| Bräute 2016 |
|
|
1 .. 42 .. 81 82 83 84 85 .. 150 .. 214
|
|
Baguette nicht registriert am 16.03.2015
Re: Bräute 2016
Härzlich Willkomme Sabsy! Schön hesch zu unserer tolle Gruppe gfunde 
Cool, vo wo bisch denn genau? Ich kum us de Nöchi vo Basel :-)
Welli isch denn euri Wunschlocation? Mir hän au Müeh ka öbis grössers do in de Nöchi z finde, wo me chli länger ka mache als 2 
Due di doch au in dere Lischte ihtrage:
https://docs.google.com/spreadsheets/d/1...dit?pli=1#gid=0
|
|
|
Sabsy_87  am 16.03.2015
Re: Bräute 2016
Sakanas: danke vielmol :)
Baguette: danke au Dir. Super, han mi grad itreit, viele Dank. Han grad gmerkt, dass es nid Sept. sondern Okt. gsie isch :$
Mir chömme us Oberwil :)
In dr Fahrbar in Münchestei. Isch es alts Depot, wo sie umbaut händ. D'Sitz sind us 1. Klass-Züg und d'Tisch us receikletem Glas. Es isch eher gemütlich, aber das passt zu eus. Mir wärdet wahrschinli s'Catering vo Ihne dezue nä; dass heisst, mir wärde grilliere :)
fahrbar.li/depot/
Zuletzt bearbeitet am 16.03.15 16:38
|
|
Baguette nicht registriert am 16.03.2015
Re: Bräute 2016
Fahrbar isch mega cool! Für uns isch sie leider viiel z klei gsy. Nach zwei mol umgheie wäre mr au däheime gsy  Aber mis Schwiegermami fyrt dört im Oktober ihre 50ste :-)
Zuletzt bearbeitet am 16.03.15 16:39
|
Sabsy_87 am 16.03.2015
Re: Bräute 2016
Baguette: ah so cool... 
demfall muesch di bi eus beklage, wenns am 30.07.2016 z'luut wird si.. :) es isch schwer, z'sage wie lang mir wärde mache, mir hei denkt, mir gäbe eifach mol bis am 5fi i.. :D weiss öber, wird denn das verrächnet anhand vo de wirklich bruchte zyt oder muess me das zahle, wo me au igä het?
|
|
Baguette nicht registriert am 16.03.2015
Re: Bräute 2016
Ihr hän jo euri Hochzyt grad währendeme verlängerte Wucheänd. Denne möge d Gäst sicher au länger mache ;-) Aber5i?? Woah, ich könnt glaub nid so lang als Brut *lach*
Bi unsere Location hän mr mol 3 ahgäh. Die hän uns gseit, dass denn anhand vo de übrige Gäst entschiede wird, wieviel Personal no brucht wird. Wenn am 2 Fyrobe wär, würde mr au nur bis denne zahle. Aber ich nimm mol ah, dass das vo Location zu Location wächslet. Am beste frogsch mol bi dene, wie do ihri Bedingige sin :-)
Zuletzt bearbeitet am 16.03.15 16:45
|
Sabsy_87 am 16.03.2015
Re: Bräute 2016
das isch min GG gsie, wo gseit het, mer reserviere grad bis am 5fi.. :D die letscht hochzyt wo mir gsie sind, isch au bis am halb 5fi gange.. i han no kei ahnig, öb i das so lang durehalt.. mir wärde scho vor de chirche go föttele, also wird i au frieh müesse ufstoh  mol luege
|
Sakanas  am 16.03.2015
Re: Bräute 2016
Sabsy
Wow bis am morge am 5i? I glaub i wär gschlisse als Bruut
Mir hend emol prov. bis am 2i igä... aber entscheided mer de vorher. Bi üs wird's vorab verrechned und dementsprechend Polizeistund igä und d'Bewilligung gholt bzw. au no s'Personal iplaned. Denk aber 2 oder 3 isch gnueg lang (amel für mich) hehehe...
Aber eui Lokalität gfallt mer. Bin churz go Google 
|
Sabsy_87 am 16.03.2015
Re: Bräute 2016
i seh scho, i chan no einiges vo Euch lerne mir hei jo zum glück no nüt definitiv reserviert
danke vielmol, sakanas, mir wärde zum verglich no s'wasserschloss inzlinge aluege, aber i denk, d'fahrbar passt besser zu eus :)
|
Sakanas am 16.03.2015
Re: Bräute 2016
Jo möglichst viel vergliche isch super. Und de würdi Agebot ihole und immer froge, öb muesch en Mindestumsatz erreiche (mir sind bi de einte Lokalitäte fast us de Schueh gfloge  )
|
Sabsy_87 am 16.03.2015
Re: Bräute 2016
sakanas: jä, das hani gläse.. das mit dene 10'000.- gäll ? :)
mir hei s'ganze mol ungefähr usgrächnet, mir würde dörte ebe grilliere und nur e chleins apero no mache, da mir vor de Chirche oder wo mer eus au immer traue lönd, es grosses apero händ. Exkl. Getränk und inkl. zuesätzlichi Stunde bis am 5fi ligge mir bi knapp 8'000.- für 50 Persone. I glaub, do ligge mer sehr guet debi.. 
|
|
|
1 .. 42 .. 81 82 83 84 85 .. 150 .. 214
|
Anmelden
