Herzlich Willkomme MrsHauser2016! Wo ich dini Hochzitsvorstellige ghört han, han i gad a mich müsse denke ;) Mier wend au rustikal hürate, Buurehof oder Waldhütte fänd i öpis mega tolls und au dZeremonie under freiem Himmel isch scho immer miin Traum gsie Wend ihr eh chirchlichi oder eh freii Zeremonie?
Mier hend ned es riesigs Budget und wennd au ned zviel usgäh, viellicht chönd mier ois ja mit Spartipps gegesitig behilflich si ;)

• Zitieren

Sakanas:

---

Jo die Versicherig lohnt sich amel und au mir werded die mache:-)
Do het Züri Versicherig was guets uf Bei gstellt...

Fotograf:
Im regular isch folgendes mit debi
- usführlichs persönlichs Vorgspröch
- casual Portrait (120 min) 20 individuelle bearbeiteti Bilddateie
- besichtigung Hochzitslokalität
- fotografischi Begleitig für 10h
- bruutpaar und gruppeportraits innerhalb vo dene 10h
- online galerie für gäscht mit downloadfunktuon
- 300-500 individuelle bearbeitete Bilddateien
- release Party
-fahrspesen schweizweit
= CHF 3300.-


Bim extended unterschied:
- 14h Begleitig
- 500-800 Bilddateie
- fineArt Print 50x50 gerahmt
= CHF 3900

Mor wüssed ebe no nid welles :-/

• Zitieren

chandini04: Oh... ich wet au scho lang mis Budget mal mache, aber ich finds so schwierig teilwis bi Puenkt won ich eifach nah muss schaetze, will i ned weiss, wie viel dass es choste wird... Wet mi ned zvill verschaetze und nachher en mega Differenz ha
Hesch du eh Budgetvorlag wod choentsch empfehle? Oder machsch selber eini? Ich han mega viel im Internet und in Heftli und Buecher gfunde und sie sind eifach all chli andersch haha!


Sakanas: Ich wuer bim Fotograf glaubs au sZweite naeh. Isch ja ned sooo viel meh Geld und hesch doch es paar Fotis meh. 14 Stund find i au recht lang, aber ich denn chan dich de Fotograf viellicht au nah bi de Vorbereitige foetele? Oder waer das bi de 10 Stund au din? Also, bi ois isch das so planed, ich finde, das git immer so schoeni Fotis (:


(Sorry, min Schatz het ah sim Laptop kei Umlut!)

• Zitieren

Guete Morge,

d'Vorhangfrau isch gad do und hilft mer d'Vorhäng ufemache, aber will sie findt i mach das nöd so wie i sött, dörf ich wiiter "schaffe". Das Forum wird mer glaub no öppe glich zum Verhängnis wie Pinterest, do chan mer sich richtig schön verwiilä, haha

cream_tangarine: Spartipps sind immer Willkomme und i gibes natürlich genauso gern wiiter. Mir sitzed schliesslich alli im gliche Boot oder isch Kutsche passender

chandini04: Isch kei verruckti Gschicht. Hend eus währed de Lehr ide Bruefschuel kenneglernt, heimlich gschwärmt fürenand aber wie's amel so lauft simmer immer chli abwechsligswiis vergeh gsi, bis mer denn vor öppe füf Johr mol es Ziitfänschter gfunde hend, wo beidi hend wölle und au chöne. Wo mer denn zämächo sind, isch denn de Fall für beidi gad klar gsi, ohni enand wömmer nüm.

Bezüglich Budget isch das ebe au so e Sach, aber i glaub wenn mer würkli e Vollkosterechnig macht (inkl. Kleidig, Flitterwuche etc.) hani so e Zahl vo 25'000 im Kopf (Naiv?). Und das halt nur will mer en sehr grosse Fründeskreis hend. Drum möchti au vermiide im ne Restaurant zfiirä, mit viel Lüüt hauts der do eifach d'Köste extrem ufe...

Wie isch das bi eu so, die Zahle woni bim überflüge vo dene fasch 40 siite gseh han, lieged öppe i de gliche Grösseornig?

Um mis Budget nöd im Zaun aber wenigstens im Blick zha, han i au noch dene Tabelle googlet und irgendwenn hani's ufgeh und eini selber gmacht, wo die Aspekt vo dene verschiedene Vorschläg beinhaltet... chan sie gern schicke, wenn mer möchtet.

Merk gad, dass i glaub doch es grössers Mitteilligsbedürfnis han als agnoh

• Zitieren

Sakanas

Han mer gad mol de Link für das Wiiguet aglueget. Gseht würkli hübsch us, obwohls fasch chli modern isch, aber de Usblick isch jo unschlagbar. Han aber i de Bankettdoku glese, dass Hochziite usgnoh sind... mol alüte und froge was das heisst

• Zitieren

nicht registriert

Guete Morge zämme!
Do goht's jo scho wieder wytter! Zum Glügg hani grad nid so viel z tue und es gseht mr niemerts ufe PC
Ich ha au immer e Fänster mit däm Forum offe und näbedra eins mit Pinterest. Und schwupps, isch wieder e halb Stund vergange

MrsHauser2016 Vorhangfrau?

Sakanas Was hän die denne vo de Kirche jewils gmeint? Düen sie bitz kompliziert?

Ich ha gester mol paar Fotografe ahgfrogt, bi mol gspannt, was do usekunt...

• Zitieren