| Eheversprechen |
|
|
1 .. 3 4 5 6 7
|
angiyves  am 28.07.2012
Re: Eheversprechen
MaLu:
isch das kes problem gsi?
d mama vo mire fründin wohnt in hawaii und chunnt o zweimal im jahr id schwyz, aber si het gseit, si tüegi mega doof am zoll..
muess villecht nomal frage 
hmmm bali, dert wetti soooo gern id flitterwoche!
wo göht dir eigentlich härä?
Mir gönn uf Bali
Die kenne ebe viel Lüt und au viel Lüt am Zoll 
|
|
|
angiyves am 28.07.2012
Re: Eheversprechen
MaLu:
merci lula.. muess nur luege, dasses denn nid z "technisch" wird..
und du angi? bisch witercho?
Jo gschribe hanis und glaub es isch guet so! Lis es denn no minere TZ vor. Es isch öbbe 3/4 Site handgschribe.
Ha leider no kei Idee, wo ichs könnt drufschribe. Kunnt mir eifach kei passendi Idee 
|
MaLu  am 29.07.2012
Re: Eheversprechen
oh so schööön... u das geit scho gar nüm lang... 
muess däm fall mal luege, dass die öpper bim zoll kennelernt.. 
schriebs/chläbs doch ufne platte, isch zwar nid so handlich, aber passt ämu zum thema
|
angiyves am 29.07.2012
Re: Eheversprechen
MaLu:
oh so schööön... u das geit scho gar nüm lang...
muess däm fall mal luege, dass die öpper bim zoll kennelernt..
schriebs/chläbs doch ufne platte, isch zwar nid so handlich, aber passt ämu zum thema
Das isch e Hammer Idee!!! Es git jo so kleineri!!! Uf was söllis schribe?
|
lolo  am 29.07.2012
Re: Eheversprechen
ich finde die idee auch super!.....vielleicht mit einem weissem Stift auf schwarzes Papier und dieses auf die Platte kleben?
|
angiyves am 29.07.2012
Re: Eheversprechen
lolo:
ich finde die idee auch super!.....vielleicht mit einem weissem Stift auf schwarzes Papier und dieses auf die Platte kleben?
Es ist eben eine kleine Platte, da hat knapp 1/4 einer A 4 Seite Platz und mit PC geschrieben reicht das gerade so! mein GG hat gesagt, dass ein guter Drucker auch auf anderen Papieren drucken kann. Geh mal schauen, was es in der Papeterie hat.
|
MaLu am 30.07.2012
Re: Eheversprechen
das freut mi..
findsch sicher es schöns papier wo chasch druf drucke..
vo hand wirds scho chly knapp, ussert du schriebsch im kreis ume..
|
Poshy  am 26.06.2013
Re: Eheversprechen
Hoi zäme
Ich bin scho länger ä stilli mitleserin und brüete grad ob mim Eheverspreche.
Gern würd ich vo Eu "HZ-Profis" mal ghöre was ihr dazue meinet. Isches ächt chli z`lang?
Liebe ...,
morn simer 6 Jahr zäme.
Eigentlich scho zimli lang, wenn mer bedänkt wiä wenig Chance üs diä einte usgrechnet händ und doch isches nüd, in Anbetracht desse, was mir üs hüt verspreched.
Hüt söll MIR mached mal nöd heisse „dMxx macht!“, (insider) sondern hüt heissts: MIR mached us DU und ICH ä Gmeinsamkeit für dEwigkeit!
Mer söll nänand nöd als selbstverständlich ahnä, aber all üsi Tate uf dem Weg dahi händ sich so selbstverständlich agfühlt.
d`Liebi, dä Respekt und s`Vertraue zu dir und all das wo ich dir chan geh chunt selbstverständlich…
us mim tüfste innere und vo ganzem Herze.
I Aweseheit vo all üsene liebste und vor Gott, möchte ich dir hüt verspreche, dich uf allne Wege z`begleite, au wenn dä Weg mal steil und unendlich erschiint.
Wenn du trurig bisch will ich dich tröste und für dich kämpfe wenn dir mal dKraft fehlt.
Gmeinsam schöni Stunde erläbe und selber welchi erschaffe,
mitenand lache und eim äs lache schenke wenns em andere schwer fallt.
Ich will dich witerhin liebe, ehre, achte und dir mini Treui schwöre.
Dä Ring a dinere Hand söll dich stets dra erinnere.
Hand i Hand -äs Läbe lang!
Ich liebe DICH
|
himbeer am 26.06.2013
Re: Eheversprechen
oh wow, das isch ja mega herzig. ich finds überhaupt nöd z lang...
|
|
grinsebacke79 nicht registriert am 07.08.2013
Re: Eheversprechen
das isch ja mega schö gschriebe..
|
|
|
1 .. 3 4 5 6 7
|
Anmelden
