@Baguette Er isch us Liverpool. (: (aber er het kei Ahnig vo Fuessball defür ich!!) Mier sind MEGA GAMER haha, vieli vo mine Kollege finded das chli komisch)

Schwigis: Also mini "in-laws" ghöret zu de liebste Mensche wo ich han döfe kenne lerne! Ich liebe sie fast so fest wie mini eigete Eltere, sie sind eifach herzens gueti Lüt! Ich bin au gad vo Afang ah Teil vo de Familie gsie und au mit sine Gschwüsterte und ihrne Partner verstahn ich mich super guet! (Lustige Fakt: Mim Ma sini Schwosch hüratet au negscht Jahr und sie isch bi mier Bridemaid und ich bi ihre) Ich han mega Glück gha! Au mini Familie hend min Ma mega gern und sie unterstützed ihn au mega, da er ja ersch sit eim Jahr in der Schwiz lebt.

3 Wort zu mim Schatz: herzensguet, humorvoll, tollpatschig ;)
3 Wort zu mier: Sozial, geduldig, unordentlich ;)

Min GG skyped gad mit sim Brüeder, de chunt de Summer wahrschinli ois cho bsueche mit de Familie und min Schatz isch jetzt scho am dure plane was mier wenn chönted mache haha!

• Zitieren

Meld mi au wieder mal
Mer händ grad en lustige Film zäme glueget, was sehr selte vor chund ond de hätte min GG gmeind i söll doch no mini ca. 40 Mails doreluege
Send jo schön vliessig....
In drü Wort beschriebe...
Min GG: Lustig, liebevoll, gutmütig
Ich: ungeduldig, herzlich, offeherig

Schwiegereltern: Hätti ned besser chöne breiche, mi GG ond i send voll Familie Mensche. Mini Schwigermuetter hätt scho recht bim zivile Träne gha ond jetzt beni de gspannt wies esch wens erfahren dasmer no IDE Chile hürotend..

Oh das mitem Oel wörd mi de au wunder neh, so viel wien i Rundume han, dromi amigs nedemol es Bikini alege ond mi GG fendes schad....

• Zitieren

nicht registriert

@cream_tangerine Di GG isch us Liverpool und het kei Ahnig vo Fuessball?!?! Das ghöri au zum erste mol. Defür kompensiersches jo anschienend du Haha so richtigi online Gamer?
Wenn de verglichsch was du alles für imene Joor plansch, isch är nid emol soo früeh dra sy Summer mit sim Brueder z plane

@Sakanas Das isch bi uns genau glich. Ich suech nach Ahgebot etc. und är findet denn jo oder näi. Ich würd glaub s günstigere näh. Schlussändligg isch me jo nid so viel im Hotel sälber, wenn me sone tolle Strand vornedra het. Usser ihr wänd denne scho für Nochwus üebe :-)) Und denne könnte dr au ohni Bedänke uf Kanada. Statt ei mol meega und denne nach de zweite, stressigere Fyr nid. Ich hoff, dass ihr die für euch passendi Lösig findet!

• Zitieren

nicht registriert

@Sakanas Jo das isch verständlich, würd denne au nid zum Altar welle füre kugele
Joo, vooll. Denne reuts euch au nid, wenn dr mol e Tagesusflug oder so machet :-)

Mir müen denne nach de Hochzyte unbedingt alli do wytterschriebe. Nimmt mi scho wunder, wies nochär bi allne wytter goht mit Babys etc.

• Zitieren

nicht registriert

@Sakanas Do schliess ich mi dir ah! E Cousine vo mim Fründ het voreme Joor schwanger ghürote und siie seht sooo härzig usgseh. Aber sie het leider e neus Kleid müesse kaufe, wels nid so plant gsy isch :-)

Ihr hän jo no bitz Zyt. Und wär das Hotel grad an somene Strand?

• Zitieren

Also ich mue au ehrlich säge ich glaube es wür mi uuu nerve weni vor de Hochzit schwanger wär

Da isch ez eifach was wo I nöd voher wott und scho gar nöd a dem Tag...es goht sicher au und isch au herzig aber jo...lieber nöd...für mi persönlich ez...

hmm wiiterschribe oder he...eigentli wärs doch e cooli Sach wenn mer den emol en Tag oder so würed plane wo mer üs ali treffed? Oder emol sicher die wo halt aktiv au würkli echli mitschribed...
Wär sicher en coole Event und me chönted den ali vo üsne Hochzite vezelle etc...

Finds no cool das mer so e Gruppe findet wo me sich vestoht ähnlichi Asichte het und ustusche chan ohni das mer die Persone überhaupt emol gseh het...me sind sicher alles voll veschideni Type :-)

• Zitieren