Sali zämme

So jetzt isch es bi üs au scho verbi, es isch e wunderschöne Daag gsi mit viele Idrück und Emotione:

Unsere Daag het wie folgt agfange, ha mit minere Trauzügin und dr Tätschmeischtere z'mögelet und den het uns mi Maa zum Coiffeur gfahre. Dört bini langsam nervös worde . Din armi Coiffeuse hets jo nur guet gmeint und mi welle beruhige mitere Kopfmassage aber i ha nüt !
welle dervo wüsse, i ha so schnell wie möglich wieder heimwölle und i mis Chleid welle Schlüfe!

Deheim acho hei mir no Churz öbis gässe und nachher hei min 2 Fraue mir s' Chleid agleit! Den isch scho unse Chauffeur cho und ab ischs gange! Und den simmer no i Stau cho
I bi hüber nervös worde. Wo mir Richtig Location cho sind hets plötzlich gheisse mir sölle goh es Kaffi trinke mi Maa sig noni bereit und i muessi mi in Geduldübe. Den sind di erschte Träne gloffe will i denkt ha es längt uns nie mit de Föteli! 3/4 Stund spöter isch es den sowit gsi und mir si nur no d' Träne gloffe. Mi Maa isch sprochlos gsi!
Den churz Föteli mache und den isch scho mi Papi do gstande und het mi zum Altar gführt. Isch e ganz e schöne Moment gsi, mim Papi si d' Träne cho und mir natürlich au

Es sind so viel Lüt cho und unsi Wiese het so schön usgseh! D' Trauig isch e Traum gsi und mir hei nit gmerkt wie d' Zit vergoht! Wo mir enander hei muesse d' Ring allege isch mim Maa es Missgschick passiert und er het mir si Ring welle allege, und i bi so nervös gsi das ich ihm dr Ring a di Falschi Hand agleiht ha , das het den glächter gäh.
Am Schluss vo dr Trauig si mir den mit Ries beworfe worde und händ dur es Pfadizält muesse laufe zum zum Apero z' cho! So schön.
Nach em Apero und de Phöteli isch uns den e Überraschig bevorgstande und uns isch e Kutsche goh hole. Isch super gsi durch mini alti Heimat z'fahre!
s' Nachtässe isch nachher super gsi und mi Maa hett sich sogar loh bewege mit mir z'tanze
Amj 2 simmer den erschöpft is Bettgfalle und froh gsi Zit fürenander ellei z'ha!

Es isch so schön gsi und i glaub i ha dr ganz Tag gstrahlet. Ha nur kompliment zu mim chleid und minere Frisur becho.

Jetzt freue mir üs uf unsi Flitterwuche in knapp 3 wuche!

Cu Surri

• Zitieren

nicht registriert

Hallo Surri,

I gratuliere euch ganz härzlechdeer zo dem schöne Tag! I freue meh met euch ond ganz, ganz schöni Flitterwoche!
Es liebs Grüessli Franziska

26 . Juni 2010

• Zitieren

Salii Stern

Jo bis uf öber sind alli cho! Jä es isch e wunderschöne Daag gsi und i bi no völlig beruscht
Du i denk ebbe jede sölls mache wie er wött! i ha keis Problem dermit!

Cu Surri

• Zitieren

Surri danke för din schön Bricht....ech gratuliere der au no

gäll das met dä amäldige esch super gsi, be eus send 2 Päärli net cho söscht
alli wo sech a gmeldet hend.

ech wönsche Euch wunderschöni Flitterwoche, be eus gohts i 7 Woche los... uff no so lang

heiraten am 20.08.2009 & 22.08.2009 in Liebe

• Zitieren

nicht registriert

Alles alles Guati surri!!!
Au diar danka vielmol für da bricht...
schön, dass iar's so guat kha hend; das macht richtig gluschtig uf z'hürota.


* Tu deviens responsable pour toujours de ce que tu as apprivoisé * - das besiegeln wir am 04.09.09 zivil und am 10.10.09 kirchlich.

• Zitieren

Hei Surri

Herzlichi Glöckwünsch zo eurem Tag! Schiint e wundervolle Tag gsi si und danke fürs Brechtli! Jetzt werds dä Ziit för es Foti träffe!!


Grüessli Kaz
seit 9. Mai 2009... Ehefrau!!

• Zitieren