| Bräute 2016 |
|
|
1 .. 25 .. 47 48 49 50 51 .. 133 .. 214
|
Brucolino  am 23.02.2015
Re: Bräute 2016
Hallo mitanend 
Juhuuu mini Trauzüügin hed zuegseid 
Jetzt chas losgah..
Leider aber hend mier die 3 Offertene becho vo Restaurants wo mier nööcher agluegt hend und sind chli gschockt gsi..
s Ässä isch voll i dem Rahme vom Priis womer wend usgäh. Jedoch mit (z.T.) Ruummieti, Servicepersonalkoste, Zapfegeld, Verlängerig, etc etc chunds eifach mega tüür 
Bim einte isches no so, dasses es Hotel isch und mier am Abig am 11i müesstet vom Saal ine "Schüür" wächsle zum mit Musig wiiterfiire.. fändi ja nid soo schlecht, isch recht romantisch. Aber ich ha dänkt, das wär denn so am morge am 3 wenn no die letzte junge wennd fäschtä. aber am 11i findi recht früeh, ha chli angst dass denn vili (vorallem vode Älterä) säged sie gienged doch denn gad hei. und au dekoriere müessti ja denn dopplet.. hmmm was meined ier?
@ Ehevertrag: Mier mached uf jede Fall en Ehevertrag, will bi üs wirds wahrschindli so sii, dass beidi vode Elterä mal wärded Land / Huus erbe und das wemer greglet ha. Nid dasses denn zumen mega Striit cho wür. (aber hoffemer mal dasses de Vertrag nie bruucht)
|
|
|
Sakanas  am 23.02.2015
Re: Bräute 2016
Brucolino
Oh voll cool mit de TZ. Perfekt! Jetzt chönd ihr loslegge 
Im Restaurant no Servicekoschte etc? Isch au no speziell.. meischtens isch das doch im Esse mit debi. I mein d'Verlängerig vu de Polizeistund etc, verstoh ich alles... aber au dört sött jo denn Servicepersonal igrechned si.
Das chönti scho si, dass wenn ihr eu am 11i müend verschiebe, dass die ältere Lüüt denn grad gönd. Würdi mir guet überlegge... well irgendwo dure isch es jo nohher au schad, wenn nur no d'Hälfti zügled.
|
chandini04 am 23.02.2015
Re: Bräute 2016
Hallo mitenand.
Brucolino Super cool het dini TZ zuegseit. COOL.
Findes au eher nid so toll scho am 11i müesse zügle. Chasch det nid no was schiebe? zbs. bis am 1?
Wie tüür wer denn alles in etwa, bzw. um wieviel werde die einzelne Pöste tüürer.?
Sakanas WOW, de pinkigi findi de HAMMER.
Summer_2016 WOW das Bild isch schön vo Vietnam. Isch aber nid umbedingt es Reiseziel för die nächste Johr dette.
Deko weisi nanig recht. Mir gfallt grüen, am liebste GIFTGRÜEN :)
Aber vllt hemmer es bitz s'Thema reise/USA da het denn zwar nix mit de Tischdeko zdue aber zbs Sitzplan, Gastgschenk ect. (Danke an Baguette) :)
Ehevertrag huii in das Thema mueni mi zerst no richtig iiiläse :) Do chumi gar nid drus
I ha Gester min Papa gfrogt ob er eusi frei Zeremonie well leite und er het jo gseit (und es Trändli gha)
JUHU :)
Am 3.3 hemmer Gspröch mit de Fotografin und de hani DJ's Offerte. HUIHUIHUI.. all zwösche 1500-1800 CHF.
Findes eifach bitz hammer mässig tür. Aber isch halt au e sehr wichtige Punkt, d'Music.
Hend ihr scho Offertene?
|
|
Baguette nicht registriert am 23.02.2015
Re: Bräute 2016
Zug Muesch uns denne genau verzelle, wenn du de Ahtrag beko hesch!
Brucolino Super mit de TZ! Freut sie sich scho?
Also mini Schwöster het damals au e Rumwächsel ka öbbe um die Zyt. Und es isch denne niemerts grad hei gange. Sie hän eifach währendem Wächsel dusse no sone Füürshow ka. Nochhär isch no e rächti Party gsy im zweite Rum. Klar, die Ältere sin denn halt au nüm allzu lang bliebe.
Deko Mir (also ich) tendier zu pfirsich und stell mr es Bouquet öbbe wie uf däm Bild vor 
Ehevertrag Wärde mir keine mache. Mir hän getrennti Konti und wärde das nochhär au no so handhabe.
chandini Ueee! Soo toll! Das wird sicher super mitm Papi als freie Redner!
Fotograf Hän mr hüt definitiv bestätigt beko. Dä isch also scho mol gebongt 
DJ Hani au paar Offärte ahgfrogt, bi no am warte. Ha in DE und CH ahgfrogt. Bi scho gspannt!
|
lostheaven am 23.02.2015
Re: Bräute 2016
Sali Zämä
Brucolino ich schlüsse mich de chandini ah, chasch nöd luege das ihr villicht bis am 1 chöntet döte blibe? am 11i findi scho au huere früe und ebe wie du seisch es chöntet gwüssi Lüüt denn das würkli grad als Ahlass neh zum goh...
Sakanas ich find au de pinkig Struss de hammer, ha mi grad verliebt, de wirdi sicher denn im Bluemelade zeige
bi de Deko bini mir au total unsicher ... ich bi eigentli mol vonere mischig zwüschet cremewiis, violett und navyblau usgange.. hmm.. aber ich chönt jetzt no e hübschi Tischdeko überneh wo eher so im hölzige stiil wär.. mol luege.. weiss jetzt grad gar nonid wasi söll mache....
Ehevertrag
mir wärdet hürote ohni Vertrag und somit automatisch dErrungeschaftsbeteiligung ha .... spöter wemer Chind und Huus händ würdemer aber uf jedefall en vertrag mache, villicht denn grad en Ehe- Erbvertrag, damit eifach au im Notfall alles greglet wäri ... Eheverträg chame wie gseit au no spöter mache und me cha au de Güeterstand zume spötere ziitpunkt no ändere (so lang me sich einig isch das me das wet) isch alles kei Problem... da ich grad anere rechtliche Wiiterbildig bin und au das Thema gha han chani eu allefalls chli helfe wener froge hend..
ich bi chli verzwiiflet am Sueche vo üsm Ort wo mir wend Hürote und de Apero ha.. mir hend ja e frei Trauuig und eigentli üsn Ort scho vorreserviert gha, jetzt het aber de dummerwiis dBewilligung nümm übercho für sis grosse Festzelt vom Kanton.. er isch ebe i de Landwirtschaftszone und het all Johr e Bewilligung brucht.. huere schaad, er het mir jetzt gseit das es leider so nöd möglich isch zum bi ihm da Fest mache.. bi jetzt überall chli verzwiiflet am sueche, es wär halt üsi Wunschlocation gsi und mir hend gar kei anderi ahglueget.. am Obig sind mir jo den ame andere Ort und de isch au scho reserviert
jetzt hend mir leider es paar abgseit wo seget entweder au de Obig bi ihne oder nöd.. bi andere bini jetzt no am verhandle, aber di einte hend priisä do tätschts di eifach hine use und mir sind nöd bereit zum jede priis zahle... hach hach bi grad chli verzwiiflät.. eigentli hetti jo scho alles gha mit Location und so und jetzt stohni wieder do... und so viel Uswahl gits halt nöd bi üs i de Umgebig
min GG gsehts natürli total locker, er isch de Meinig das mir denn scho es passende finde werdet und i mir nid so en stress söll mache
|
Brucolino am 23.02.2015
Re: Bräute 2016
Jaa das mit dene Priise hüürate isch eifach zu tüür 
Ich han ezt mal agfragt, öbmers chöntet schiebe. dassmer erst so am 1 müesstet wächsle. hoffe das klappet. Mier hend scho soovill agluegt, aber irgend en hacke gids immer.. ezt hani gad so en Moment, woni eifach nümme mag.. 
Hend ier no en Idee für en Location Umgebig Schwyz, Uri, Zug, Luzern (eher richtig See und nid is hinterland).. mier sind für jede Tipp dankbar
Deko hani scho paar vorstellige, aber es muess halt denn au zude Location passe.. drum warti nochli mit mega genau plane
|
Sakanas am 23.02.2015
Re: Bräute 2016
Lostheaven, Chandini
Gelled de Struss isch de Börner - i find de Pink au wahnsinnig, i persöndli frög denn de aber mit orange Gerberas a... =) Mir wend jo im Orange/Holzoptik was mache.
Priise
Jo die cheibe Priise sind afoch extrem... sobald mer s'Wort "Hochziit" seit, choschtets doch grad meh. Schlimm...I denk die DJ-Priise sind glaub i dem Rahme. Han persönli no kei Offertene.
me
i han chöne d'Obiglokalität nomol prov. echli useschiebe. damit mir no chönd mit em Pfarrer abmache.
Bin am morn im Spital (Fuess-OP) und drum nöd so mobil....
denk aber i sege dänn zue sobald mer das mit em Pfaffi händ
|
chandini04 am 23.02.2015
Re: Bräute 2016
lostheaven wo her chunsch denn du? Weg location suechi...
sakanas alles gueti morn bi de OP. Chunt sicher guet.
|
Matia am 23.02.2015
Re: Bräute 2016
@Summer_2016
Du kannst in der Schweiz das Sorgerecht nicht im Ehevertrag regeln. Siehe bspw hier:
http://www.nzz.ch/finanzen/uebersicht/fi...lfte-1.18249859
|
lostheaven am 23.02.2015
Re: Bräute 2016
Ich chume usm schöne Kanton Schaffhuse 
Ja das mitm Sorgerecht isch so. Aber sitm 1.7.14 gilt sowiso grundsätzlich es gmeinsame bi de Scheidig. Weme es alleinige wot muess me das beaträge und guet begründe und am Schluss liets aber i de Hand vom Richter wie er entscheidet..
|
|
|
1 .. 25 .. 47 48 49 50 51 .. 133 .. 214
|
Anmelden
