| Bräute 2016 |
|
|
1 .. 20 .. 38 39 40 41 42 .. 128 .. 214
|
Sakanas  am 15.02.2015
Re: Bräute 2016
Hi Leute wie gohts eu? I bin hüt i de Schifflände gseh...wow mega tolle Saal 
|
|
|
chandini04  am 15.02.2015
Re: Bräute 2016
Hoi Sakanas, woow has grad agluegt seht toll us :-)
Mir hend i zwei Wuche euse Besichtigungstermin ufem Engelberg... Whuaaa freumi so, ha nur bitz Panik becho wo die gschribe het dass scho die erste Samstige im Summer 2016 reserviert sind. Aber mir sind ja glücklicherwiis flexibel.. :-)
Sind höt a de muba gsi und Feriemäss und wösse jetzt ganz definitiv das es för eus nach Südafrika gaht i de Flitterwuche. Aber muemo nochli gedulde mit plane.
Schusch hani vor glii mal Fotografe gnauer azluege, ha scho e Favoritin.
Und jo das mim Budget mache, isch ergendwie nüüt worde...
Git eifach zvill Pöschte woni kei Plan ha. (Ovwohlis denkt ha)...
Läset ihr eig au flissig Brutheftli? Aso ich ha swisswedding, das fendi super duper
Am Mittwoch frogi mini hoffentli bald TZ ob sie well sie :-) sie isch leidr chrank gsi die letzte zwei Woche.
Wer het jetzt sini Kolegin gfrogt eltzt Fritig? Du Sakanas? Het sie jo gseit?
|
Sakanas am 15.02.2015
Re: Bräute 2016
Hi Chandini04, schö vu dir z'lese. Oh wow i welles Resti gönd ihr dänn? (de chani au go güxxle).
Jo Schifflände isch echt es Troimli, sie hend afoch "leider" en Mindestumsatz vu CHF 7'000.- und de Saal isch bis zu 160 Persone.
De Chef hät üs denn gseit, dass üsi Personeazahl vu 46 echli verlore wäri, und s'Resti d'unde wär aber z'chlii.. jetzt weissi voll nöd was mache... was würdsch du, no 5 Lüüt meh ilade? I ha ebe so Wackelkandidate, bin mir aber überhaupt nöd sicher.
Joooo das bin ich xi. Sie hät jooo xait mini TZ und isch jetzt öpe glich nervös wie ich 
Lese bis jetzt no kei Bruutheftli...
|
chandini04 am 15.02.2015
Re: Bräute 2016
Hallo Sakanas,
Cool het sie Jo gseit und isch glich nervös wie du :-)
Aso wenn 5 meh iladisch sinder ja glich "nur" 51 de isch doch de Saal emmerno vll zgross, oder nid?
Chunt halt drufa was es för Wackelkandidate sind... Chame findi so pauschal nid sege.
Mir hürote nid ufm Engelberg womer Skifahrt sondern Der Engelberg in Walterswil.
Mueschs mal go aluege. Aso mir hoffe das mir dette hürotet :-)
|
Sakanas am 15.02.2015
Re: Bräute 2016
Ja also es wered 5 Kollege siitens mim Schatz - mer gsend sie im Jahr nid so viel (halt afoch Geburtstäg und ab und zue e Esse). Sie sind halt nid die weltoffenste Persone und au am Geburi vo mim Schatz sinds halt immer a erem Tisch ghoggt und fertig, nid so die Fäschter :-)
De wer no mini ehemolig bescht Kollegin mit Maa... I ha es guets verhältnis, halt au paar Mol im
joor aber sie isch mer irgendwie wichtig. Zwisched eus ischs afoch nüm so wie vor
Ihren lange Uslandufenthalt..
Dfrog isch, eb echli en luftige Saal
Jetzt schlecht isch :-)
Oh gangi grad go luege...
Findsch e Chile muess en Mittelgang haa?:-)
|
sommer-0816 am 15.02.2015
Re: Bräute 2016
Hoi Zäme, i mälde mi au wider emol 
Bis jetz hani de Chille und Pfarrer, im Oktober hani schon en Termin bi Chez Jeanine fürs chleid und ende Monat gömmer üsi Restaurant fürs fiir go ahluege
Sakanas: Bisch au so ide Planigsfieber wie ich ? Chönntisch du mi echt en paar Tips geh was ich so bim Rest alles mue froge?
|
Sakanas am 15.02.2015
Re: Bräute 2016
Hui du bisch scho mega wiit ;-) wow!
Ja i bin voll am mitfiebere - min Fründ denkt sicher scho i spinn :-)
Scho de Termin? Wooow i gang au zu Chez Janine...ha aber no nix abgmacht. Warte no uf Kollegin mit de Referenz a Verkäuferin im Chez Janine.
I ha folgendes gfrogt:
- Saalmieti / Mindestumsatz
- Tischplan
- kindermenu
- beamer etc?
- polizeistund und verlängeriig
- menuplän
- offerte
- naturschutzgebiet -> fürwerk
|
sommer-0816 am 15.02.2015
Re: Bräute 2016
Sakanas
Jo mier hürated am 20.08.2016 um 14:00 Uhr
Jo mini Family und ihm sini dänked au dass i spinne
Aber mier isch es mega wichtig dass alles klappt und üse Kapelle (st jost ennetbürgen) isch no rächt beliebt,
jetz bini froh hani de termin
Bi de Chez Janine hend so im Oktober en spezielle aktion für outlet chkeid, alle für 600 Franken, drum gangi mal go luege 
Danke für de tipps
|
chandini04 am 15.02.2015
Re: Bräute 2016
Neee i findes gar nid schlimm wenn veeeeell Platz hesch. Ha gmeint du frogsch weg dene 5 Lüt meh, well demit de Saal meh wotsch fölle, darum hani so doof gfrogt, sorry :-)
Aso wenn ich inere achile wörd huröte brüchti e Mittelgang. Findes u schaad wenn meh uf de Siite ie chunt. Aber i werde eh dusse hürote und det hets e Mittelgang :-) bzw. ich machen eifach...
Aso dini Kolegin vo frühner wördi ilade. I ha au sone Kolegin eig. Mini best Fröndin gsi und mit de Joohre het sich doch einiges gänderet. Gsend eus so 5-6 mol im Johr.
DKolege vo dim Verlobte sell er doch sege oberr will. I finde nid jede mue voll Party mache. Well er sie denn debi ha?
Huii wiefeh muemer de do e Zermin abmache zum Chleider go probiere? Ha vor erst im Januar go zluege.
|
Sakanas am 15.02.2015
Re: Bräute 2016
@sommer
Oh ehrli uf Outletcgleider? Was heisst outlet?:-)
I denk i werd es Termindli ab,ache eppe uf de September und do i echt nid grad Kleidergrössi 36/38 träg bini afoch froh i find was, wo zu mir passt...
Gell mir ischs au wichtig dass alles klappt :-)
@chandini
Mhh mini Traumchile bis jetzt het nume en Siitegang aber mer chunt hinde ine... Sgoht afoch de Siite entlang 
Scho de wurdsch Kollegin ilade? I denk da machi au!
Jo weisch die Clique isch oft sehr negativ gstimmt ... Darum! Mir lueged emol - min Schatz isch sich unsicher.
|
|
|
1 .. 20 .. 38 39 40 41 42 .. 128 .. 214
|
Anmelden
