Hallo zämme,
Für min Fründ und mich isch es es rächts thema ob mir eus vom Fotograf vor oder nach de Trauuig selled Fötelä laa. Ich bin defür dass mir das nach de Chilä mached, ich wett ja nid dass er mich scho vor de Chilä gseht, aber er möchts vor de Trauuig mache, will er meint mir heged nachherr kei Zit meh für das, mir chönd Gäscht nid 1 Stund elei lah.
Was meined ihr und wiä lösed ihr das???

Grüessli Swissgirl

Mir hürated am 17.10.2009

• Zitieren

hoi Swissgirl
auso mir düe vor dr Trouig Fötele! so hei mir dä Moment wo är mi u ig ihn z erste mau gseh für üs allei, u mir chöi zäme lache, gräne, kompliment mache etc. wie mir wei. i dänke weme anang ersch ir Kirche gseht, u närvös isch überchunntme das viellicht gar nid richtig mit. u zangere isch natürlich, was machtme denn mit de Lüt weme ersch nachhär Fötelet. Ouso üsi Brautführer hätte sich eifach öpis müesse la einfallen...... aber mir hei när gfunde, das mir lieber mit de Lüt zäme si aus ga Fötele. Grad die wo nume zum Apero chöme, hätte ja süsch nüt vo üs!PS: hei sie viellicht o süsch nid
u i dänke dä Moment wo d Brau i Kirche inelouft isch so oder so schön, ob är scho weis wie du usgsehsch oder nid!
ja u när chunnt no drzue, das mir zum Fötele gnue Zyt wei ha, u mir das eifach chli wei gniesse, u mir hei mind. 1,5 Stund igrächnet! i gloub i chönnts nid so ruhig agah we i wüsst, das aui uf üs warte.
Das si so üser motiv gsi, das mir üs für d Variante vor dr Kirche hei entschiede.
grüssli
mir hürate am 02.05.2009

• Zitieren

huhu mitenand

mir händ eus das au lang überleit...

pro nach kirche:
- schatz gseht mich ersch i de chile
- ???

contra nach kirche:
- ich hüüüle sicher - schminki?!?
- küssli da, küssli dete... - hebt dänn mini frisur na?
- ziitplanig: trauuig isch am 2, dänn apero und dänn hämer i de berge scho fasch kei sunne meh, bis d föteli dra wäred?!?
- gäst: die beziehnd zwar d zimmer nachem apero, aber dänn stressed mir zu de föteli-location und hetzed wiiter as nachtässe...?!?

pro vor kirche:
- statt ersch i de chile träffed mir eus (nur min schatz und ich) amene schöne plätzli und gnüssed de bsunderi moment ganz intim für eus
- zersch fein zmörgele, dänn parat mache, dänn föteli mit trauzüge, na gnue ziit für en mittagsimbiss und dänn chani mich namal in rueh napuudere (oder vor allem mini nerve namal beruhige und mit de trauzügin chli muet (champus) aatrinke )
- am nami chömer nachem apero en gmüetlichi kutschefahrt mit eusne trauzüge mache, während d gäscht is hotel gönd. dänn hämer gnue ziit zum d trauig namal revue passiere z lah und namal elei mit eusne trauzüge azstosse...

han am aafang au umbedingt am nami fötele welle, aber ich han unterdesse erkennt (au nachdem min schatz namal mit mir vor-und nachteil besproche hät), dass es für eus um vieles lockerer und agnehmer wird, wenn mir eus de "stress" (ja, er isch positiv, aber s isch gliich stress) nöd am nami aatue müend...

grüessli trulla

Editiert 29.12.08

• Zitieren

nicht registriert

Die immer gestellte Frage aus der Sicht eines Fotografen und den Rückmeldung der Getrauten.

Variante a) Vorher sehen:
Erlaubt einen ruhigen Start in den ohnehin reizüberladenen Tag. Das Brautpaar ist im Anschluss weniger nervös und kann die Trauuung besser geniessen.

Variante b) Nachher sehen:
Der beste Moment hierfür ist eine kleine Auszeit mit dem Fotografen während dem Apéro. Nach den Gratulationen ist ein super Zeitfenster um das Brautpaar zur Seite zu nehmen und die Fotos zu schiessen.

Den Fotografen einige Wochen vorher zu buchen für die Posen spricht gegen den Fotografen - Wenn eine Pose schon dann einstudiert werden muss, dann ist meiner Ansicht nach der Fotograf kaum fähig die richtig wichtigen Momente am wichtigen Tag zu erwischen.

Im Grunde genommen spricht nichts gegen die eine oder andere Variante. Gebt dem Fotografen einfach genug Zeit - die ist auch für Euch (das Brautpaar)

Hoffe eine weitere Entscheidungsgrundlage geboten zu haben. Da es unter Busse von 75.- nicht erlaubt ist Werbung für sich zu machen hoffe ich, dass ihr den richtigen Fotografen findet!

Alles Gute
Yves

Editiert 02.01.09

• Zitieren

nicht registriert

... ich glaube Tipps darf man geben - also... dann googlen Sie bitte mal "Bebilderer", dann stossen Sie an erster oder zweiter Stelle auf einen Blog. Das ist meiner. Dann müssen Sie nur noch das /blog hinter der Domäne löschen, dann haben Sie meine Hauptseite gefunden ;-)

Viel Erfolg!
Yves aka "Bebilderer"

• Zitieren

@bebilder

danke für ihren tipp!!

lg aschera

• Zitieren