@lostheaven Jööh! Ich han mine au im Usgang kenne glernt.

Ich bin es Jahr lang in Liverpool als Au Pair gsie und han ihn so zimli i de Hälfti vo mim Ufenthalt kenne glernt. Han amene Fritig Abig wele go es Theater luege mit de Kollegin und denn in Usgang. Sie isch denn aber chrank gsie, so han ich denkt gang ich eifach is Theater und denn hei. Ich han gad am Rand vom City Centre gwohnt und han chöne hei laufe.

Bin denn also nach em Theater los gloffe und underwegs isch mier eh Gruppe vo irische Fuessball Touris entgege cho, wo mich gfröget hend, wo öpis lauft. Ich han denn mit ihne agfange schwätzle und sie hend mich denn überredet, nah mit ihne mitzcho eis go zieh. Eine vo dene isch denn zimli a mier interessiert gsie, er isch mier aber chli ufdringlich worde, weshalb ich mich verabschiedet han und mich wieder uf de Heiweg gmacht han.

Denn bin ich amene Club verbi gloffe, wo ich de Bsitzer kennt han und de het den gfunde, ich söll nah uf eis gratis Bier inecho. De Barkeeper het sich det gad mit zwei Manne underhalte und so han ich mich dezue gsellt. Ja, und eine vo dene isch jetzt min Zuekünftige Er isch eher en schüche und so han ich mich eigentlich zerst vor allem mit sim Kolleg underhalte und min Schatz het det zersch gmeint, dass ich sicher am Kolleg interessiert bin. Aber ich han vo Afang ah min Schatz mega herzig gfunde Ich bin denn schlussendlich nah bis irgendwie am 3 mit dene beide det inne gstande und am Schluss het min Schatz mich denn nach de Nummere gfröget.

Ich han uf em Heiweg nah minere Schwosch und minere beste Fründin es SMS gschribe, dass ich min Traummaa kenne glernt han

• Zitieren

Hallo Locy, herzlich Willkomme. Es mue ja au nid emmer e Atrag si. :-) wo göndr de go luege?

Also ich nime sin Name a. I ha e typische Schwiiername, und meh weiss de zimmli gnau woher ich im
fricktal chume bzw sogar i weli Familie ich ghör. Das macht mich sehr stolz, be eh sehr stolz uf mini Familie.
er isch Dütsche, isch de glich lang Nochname, aber halt Dütsch. :-) er isch föllig in Ordnig, mir ischs aber ebe wichtig dass mer de glich Name hend und halt ich sine anime... Aber warschins weli de e Doppelname. :-)

Mir hend eus bim Schaffe kenneglernt. Er Physio und Ich Chrankeschwöster. Hend eus de uf de Stäge gseh hane im Facebool kontaktiert. Het de es Johr duret bismer zeme cho sind.
Slustigst isch daser mini Oma als erst Kenneglernt het, sie isch sini Patientin gsi. Und jedes Mal woner bi ihre gsi isch im Zimmer, beni per Zuefall au det gsi😀😀

Zuletzt bearbeitet am 13.03.15 12:26

• Zitieren

I han übers Reisebüro Buechet Angebot vo Lets go. di sind Soezialisiert uf flitterwuche im Indische Ozean. Schwizer Agent vo Schaffhuse. echt super angebott mir gend für 5700fr 13 Täg nach Mauritius .

Wegem Pass im vorus. Ka Problem wens du mit dene vom Standesamt abklärsch. I chume min Pass grad nach de Zivile Trauig über

• Zitieren

Locy: Herzlich Willkomme und gratulation zu de Verlobig!

Sakanas: Das isch aber au nah en mega Zuefall, wie ihr euch kenne glernt hend! So lustigi Gschicht

• Zitieren

Cream_tangerine
Ja es isch Zuefall und drum seged mer eigentli au, dass mer eus im Chat nume troffe hend aber kenneglernt de halt persöndli:-) aber sisch wirkli en Zuefall und normalerwiis isch min GG nie i dem Chat und i halt nume inere gwüssne Undergruppe weg em Abmache mit de Kollege dazumol ;-)

Euii Gschicht findi au mega

• Zitieren

Müller!!!! das isch für mi scho sit chlii Klar e Namme will i los ha und drum Wird i de vo mim Schatz aneh.

Spannend zum lässe wo ihr eue Partner kenneglernt hend.
I hanen mit 13 I de Summerferie. Nach 2 Johr Briefkontackt Hemer eus 1.Mol wieder gseh und de aber erst 6Johr spöter zemecho. Distanz isch sicher lang au en Grund gsi. jetzt simer sit 8 Johr zeme 2 Johr wohnemer zeme und sit letsch August Verlobt. Mer hend scho viel zeme erlebt.

• Zitieren