens vo de Schueh den no was :-P
Schleier möcht I au keine...meh so e Hoorband oder en dezente Reife
Aber es isch eifach sooooo vieles umenand und es git sooo viel schöns...Weiss gar nie wie I mi do den jemols entscheide söll
|
cream_tangerine am 05.02.2015
Re: Bräute 2016
Mega schöni Chleider!! Ich han letscht Jahr a de Hochzitsmess in Züri bi Pour Elle sones wunderschöns Chleid gseh, aber ich finde leider keis Foti wo ähnlich isch Ich hetti gern vom Schnitt her es schlichts Chleid, eis wo chli luftig isch. Ich wür gern chli eh Hippie-Brut si Und umbedingt möcht ich gern eis us Spitze oder mit Spitzedetail 
Ja, oichi Chleider-Budget würded mich au nah interessiere. Ich wet nöd zviel zahle, wet aber au nöd wele uf öpis schöns verzichte, wenns richtige isch. Han so denkt mit 1500 bis 2000 söt ich scho öpis finde... Was meined ihr?
|
Sakanas am 05.02.2015
Re: Bräute 2016
I denk mit dim Budget findsch sicherlich es tolls Chleid Cream_tangerine!
I persönlich hetti au gern eher es schlichts, bzw. bitzli bling bling obe und afoch sust nöd extrem viel ...
Mir gfalled die Neckholder afoch sehr guet... ha do no e schöns gseh bi Chez Janine
Budget: CHF 2500.- inkl. Schueh. Schleier wötti au nöd. Und bi de Schueh luegi afoch dass sie bequem sind. Nimm au ah i chauf kei Bruutschueh, obwohl die sind oft sehr bequem und mer chönts nohher jo färbe...
Wo gönd ihr go luege weg de Chleider?
|
|
|
1 .. 16 .. 30 31 32 33 34 .. 124 .. 214
|
Anmelden
