| Erstes Treffen mit Pfarrer |
|
|
1 2
|
pluto2008  am 18.03.2009
Erstes Treffen mit Pfarrer
Hallo zäme
Mer treffed ois demnöchscht zerscht Mol metem Pfarrer. Was händ ihr alles bsproche oder muss mer da öpis vorbereite?
Viele Dank för euchi Antworte...
|
|
|
surri  am 18.03.2009
Re: Erstes Treffen mit Pfarrer
Sali Pluto2008
Also mir hei bim erschte Träffe ganz vieli Papier usgfühlt, und die Froge beantwortet und doruber diskutiert. Unsere Seelsorger het den nur d' Rahmenbedinige mit uns klärt und uns bittet uns ufs nächste träffe mit em Inhalt z'befasse.
Cu surri
Glücklich verhürotet sit em 19.12.08 mir chönnes chumm erwarte 22.08.09
|
fraztaz  am 19.03.2009
Re: Erstes Treffen mit Pfarrer
hallo pluto2008
mir hei nüt müessä vorbereitä uf s'erschte gspräch. mir hei eifach chlei über üs plauderet zum änand chlei kennä z'lerä. mir hei ihm mau s'infoblatt vor chirchä abgee, wiu diä ä anderi isch, aus er sunscht isch u de hät er üs no gfroget ob mir d'zürcherbiblä, d'bärner oder die gute nachricht wei. für's nächschte treffä müessä mir üs über d'lieder gedankä machä (er hät üs äs paar biispiu abgä) u was mir speziells ir chirchä sunscht no wei (ob mir änand öppis wei sägä z.B.). dä räscht wird de s'nächscht mau besprochä.
isch uf jedäfau ganz locker xi.
übrigens: mir hei mit ca. 1 stund besprechig grechnet. schlussentli isch er ca. 3 h bi üs xi... gnue ziit iiplanä isch uf jedäfau nid schlächt. 
Am 05.09.09 isch es sowiet!
|
Frangipani  am 19.03.2009
Re: Erstes Treffen mit Pfarrer
Dörf ich eu mal fröge öb ihr reformiert oder katholisch sind?
Also mir sind reformiert, und euses gspräch mitem pfarrer isch mega ungezwunge abgloffe! er hät eus eifach au chli über eus und eusi beziehig usgfröget, wie mir mit krisene und problem umgönd, und au no chli was für en bezug mir zu eusere familie und dä eltere händ. schlussendlich ischs dänn irgendwie drum gange, dass nüt gege e hürat spricht, und mir sozsäge mit guetem gwüsse chönd hürate 
mir sind dänn no dä ablauf vom hochziit duregange, was wenn wie und so, und das wärs dänn au scho gsi! mir händ au keis zweits gspröch meh oder so, gsehnd ihn erst am hochziit wieder! ...es git zwar no es paar chlini sache wo mir ihm no müend bscheid geh, z.b. öb öppert us de hochziitsgsellschaft e läsig oder e fürbitti wott mache für eus... aber das wärs dänn au scho gsi!
ich liese ebe da im forum immer, dass ihr x-gspröch no händ mitem pfarrer und weiss nöd was müend mache? da häts mi chli erstuunt dass euse so easy isch
|
fraztaz am 19.03.2009
Re: Erstes Treffen mit Pfarrer
hallo frangipani
mir si o reformiert. mir hei o numä 2 gspröch u s'isch o vou easy xi. mir hei irgendwie än abä ka, fascht wie mit kollegä zämä. hei äs bierli gno u eifach so chlei vonänand verzeut zum änand kennä z'lernä. er macht de us dem gspräch sin text für üsi hochziit. s'söll chlei persönlich werdä. mir hei eifach o so sachä wie; weli lieder u was für text oder gebet oder wie au immer nid eifach so us em buuch chönnä entscheidä u zum das feschtlegä treffed mir eus no äs zweits mau.
aber im grossä u ganzä tönts eigentli ähnlich wie bi euch. das macht äuä o jedä chlei andersch mit dä vorbereitigä (sii ja o numä mönschä ) 
Am 05.09.09 isch es sowiet!
|
Frangipani am 19.03.2009
Re: Erstes Treffen mit Pfarrer
Ja scho, da häsch du scho recht! bi eus ischs halt eifach au so, dass mir volls vertraue zu ihm händ. er hät ebe au scho d schwöster vo mim zuekünftige traut, und vo dem her händ mir scho mal e trauuig miterläbt vo ihm 
drum lönd mir ihm au freii hand ide wahl vo dä lieder oder gebet... eus isch das nöd soo wichtig, und da mir eus eh nöd so uskänned söll er das doch grad usläse :-)
|
fraztaz am 19.03.2009
Re: Erstes Treffen mit Pfarrer
weisch bi üs chunt de da wohrschinli ähnlich usä am schluss. mir hei doch o kei ahnig
usser s'paar lieder wo mir seuber / respektive üsi sängerin mit üs tuet usläsä. will mir no öppert hei wo singt, chömmers nid ganz aues am pfarrer überlaa mit em usläsä
Am 05.09.09 isch es sowiet!
|
Frangipani am 19.03.2009
Re: Erstes Treffen mit Pfarrer
Ah ja guet, dänn isch klar!
|
Diseli am 18.05.2010
Re: Erstes Treffen mit Pfarrer
Hallo Zäme
Ha dänkt griffe das Thema nomou uf.
Mir hei hüt Obe s erste Gspräch mit öisem Pfarrer. Bi scho rächt gspannt wie das wird si. Är het ou scho d Konfirmation vor chline Schwöster letscht Johr gmacht und är wie ou sini Partnere wo ou Pfarrerin isch hei e spezielle Stil vo Gottesdienst wo üs aber beidne passt.
Was hei die angere no so für Erfahrige gmacht bim Gspräch mitem Pfarrer / Trougspräche?
*** üse grossi Tag: 28.08.2010 ***
|
chloro am 18.05.2010
Re: Erstes Treffen mit Pfarrer
Mir hei am Samschti üses Gspräch und i bi o gspannt druf. Freuemi när chönne usztusche
|
|
|
1 2
|
Anmelden
