nicht registriert

Hallo zäme

ich bin au no e Summerbrut 2011!

S'Datum hämmer leider nonig definitiv, will mer euses Wunschstandesamt erscht im Novämber chönd reserviere. Planed wär aber Ändi Juli! Ich han scho mega vill Idee gsammlet und diversi Aabüüter zämegsuecht, wo üs chönnted pässle. Ich getrau mi aber nonig voll loszlegge und Offerte etc. iizhole, falls es schlussändlich doch nöd sött klappe mit eusem Wunschdatum.

Wie händ ihr das gmacht? Händer eifach uf guet Glück agfange mit de Planig, oder händer gwartet bis er de Termin definitiv reserviert händ?

Zuletzt bearbeitet am 06.09.2010

• Zitieren

@ pinkpanther:
wo möchtet ihr denn heiraten?
bei uns ist es genau gleich. wir heiraten zivil und können erst 6 monate vorher reservieren. haben trotzdem abendlocation und fotograf bereits gebucht. denn vergiss nicht, die 6 monate gelten für jedermann, wenn du also genau 6 monate vorher morgens um 8 anrufst, dann klappt es ganz bestimmt. gibt ja mehr als eine trauung pro tag ;-)

@ coco11:
was für karten möchtet ihr denn? ich wohne in nordamerika, werden jedoch in der schweiz heiraten. vielleicht könnte ich dir ein paar adressen von hier angeben, wo du karten bestellen kannst. solche dinge sind hier meist recht günstig - oder auf jeden fall günstiger als in der schweiz. kannst mir gerne auch ne email per pn senden.

lg

verliebt 9-5-99 verlobt 29-12-09 heiraten 3-6-11

• Zitieren

nicht registriert

@elchalten
Mir würdet gern in Murten hürate. Du häsch wahrschinlich scho Rächt, d'Chance, dass mer euse Wunschtermin überchömed isch relativ gross. Was mich aber chli irritiert hät, isch dass es ebe nöd genau die 6 Monat Frist sind, wo mer schusch überall ghört. Sie hätt au nöd gseit, dass mer genau ab em 1. November chan reserviere, sondern eifach so "öppe" zwüsched Afang und Mitti November??? Kei Ahnig, wie die ihri Termin vergäbed. Aber mir wärded sicher am 1. Nov. grad aalüüte

Was d'Location agaht hämmer s'Glück, dass mer nüt müend reserviere, wills e Garteparty git. Aber ebe grad bim Fotograf machi mer chli Sorge, will i nöd jetzt öpper wett ussueche, wo dänn a eusem Termin glich nöd chan. Aber ebe; wird scho guet cho! Ich bin halt chli es Ungeduldigs

• Zitieren

nicht registriert

@coco11
Ja genau, das isch mir ebe au chli z'müehsam, wänn i alles wieder muess ändere. Und ich glaub die Aabüüter wie Fotografe, Catering etc. hettet au nöd so würklich Freud a mier. Ich han bi villne Sache scho en Favorit im Aug, sobald s'Datum fix staht chani also voll loslegge. Es isch eifach chli es komischs Gfühl, will i sovill Idee han, aber nonig richtig chan afange; als ob d'Handbräms aazoge wär

• Zitieren