Hmm Dessertteller findi au e super Idee. Mir möchted gern dass ebe echli Bewegig drichunt und drum s'Buffet. Aber üses Restaurant machts noch Wunsch, also sie tüend öpis druf (nöd alzu viel) und dänn fülleds wieder uf, falls öpis usgoht oder no öpert öpis will. Mir tüend üs afoch e chlini Hochzytsture (wirklich chli und meh symbolisch) kaufe zum quasi s'Buffet eröffne.

Aber da isch doch super. Merci für din Tipp. De machi nume 4 Gäng :-) (söll lange) git jo no Apero :D

• Zitieren

Mier werded wahrschinli nur 3-Gäng ha. Es gseht im Moment so us, als ob mier es Catering werded ha und denn hend mier denkt, mached mier gad es kompletts Buffet. Salat, Hauptgang und denn chlises Dessertbuffet mit Turte. Viellicht entscheided mier ois ja denn glich nah uf eh Suppe, denn gäbs au 4 Gäng ;)

• Zitieren

nicht registriert

Hoi mitenand

Zerst mal schick ich eu liebi Grüessli us Vietnam

@ Gäng: mir werdet au nur 3 Gäng ha und alles Buffet. Es git verschiedeni Salät, dän Grill und zum Schluss dessert plus Cake Pops als Hochziitsturteersatz. Grillbuffet isch bitz de Wunsch vo mim Schatz, ich hets lieber chli 'edler' gha mit serviertem Ässe aber so isches au grad chli günstiger und passt au besser zu de Location und zu euis und jede chan nä was und wieviel er mag. Und Apero gits vorher ja au na

• Zitieren

@summer
Oh wow wie lang bisch dört? gnüss es fescht.
Cake Pops? I lieeeeebs.. i mach die selber zämä mit Cupcakes Findi voll cool. Vo wo häsch es?

@baguette
Mir hend eus entschiede, die 7 Wackelkandidate doch izlade zum Esse, de simmer 53 Erwachsni und 4 Chind. Und dä gits 1 Runde Tisch meh, Photobooth hämmer glaub nöd, well mer de Fotograf debi hend. Aber das wär natürli au e Idee.. und i denk es git sicher paar Spieli, de Platz chammer scho nutze

Mitternachtsimbiss, so cool. Wenn häsch denn denkt Dessert? Chunt halt echli uf de Zytabstand drufa... aber d'Idee findi cool

Was gits bi euch leckeres? Mir hend au scho öpis usglese, damit mir mit em Resti au mol chönd luege.

• Zitieren

nicht registriert

Sakanas Super, hän dr euch so schnäll entschiede! Nähme dr jetzt s Schifflände oder lueget ihr trotzdäm no die dritti Location ah?
Mir hän am FR s erste Gspröch mitem Fotograf und dä het ebbe sone Photobooth in eim vo sine Paket inklusive. Die Fötteli würde denne au inere gschützte Onlinegalerie de Gäst zur Verfüegig stoh
Ebbe, lieber chli meh Platz wo me ka nutze, als dass d Gäst fascht ufenander müen hogge...

Unseri Location würd so kleineri Burger als Mitternachtsimbiis ahbiete. Das mit de Zyte müen mr au no ahluege, aber ich glaub, das würd denn scho au gnutzt wärde bi unserne Gäst, wel die meiste schlofe dörte und s goht bis am 03.00 oder spötischtens 04.00

Also bi uns gits s folgende Menü:
Bunte Blattsalate in Balsamicodressing mit frischen Kräutern, Radieschen und gehacktem Ei
***
Getrüffelte Steinpilztaschen auf Risotto mit gebackener Petersilie
***
Gefülltes Perlhuhnbrüstchen auf Gemüseragoût mit Thymiankartoffeln und Selleriestroh
ODER
Roastbeef - am Stück - in Senf-Kräutersemmelbrösel mit sautiertem Wurzelgemüse, dazu Schwenkkartoffeln auf Selleriepürée
***
Panna Cotta mit Pfirsichsauce und Heidelbeersorbet

Was hän dir usgläse?

• Zitieren

@summer, oh mueni grad bi ere mol güxxle... =) Und es paar Idee go schnappe....
Muesch de verzelle, wenn du zrugg bisch ...*gwunder*

@Baguette
Ich glaub mir entscheided uns für d'Schifflände... es gfallt eus dört super guet und es passt sehr zu üsne Farbe I wart aber no mit Zuesege, mir hends no no prov. reserviert... bis i 14 Tag. Frög mi Schätzi nomol.., denke aber de Priis isch fair und die CHF 8'800.- falled jo no zämä, well mer jetzt ei Gang weniger nehmed...

Nüsslisalat mit Speck, Croutons und Ei
***
Tomatencremesuppe mit Pestocroutons
***
Rindsfilet am Stück rosa gebraten mit Balsamico-Rotweinsauce
Kartoffelgratin und buntem Gemüse

--> als zweite Komponente Röstikroketten

d'Chind chönd es Chindermenu uslese
***
Dessertbuffet inkl. kleiner Hochzeitstorte


I find die Hamburgerli cool, vorallem wenn ihr so lang mached.
Mir hend dört kei Pfuusmöglichkeite (GG und ich lueged de no) und Gäscht müend halt selber wüsse. Aber mir hend mol denkt bis am morge am 2 sött au lange

• Zitieren