Bräute Sommer 2011 (Juni/Juli/August/September) |
|
1 .. 3 4 5 6 7 .. 15 .. 22
|
elchalten am 06.09.2010
Re: Bräute Sommer 2011 (Juni/Juli/August/September)
pinkpanther: wollt ihr denn an einem freitag oder samstag heiraten? und ist es ein externes traulokal?
verliebt 9-5-99 verlobt 29-12-09 heiraten 3-6-11
|
|
elchalten am 06.09.2010
Re: Bräute Sommer 2011 (Juni/Juli/August/September)
@ hase: machsch du poketfolds??? wenn ja, wo hesch se bstellt? *gwundrigbin* lg
verliebt 9-5-99 verlobt 29-12-09 heiraten 3-6-11
|
coco11 am 06.09.2010
Re: Bräute Sommer 2011 (Juni/Juli/August/September)
@ PinkPanther
Das chani verstah, aber ich denke, du machsch dier allefalls nume unnötig Arbet, wenn denn alles wieder muesch verschiebe! Usserdem hesch jo au scho viel gmacht, wenn bi vielne Sache scho en Favorit hesch. Alles azluege, brucht jo immer au sehr viel Ziit. Und freu di doch uf de November, wenn voll chasch loslege, defür denn aber richtig .
Was mier no in Sinn cho isch, was jetzt scho chöntisch mache: Chärtli und Druckerei ussueche, Homepage (falls er eini wend), Azug/Chleid. Was i no würd beachte: Han au es paar Favorite gha bi de Fotografe und dötte sind eifach d Priisunterschied extrem. Fotene sind mier wichtig, schliesslich luegt me die immer a, aber han glich nid es halbs Vermöge welle usgeh, sondern im Rahme bliebe. Han jetzt eini gfunde für 3'300 (für 12h, alli Fotene farbbearbeited und au in schwarz/wiis uf DVD, keis Album), wo mier d Fotene sehr guet gfalled. Triffe sie die Wuche und wenn sie mir sympathisch isch, wird sie grad bueched. Ev. chönntisch bi dim Fotograf Favorit mal afröge, was er chostet, nid dass de denn überhaupt nid is Budget passt und us em Konzept chunnsch.
Wir freuen uns auf den 23.07.2011
|
coco11 am 06.09.2010
Re: Bräute Sommer 2011 (Juni/Juli/August/September)
@ hase: Sehr gern hetti die Adresse (au per PN, me dörf jo glaubs kei Werbig mache). Findet so amerikanischi Chärtli sehr schön. Klassisch romantisch, gern au miteme Mäscheli und möchted ohni Föteli. Für das hemmer d Homepage. Wer mega lieb! ![](styles/default/smilies/smile.gif)
Wir freuen uns auf den 23.07.2011
|
PinkPanther nicht registriert am 06.09.2010
Re: Bräute Sommer 2011 (Juni/Juli/August/September)
@elchalten Mir wetted gern am Fritig hürate. Es isch s'ganz normali Standesamt, also keis externs Lokal.
@coco11 Stimmt, e Druckerei fählt mer no. D'Chärtli hani sälber designed, die sind fascht fertig. Es fehled nur no es paar chlini Textsache (und natürli s'definitiv Datum ). Homepage wetted mer keini mache.
Was s'Chleid betrifft freu ich mich natürlich scho mega mässig, wänn i das ändli chan go ussueche. Aber da wett i ebe au no chli warte. Sovill ich weiss trudlet die neue Kollektione ja erscht jetzt so langsam ii und ich dänke, d'Uswahl isch dänn halt besser, wänn i no chli abwarte. Usserdem hani irgendwie Angscht, dass i plötzlich no es schöners Chleid gseh, wänni jetzt scho eis ussueche. Han scho vo Brüt ghört, wo schlussändlich zwei Chleider im Schrank händ, will sie sich's plötzlich nomal andersch überleit händ ![](styles/default/smilies/oops.gif)
Fotografe git's ja wie Sand am Meer, da isch d'Uswahl würkli schwierig. Und d'Unterschied find i nöd nur bi de Priise krass, sondern au bi de Qualität. Mir gaht's aber au wie Dir; d'Föteli sind mer sehr wichtig, aber unändlich vill mag i au nöd zahle defür. Eusi Wunschfotografin hät ihri Priise uf de Homepage veröffentlicht, es sött also kei bösi Überraschig gäh. Bis und mit Apéro (7-10 Std.) wäred das 2'150 ohni Album; finde das lieht no im Rahme.
|
coco11 am 06.09.2010
Re: Bräute Sommer 2011 (Juni/Juli/August/September)
@ PinkPanther: Ich wirde s Chleid im November go ussueche. Han mal bi es paar Läde nahgfröged und die hend gmeint, im November segi alles da und denn hegei sie eigetli die grössti Uswahl und es langi no guet vo de Ziit her au mit allfällige Apassige. Und wenni mis Chleid gfunde han, wirdi eifach nüme go luege gah, zwei Chleider lieged also ganz sicher nid drin. Möcht eis, defür es schöns .
D Priise vo de Fotographin sind fair und wenn dier d Bilder so gfalled, umso besser. Mengmal chan me au zviel a de Bilder umebearbeite, das gfallt mier denn ebe nüme.
Wir freuen uns auf den 23.07.2011
|
cosa87 am 15.09.2010
Re: Bräute Sommer 2011 (Juni/Juli/August/September)
Hallo Zämmä
Wer vo eu het Trauring scho? mir sind letzt Samstig mol chli go umeluege... da isch jo mega extrem de Priisunterschied. Ha aber e paar schöni gseh.. :)
am 27.08.2011 isch üsen grosse Tag *****Du bist ein Teil von mir*****
|
coco11 am 15.09.2010
Re: Bräute Sommer 2011 (Juni/Juli/August/September)
@cosa: Mier wüssed scho wo mier sie werded chaufe, so dass sie denn au perfekt zu mim Verlobigsring passed. Aber definitiv usgsuecht hend mier sie nonid, obwohl i für üs je en Favorit han.
Und d Priise chunnt halt immer druf a, was du willsch. Mit Diamante, Wissgold oder Platin, das macht sehr viel us.
Wir freuen uns auf den 23.07.2011
|
Loved am 15.09.2010
Re: Bräute Sommer 2011 (Juni/Juli/August/September)
wir sind am kirche suchen. aber nicht wirklich erfolgreich... na ja... wenn uns jemand noch einen tipp hätte...region berner oberland...
LG loved
|
elchalten am 15.09.2010
Re: Bräute Sommer 2011 (Juni/Juli/August/September)
hallo loved: wie gross sollte denn die kirche sein? katholisch oder reformiert? in welcher gegend im berner oberland? lg
verliebt 9-5-99 verlobt 29-12-09 heiraten 3-6-11
|
|
1 .. 3 4 5 6 7 .. 15 .. 22
|