| Bräute 2016 |
|
|
1 .. 39 .. 75 76 77 78 79 .. 147 .. 214
|
Sakanas  am 13.03.2015
Re: Bräute 2016
@baguette
minere cousine ihre Fründ (also no nid ghürote) heisst au glich wie mir zum Nachname 
Hehe und mir heissed nöd Müller oder Meier oder Huber *smile*
|
|
|
lostheaven  am 13.03.2015
Re: Bräute 2016
Ja mir hend halt au no so e Gmeindsheftli wo vier mol im Johr usechunt. Ich dänke, ich wird denn döt innä irgendwie no en chline Bricht mache. So nachm Motto Frau x heisst jetzt Frau y
und denn mol luege 
Das hani bi üs uf de Gmeind au scho gseh, zwei wo ghürote hend mitm gliche Name, isch aso würkli sehr praktisch  chasch denn nu hoffe, dass würkli nöd mitenand verwandt bisch 
|
|
Baguette nicht registriert am 13.03.2015
Re: Bräute 2016
@Sakanas Soorry, ich hätt jetzt uf Müller tippt
@lostheaven Jo sone Heftli isch jo mega praktisch!
Haha stell dr vor...In Island hän sie jo sone App usebrocht, wo me ka abchecke, ob me verwandt isch oder nid *lach* Das isch jo so klei, dörte het sicher de eint oder de ander e Verwandti abgschleppt :-D
|
Sakanas am 13.03.2015
Re: Bräute 2016
Nai nai nix Müller :-))
Was sone App? Haha - i find so Sache immer speziell:-)
Wo hend ihr eue GG eigentli kenneglernt?
|
lostheaven am 13.03.2015
Re: Bräute 2016
Ja das mitm App hani gwüsst. Anschienend sind ebe in Island uuuu viel mitenand verwandt wells ebe so chli isch.. und es chan si das du grad din Cousin date tuesch und du weisch das nöd.. und ja well me so züg het welle verhindere gits jetzt ebe so es App. Du chasch die Person denn igeh und es wird dir ahzeigt öb verwandt bisch mit dere oder nöd. Anschinend hegs au ganz tragischi Fäll gäh wo den luut Gsetz halt au nöd hend dörfe zeme si, sich aber halt inenand verliebt hend wells es nöd gwüsst hend...
Min GG hani im Usgang kenne glernt Passt zu üs, mir sind so richtigi Vollbluetusgänger gsi früener, jedes Wuchenend furt ghocket
Mir hend üs ame Fritig obig gseh, sind aber beidi zschüch gsi zum üs ahspreche.. Er isch döt de Fahrer gsi und ich ha eifach so hemmige gha trotz Alkohol. Bim Heigoh het er mir aber hine noh glueget und ich ha zu minere beste Fründin gseit ich glaub ich Wink ihm und das hani denn au gmacht und er het zrugg gwunke  . Am Samstigobig isch denn e super Party gsi wo so zimli jede gange isch woni kenn, i ha druf spekuliert das er au döte isch und tatsächlich. Anschinend het er de ganz Tag scho vo mir gredt bi sine Kollege und woner mi gseh het, hetter sis Bier anegstellt und isch zu mir cho.. Tja und denn hemmer en lustige Obig verbrocht und hend üs Vollgas abgschosse und wild umeknutscht so lustig muess jetzt no lache wenni dra dänke.. hend denn sogar fast vergesse üsi Natelnr. ztusche well mir echt nümm so guet binenand gsi sind am schluss. Im letschte Moment no tuuschet und denn am Mäntig druf scho abgmacht zum spaziere und üs au so no besser kenne zlerne.. und sit döt lauft das.. das isch jetzt denn gli 7 Johr her
|
|
Summer_2016 nicht registriert am 13.03.2015
Re: Bräute 2016
Ich nimme au de Name vo mim Ma a. Ich bin froh, will er hät en schwiizer nachname und ich en italienische. Muess mine immer buechstabiere, das nervt voll. S'dumme isch, sine fangt mitem gliche buechstabe a wie mine und bim unterschriebe chumi voll im flow ine und dän muessi bremse willi ja en andere name wet schriibe
|
Locy am 13.03.2015
Re: Bräute 2016
HelloHello
I wörd mi au gern mal Vorstelle Bin jetzt scho es Ziitli am mitlese und mittlerwile simmer ebe so rechtig offiziell offiziell Verlobt Mir hend das ebe nöd es konventionell gmacht, sondern bimene Glas Wii besproche und denn am nächste Wucheend för mich en Ring und für ihn en Uhr goh poste.
Jooo und jetzt simmer eus mal so chli am Überlege, öb mer negst Jahr im Mai oder September wänd hürote oder vellecht doch no bis 2017 warte...  Isch bi üs ebe chli kompliziert, well i no am Studiere bin und negst Jahr fertig werde und er gschäftlich au no einiges vor het negst Johr...
Aaaaber mir gönd jetzt mal negst Wuche die ersti Location goh aluege und denn lömmer eus glaubs vom Buchgfühl loh leite Frooooiii mich scho mega feeeesst! Han die Location scho lang im Hinterchopf und i hoffe mega, dass sie au so in echt usgseht, wie uf de Föteli 
liebs Grüessli und gnüssed das hammer Früehligswetter! :D
Zuletzt bearbeitet am 13.03.15 12:21
|
|
Baguette nicht registriert am 13.03.2015
Re: Bräute 2016
Haha stellet euch das mol vor...Bruchsch e App, drmit de di nid in de falschi duesch verliebe.
Cooli Story lostheaven! Jetzt hani au müesse lut lache wägem betrungge wild ummeknutsche
Zum Glügg hesch di getraut ihm z winke :-)
Mir hän uns mit 16 au im Usgang kenneglernt. Denne isch lang nüt gsy und öbbe e halbs Joor spöter hani en wieder amene Konzärt dusse gseh und gfunde: Wow, dä seht jo no mega guet us! Und ha mi zu ihm gsetzt ind die anderi Tussi näbe ihm verschücht *lach*. Mir sin denne gar nüm an das Konzärt ihne und hän eifach stundelang gredet. Kurz druff sin mr denne au zämmeko. Irgendwenn hän mr uns denne trennt, wel är z ahänglich gsy isch und ich s krasse Gegeteil. Mir hän uns aber nie us de Auge verlore und irgendwie hani immer gwüsst, dass är DÄ Ma für mi isch. Mit 20 hän mr uns denne wieder im Usgang ahtroffe und denne het är mi küsst und d Funke sin wieder gfloge. Das isch jetzt 4 Johr här uns sit denn hän mr e hammer Beziehig, wel mr beidi eifach riffer sin wie dört mit 16
|
|
Baguette nicht registriert am 13.03.2015
Re: Bräute 2016
Hey Locy, härzlich Willkomme in unserer tolle Rundi und Gratulation zur offizielle Verlobig! ! :-)
Vo wo bisch du denne?
|
Locy am 13.03.2015
Re: Bräute 2016
Danke Baguette
I chume us de Region Bade/Aargau :-)
|
|
|
1 .. 39 .. 75 76 77 78 79 .. 147 .. 214
|
Anmelden
