| Bräute Juni 2013 |
|
|
1 .. 37 .. 72 73 74 75 76 .. 92 .. 108
|
|
marsai nicht registriert am 06.02.2013
Re: Bräute Juni 2013
@butterfliege... so cool! :) Mir hürotet au am 8. Juni! :) imfall, dä samstig sinds no genau 17 Woche hihihi....
Ja mir sind süscht scho au ehner die aktiv-ferie-macher resp. mir händs immer chli teilt, göi meistesn im früehlig go aktiv-ferie mache wie z.b. road-trip ide USA oder Kanada etc. und im herbst go relaxe wie z.b. mauritius oder maledive. da mir plane eusi familie noch de hochzyt bald mal zerwitere, händ mir dänkt mache mir no einisch e reise, wo mir denne irgendwenn mal mit chind nüme wettet mache, so simer de ufd südsee cho. Mir blibe ja zum glück nid 3 woche im gliche hotel uf dr gliche insle, gsäi i däre zyt 4 insle und uf 2ne dervo chame au was unternäh wie z.b. go wandere, jeep usflüg, etc. händ ebe damals wo mir ufd maledive sind au chli angst gha dases eus dörte langwilig wird, aber glaub mers, me weiss sich zbeschäftige oder ebe au mal nid! :)
Butterfliege und Siroday, ich möcht denne aber unbedingt e reisebericht vo euch zwöine ha! :) Ich würd nämli au so gärn mal en safari go mache. über welles reisebüro hän ehr buechet?
|
|
|
Mona83  am 06.02.2013
Re: Bräute Juni 2013
morgä mädels
hei s gaht ächt nömä lang. :-)
wän händ ihr eigentli s zivilä? und wär chunt det alles. mir händ dänkt üsi trauzügä und partner plus eltärä. kei gschwüsterti, kei grossmuäter nüt. isch das fräch?
Honeymoon: mir wärdet erst zwei monet spöter (august) uf amerika. chan mer das irgendwiä nöd vorstellä am samstig hüratä und am mäntig gah. ich glaub ich würds dän ebä no nöd tscheggä was gloffä isch und so. :-) aber han immer chli länger bi so züg. :-)
|
butterfliege  am 06.02.2013
Re: Bräute Juni 2013
Marsai, gnau de gedanke hemmer au gha.. Nomal e reis wo mit chliichind nöd oder nur schlächt möglich isch :-)
Ja d maledive.. S chund halt chli drufa wo dassd anegahsch aber natürli cha me au öpis underneh.. Tauche schnorchle... Was ich halt schad find isch dass me vo de kultur chum öpis mitbechund wills so touristisch isch..
Aber das isch in afrika vilicht au so.. Mir werdeds gseh :-)
Mir hend mit globetrotter bueched, die hend Us es agebot mit a+m tours vermittled.. Isch no es guets agebot, finde s priis leistig verhältnis stimmt für das dass mer e privattour hend... :-)
|
butterfliege am 06.02.2013
Re: Bräute Juni 2013
Mir hend s zivile ein tag vorher.. Also am 7. Juni.. Und det chömed au nöd viel.. Trauzüge eltere evtl no üsi 2 brüedere und mis grossmami da sie äxtra vo holland areist.. Dernah stossed mir bi üs dehei ah und gOnd nur mit de trauzüge go znacht ässe..
Ich chönt eifach nöd am mändig eifach go schaffe als wär nüt gsi, da gangi lieber chli wäg.. Dsafari wird sicher au nomal sträng aber navher hemmer e wuche ziit zum entspanne und alli idrUck vode hochziit verarbeite. Und üs als ehepaar hli gnüsse..
Und wäni us de flitterwuche zruggchum ligged scho dföteli bi mir im briefchaste :-) suscht würi glaub wahnsinnig werde vor neugier :-)
|
|
marsai nicht registriert am 06.02.2013
Re: Bräute Juni 2013
Butterflige, hihi e glaube es machet sich all öpe die gliche gedanke merki grad! :)
Ja da gebi dir völlig rächt, je nach destination besch zwar wit wäg vo deheime aber dkultur chont denne zchurz! E liebes fremdi kulture kenne zlehre, aber ebe, grad uf de maledive hesch das eifach nid. dört hocksch uf dim inseli wo eh nur dis hotel druffe stoht und that's it! Aber ebe, darum probiere mir so vill wie möglich furt zgoh und au nie 2 mal as gliche ort :) Ich dänke in Afrika esch das noni so, be emu jetzt scho gspannt was denne zbrichte hesch! hihi :)
Globetrotter, guet muessi mir mal für spöter notiere :) privattour... sind de nur ehr 2 oder so max. 4-6 persone? Düend ehr in lodges übernachte oder mit zält?
MONA: Mir hürote am 7.6. zivil und am 8.6. ufem Schloss. Bim zivile sind au nur mir, eusi eltere und eusi trauzüge, süscht niemer. Göi nochhär eifach gmüetlich go zmittag ässe, mache also nüt grosses. Mache mir au keis gwüsse dasi nid alli ilade, für eus esch s'zivile eh nur s'pflichtprogramm, so à la rasch go unterschribe! :) Und ebe, am nöchste Tag händ mir ja sgrosse Fäst wo au alli derbi sind, das bedütet eus au vell meh. Findes also überhaupt nid fräch nid alli izlade am zivile!
Grüessli
Marsai
|
butterfliege am 06.02.2013
Re: Bräute Juni 2013
Nei da sind nur mir zwei.. Defür sinds chli eifacheri underkünft.. Teils lodges teils ufbauti zält wo aber mit badzimmer hnd bett und so sind.. Also so wohnzält :-) da hemmer dän richtigs afrika feeling 
Bi üs iscb s zivile au nur so en pflichtpunkt aber dänke glich dasses schön isch die wichtigste persone am abig vorher no rasch zgseh :-)
I welem schloss hürated ihr?
|
|
marsai nicht registriert am 06.02.2013
Re: Bräute Juni 2013
WOW so cool! :) Genau so würd ichs au mache, me söll ja schliesslich wie du seisch au chli Afrika Feeling ha! Minere Kollegin ehres Mami esch au mit so Wohnzält dür Botswande touret, si het gseit es gäb nüt schöners als zobe im Zält ligge und d'Elefante zghöre wo Wasser schlürfet hihi :) Ah so schön, nur ehr zwöi, wow das nennt me würklich e privati tours hihi :)
ja mir gohts glich, esch zwar ebe nur e pflichteil aber ich glaube deltere und trauzüge länget uns, göi de ebe schön zäme go zmittag ässe und zobe gohni de eh zu mim mami go schlofe, de gits eh no en wiber obig :)
mir hürote ufem schloss waldegg bi solothurn, düend bi schönem wätter dusse en zeremonie halte, im prinzip wie ide chile, eifach mit emene freie theolog. denne apero ide orangerie und zobe es schöns ässe ir schür. E chas chum erwarte!!!!!!!  und wo hürotet ehr?
|
schmetterling84  am 06.02.2013
Re: Bräute Juni 2013
Hallo zämmä
Zivile: Mir hürote am Donnstig zobe, also 2 Däg vor dr Trauuig.. Mir hei eus entschiede es GArtefestli zmache, so wies usgseht mache mir Paella und chli Tapas.. Dört lade mri au erusi Fründe i, will is Resti goh esse möchte mir nid, wills für eus nüt bsunders isch, mir esse sehr viel in Restis und hei au was das abelangt sehr höchi Asprüch, und anderi Familiemitglieder (vom schatz sinere Site) gar nid. Denn hei mir eus entschiede lieber so öbsi zmache as nur mit TZ z goh. Aber ig find das au sehr schön eifach im Kline Rahme.
Für eus isch es au eifach so e Pflichttermin obwohl ig au sehr en wert dört druf leg, es git nocher vor em Standesamt e Apero für alli wo dört si! Isch ebe mis alte Gschäft und denk mini ehem. Arbetskollege chömme scho cho luege!
oh ig wird grad wieder chli nervös wenn i dra denk as es nid mol meh 5 Mönet goht!
|
Butterfly88 am 06.02.2013
Re: Bräute Juni 2013
Hallo zusammen
Melde mich auch mal wieder zu Wort. Da ich leider im moment bei der Arbeit viel Stress habe, bleibt die Organisation der Hochzeit gerade auf ein minimum reduziert aber ändert sich sicher bald.
Wir hatten zu zivilen Hochzeit die Trauzeugen, Eltern und Geschwister eingeladen. War ein super Fest und würde es jederzeit wieder so tun. Wenn wir jedoch auch erst kurz vor der kirchlichen Hochzeit geheiratet hätten, wäre dies bestimmt anders gewesen. Es war mir eigentlich nicht wichtig und ich habe es auch als Pflicht angesehen, damit man kirchlich heiraten kann aber ich muss sagen, es war ein super schöner Tag. Schöner als ich es mir vorgestellt habe
Habt Ihr die Einladungen alle schon verschickt? Werde unsere am Wochenende fertig basteln und dann verpacken.
In die Flitterwochen werden wir am Montag nach der Hochzeit nach Thailand fliegen (3 Tage Bangkok, 12 Tage Koh Samui). Wir sind nicht so die Abendteurer und deshalb gemütlich am Strand. Freu mich schon riesig.
Liebe Grüsse aus dem Wallis.
|
butterfliege am 06.02.2013
Re: Bräute Juni 2013
Wow es schloss tönt au super...
Es grillfäst wär au no cool am abig vorher... Wäri au voll defür.. S restaurant wo mir ebe würed go ässe hät au e bar und det hend min schatz und ich üs s erst mal gseh... Vo dem her wärs no chli bedütigsvoll:-)
D iladige hemmer scho im dez verteilt und verschickt..
Mir hürated ide ref. Chile in kilchberg zh mit usblick uf de zh see :-) ich lieb die chile, fahre jede tag ufem wäg zur arbeddah verbi und sie isch eifach wunderschön münd sie mal google :-) 
Am abig hemmer es chlises fäst mit ca 30 persone im restaurant schönegg in wädenswil. Au mit blick uf de zürisee
Mini hauptgedanke sind momentan chli bide deko.. Hend eigentli allesin blau wiess welle und mis chleid isch au uf das abgstimmt und min struss wotti au o dene farbe.. Aber leider isch im resti alles mit rot (inkl. Rotem teppich..)
Für min schatz isch das ja eh alles s glich aber ich zerbrich mer natürli s chöpfli
|
|
|
1 .. 37 .. 72 73 74 75 76 .. 92 .. 108
|
Anmelden
