Guete Morge Zäme

Bi üs isch gest gad 2.5h d Weddingplannerin gsi...u e netti Person, mer planed alles selber aber me hend mit ere so e Grundsatzsitzig gha wo si abütet wo si eim eifach Tipps und Tricks und no chli für s Budget mit uf de Weg git.
Scho no spannend gsi uf was si üs so ufmerksam gmacht het...
Si het mer zb au empfohle d Chleider zerst selber go aluege und den erst für d Favorite Lüt mitzneh.
Es chämi viel z viel vor das den d Begleiter d Brut glich zu was überreded wo si nöd will oder zahle chan/sött.
Wir mer das sicher z Herze neh...
Au echli wichtig zum alles schriftlich festhalte wo mer buecht und unbedingt e Klausle I de Veträg ha das wenn de Fotograf oder irgendwer vo de Dienstleister nöd chan, er sich um en Ersatz kümmere muess und nöd er eifach ohni wer dostönd.

Si isch witzigerwis gad au no agstellt ime Reisebüro...sprich me werded den im Herbst emol zu ere goh...
Hawai wür üs reize, isch aber abartig tüür...Mexico wär au no e Idee

• Zitieren

Crivosa
Oh isch sicher spannend gsi da Treffe mit de Weddingplanerin. Und da mit em Chleid probiere echt speziell:-) i denk i nimm doch mini zwei Begleiterinne mit vo afang a, well i mir e nie sicher bin und gern Zweitmeinige ha. Jo da mit de Klauslene isch echt en guete Hiiwiis.

Hawai? Min GG isch emol gsi ganz am Afang vo üsere Beziehig. Seg u schö gsi ussert Honolulu - das lohni sich fast nid. Insle wie Big Island oder Maui seged 1000ig Mol schöner ;-)

Silenzia
Hellllow ;-)

• Zitieren

Silenzia, dass heisst ihr sind scho 15 johr verhürotet? Und düend jetzt kirchlich? Oder du hürotiscj zum 2. Mal? Wie muemer da verstoh? Herzlich Willkomme.

Crivosa, hui das mim Ersatzfotograf hani mir gar nie so öberleit. Bim
DJ isch emmer e Ersatz debi (zumindest bi dene womer i de engere Uswahl hend)

I werd au nid allei go chleid probiere. I verstoh dLogik vo de Weddingplanerin, aber i wörd mi nid mal för eis chönne entscheide, so allei :-)

@me, mir hend am Zistig numal e Fotografinkennelerngspröch, denn wird na de DJ usgsuecht und denn lengts erst Mal :-) denn gits Pause bis Im August (werdi eh nid ihalte..) aber smeist wemmer denn erst denn avo richtig Plane.

Denn hemmer die 3 Wichtigste Sache. Location, Fotograf und dj

• Zitieren

Ach soo, das hani nid gwösst :-) ouu das fendi denn schön nach "so langer Ziit". Verzell doch mal öbbis öber euch, wie und wo und wenn? :-)

• Zitieren