uiiiii weltklass, i bechume grad hüehnerhut.. do werdi min maa wohl au nie dazue chönne überrede, er isch gaaaaaaaar ken tänzer und i tanze fürs läbe gärn... aber wenigstens macht er de hochziitstanz mit mir :)

lg

• Zitieren

Hallo ehr Tanzwüetige!!!!

Wow, die beide ziehnd jo en Megashow ab! Gseht hammer us. Die händ secher es Ziitli müesse üebe ond das d Trauzüge au no metmachet esch voll cool!

Ladys, ech ghöre so chli use, das die meischte vo euch gärn wördet tanze aber de Partner ned so wett. Ech ha mech chönne met mim Partner arangiere in dem mer en Tanz gsuecht händ, wo üs beidne zueseit. I de verschedenschte Tanzschuele gehts emmer weder "Tag der offenen Tür" wo sie alles zeiget ond du au mol chasch onverbendlech metmache. Wieso ned eifach dete mol go ineschnoppere? Ech glaube, d Männer müend do ergendwie en Hemmschwelle öberwende, kei Ahnig wohär die Angscht chont......
Ech weiss, das mer a de Hochziit eher en Standartkors bruucht. Vellecht wär aber mängisch e chli Muet ond Emanzipation agseit ond me chönt stattdesse en Salsakors bsueche. Wieso ned de Obig eröffne met spanische, romantische Rhytme vo de Gloria Estefan? Hei Mädels, ehr müend kreativ si!!!!!!
Öbrigens gehts au Tanzkörs wo mer ohne Partner cha bsueche. Wie wärs zum Bispel mit Buuchtanz oder Flamenco. Nor för euch met andere Fraue, das esch im Fall ächt toll!

Liebe Gruess ond lets Dance!

Pearl

PS: lueget doch mol met euchere bessere Helfti de Felm "Darf ich bitten?" Met em Richard Gere ond de Jennifer Lopez.

• Zitieren

Jo Männer und tanzä

da isch au bi üs schwierig. Ich han etz aber e guäti Idee gha und min Fründ findät diä au guät. mir wärded im winter en Tanzkurs bsuäch und zwor nämed mir no all üsi Fründä mit Partner mit. dänn sind mir so 6-8 Päärli und nochher dörfäd d Männer no äs bierli drinkä und dänn sött das scho klappä



Wir heiraten am 20. Juni 2009

• Zitieren

Hey wow, das isch ja würklich voll de Hammer!!
Muess das unbedingt mim Schatz zeige, mier tanzid bedi sehr gärn! Und Dirty Dancing ghört sogar zu eine vo de Lieblingfilme vo mim Knuddel. Mier hend üs zwar eigentlich für en ganz spezielle Tanzstil entschiede (Night-club-two-step), so richtig schön romantisch (aber äbe zum Glück kei Walzer, de findet mier persönlich es bitz bieder...). Aber villicht ändered mier üsi Meinig nach dem Clip ja no oder mier möchid eifach bedes! Muess villicht säge, dass mier bedi scho 3 Tanzkürs bsuecht hend und im momänt nur grad ned dra sind, will mer gnueg mi de Hochziit z tue hend. Aber mier wärdid öppe imene Monet 2 x Privatstunde ha, zum üsi Choreo vom NCTS izstudiere, villicht hed ja det de Merengue würklich au no Platz! Das wär genial!!

Hihi, wirde grad richtig chribelig.... schad isch mis Schätzi ned grad da und ich chas ihm ned grad sofort zeige und vorschlah!

Es Grüessli

"Dancing-Cannella"

• Zitieren

nicht registriert

Juhhuu, eg ha mi Schatz vor zwei Wuche eifach mit mer zäme zumene Discofox - Tanzkurs agmäldet und er het sogar spass dranne

Er het sech au immer gschtreubt aber eg ha eifach nid locker gloh... hui aber so
wie im Video bringe mers sicher nid häne
Eg glaube met mim Chleid bringi eh grad mau en Walzer häne


Tamara & Simeon ~01.06.07~09.08.08~

• Zitieren