Ich finds sowieso total tragisch das es lüt git wo leider kein pfarrer findet wos eso will gestalte wie si gern wänd...kei wunder findet d lüt immer weniger de zuegang zu religion nöd?

Es isch doch es fest vo de liebi und drum sölls au um die lüüt goh und nur um die zwei...
klar es zitat oder so werded mer au drin ha aber ich werd mich selber mit zitat zum thema liebi oder treui oder so us de bible usenand setze (obwohl I nöd seeehr religiös bin)
aber den chani wenigstens cho mitme vorschlag zum pfarrer und den het de gad emol en ahaltspunkt und wird üs so, denki, eher au gad understütze...

chan eu vestoh das ers aber eso wies leider viel isch nöd wänd I de chile mache

• Zitieren

Pfarrer/Gottesdienscht
I find do gits halt doch no viel Unterschied vu de katholische zu de reformierte Chile. I bin au gspanne, öb üse denn das echli chan so mache wie mir eus vorstelled.

Musik Chile/Zeremonie
Hend ihr eu do scho Gedanke gmacht?
I het gern en Gospelchor, aber da isch sicher huere tüüür

• Zitieren

man man man das mit dere Location fürd Trauuig und Apéro isch bi üs eifach wie verhext
Zerst hemmer jo üsi absolut Wunschlocation prov. reserviert gha, denn die Hiobsbotschaft, dass er sis Zelt nümm dörf stelle und mir drum leider nöd bi ihm chönd fiirä... Denn dur da das dObiglocation (E anderi) au scho fix reserviert isch, diversi Absage übercho vo andere Locations, well die entweder alles wend oder susch halt nüt..

Denn hani eu jo gester freudig gschribe, dass min GG e neui Location gfunde het und absolut begeisteret gsi isch. Die Dame het ihm jo alles zeiget gha und wo er ihre es Datum gseit het, het si gmeint da sötti sicher no frei si, het aber nöd nohglueget.
Gester hani drum denn no es Mail gschickt mit diverse Froge und denn lies ich hüt Morge dAntwort vo ihne, zerst zu üsne Froge und am Schluss: Leider segi dLocation scho provisorisch vo öper anderem reserviert a dem Tag. Falls mir si definitiv welled, sölled mir so rasch als möglich Bscheid geh, denn wird Rücksproch gnoh mit de andere Person. Die mue sich denn entscheide und falls die Person dLocation nid würdi näh, chömtet mir si über und susch halt nöd oh man ich ha echt langsam es Gfühl es isch we verhext!

Han jetzt no retour gschribe, si sölled mir mol e prov. Offerte erstelle, damit mir gsächet, wa me bi ihne so öpe überchunt und zu wellem Priis. Natürlich nonid uf üs abgstimmt, aber eifach so das mirs mol öpe chönd iischätze. Denn wärdemer üs uf Grund vo dere Offerte wohl entscheide müesse und hoffe, dass di ander Person e anderi Location nimmt.

Es schisst mi grad eifach echt ah

Sorry ha mol schnell müese min Frust ablade

• Zitieren

Zu euem Thema betreffend Chilä oder nöd. Mir hend üs genau au us dene Gründ gege dChile entschide. Mir glaubet scho uf üsi Art a Gott, aber ebe uf üsi Art.. und es isch schwirig do en Pfarrer zfinde, wo denn das gnau so übere bringt we mir das würed welle. Drum hemmer gseit verzichtet mir ganz uf das.

Ich bi katholisch, er reformiert. Wenn denn wärs bi üs nur bi de reformierte in Frog cho, di katholische sind eso stiief und wichet kenn Milimeter vo de Biblä ab.. Aber mir hend au bi de reformierte scho beides gseh. Scho sehr gueti Trauuige aber au grad letscht Herbst eini woni ha müese sege ehm sorry was isch das? Wäri es Bruutpaar gsi wäri wohl ufgstande und het gseit so gueti Frau, jetzt gönd si nomol hei, üebet das nomol und denn chönd si inere Wuche nomol cho. Isch echt grauehaft gsi.. Es Bruutpaar isch zum Glück e soooo nervös gsi, dass sie selber nöd sehr viel vo de Trauuig mitübercho hend. Sie het mir nochane gseit si segi wie in Trance gsi, vo dem her no Glück gha.. Aber als Zuehörer hesch schier Vögel übercho

Betreffend Singe: Mir wettet gern a üsere freie Trauuig öper wo zwei drü Liedli singt, mol luege, mini Tätschmeisterin kennt öper und klärt ab öb die das mache würd, hoffs mol fescht, wär supi

Zuletzt bearbeitet am 17.03.15 11:08

• Zitieren