| Frühjahrsbräute 2014 (Januar-April) |
|
|
1 2 3 4 5 6
|
chliini22  am 13.12.2013
Re: Frühjahrsbräute 2014 (Januar-April)
hallihallo
nur churz...
also s'zügle hemmer gwüsst.. hend gester schlüsselübergab gha und chönd afange zügle.. isch en neubau und hend immer gwüsst es wird öppe mitti dezember.. aber das nimmt mer gern in chauf 
s'hochziit isch eher spontan gsii..sprich ha am spatestich dä atrag becho und eigentlich hemmers uf dä früehlig welle nä aber isch dä nöd gange also hemmers uf dä 11.1 gna.. das isch euse 11 jahrestag so hemmer nur 1 datum :-)
euses budget hemmer me oder weniger im griff und ziemlich guet chöne ihalte.. sind bi 15'000 ohni reis für 32 abiggäst und öppe 60 apero gäst.. aber viellicht au drumm well im januar nöd so hochsaison isch..
mir hend me oder weniger alles parat..fehled na paar chliini sache wo ich etzt über wiehnachte na chan erledige
soo wünsch eu es schöns weekend.. bi eus isch zügle agseit ab hüt namittag.. respektive dä gross schub dän morn.. aber es isch alles packt und guet agschriebe also sötti das guet funktioniere
lg
|
|
|
chliini22 am 13.12.2013
Re: Frühjahrsbräute 2014 (Januar-April)
 achja polterabig fotene chani mal eis sueche aber nöd gad hüt..
|
Lula  am 13.12.2013
Re: Frühjahrsbräute 2014 (Januar-April)
@dänu: 
Die holi de ou i dr IKEA, pressiert aber nit, aber wäri gäbig, u wenn mir de eh scho derte wäre, chönnte mir se gad näh. Was hesch de Du für Gläsli?
Göht ihr öiches Hochzytsmenu genau ga Probeässe, oder eifach mau ga ässe, u nech de lah überrasche? Hesch Du nach am Probetermin no was speziells vor, oder geisch eifach umi hei?
Wieso müesst ihr öich de im Februar no mau mäude bim ZSA?
I wäri mit de TZ u ihrne Partner gange, mi GG het aber unbedingt sis Mami wöue ilade, u de hei mir mi Vater u mini Stiefmuetter ou fasch müesse. Für mi isch jtzt eifach dFrag, ob mir miner Groseltere wette ilade, u GG isch sechs bi re guete Fründin am überlege.
Härzigi Idee! Wie bisch am überlege wäg am Name? Weit ihr evtl gar kei Nameschildli?
@nisliker: Wou  , nit schlächt...
Spare chöiit dr no, oder isch das aus scho sehr fix u endgültig?
@chliini: Ah ok, so hesch es ämu gwüsst, u es isch nit überraschend cho.
Was heit ihr de so für Budgetpöschte? Mir hei nämli ou 15'000.- u hoffe es klappet! Wird aber äuä knapp, aber mir löh dr Ziviler dusse, u dFlittis (soferns de git) ou. Mir hei aber ou 157 Aperogäscht... 
Wünsche Dir hüet Nami u morn guets u schnäus zügle!
@me: So, muess närne mau bir Coiffeuse vrbi, setti afe scho lang.
|
Lula am 24.12.2013
Re: Frühjahrsbräute 2014 (Januar-April)
Ig wünsche euch aune ganz e schöni Whynachte u paar ruhigi u besinnlechi Täg - üses letschte Whynachte aus ledigi Froue...  
|
daenu16  am 27.12.2013
Re: Frühjahrsbräute 2014 (Januar-April)
@Chliini: bi gspannt uf dini Föteli vom Polteri ! Hender guet züglet?
Lula: Üsi Gläsli us de IKEA heissed: GALEJ (sind ebe so Kerzegläsli)
I weiss nonig ob mir genau üses Menü gönd go probeesse. Mir hend etz scho mehrmals im Güeterhof gesse, au mit mehrere Persone und es hends alli immer uuuuh fein gfunde. Drum hemmer sehr grosses Vertraue.
Also bim ZSA müemer üs nomol melde will mer da im TG 1 Jahr vorher scho chan de Termin reserviere. Das hani halt au gmacht im Mai '13 und denn hends mir gseit für dVorbereitig müesi mi denn im Feb '14 nomol melde.
Hender eu scho chönne entscheide weg de Iladige am Zivile? Mir hend etz 8 Persone iglade.
Ja genau...also nöd die Namensschildli bim Tisch, sonder die wo mer sich chan alegge. Det simmer am überlegge ob mir das überhaupt wänd.
All: hend ihr schöni Weihnachte gah? Bald isch 2014 WOOOOOW
Zuletzt bearbeitet am 27.12.13 17:16
|
Lula am 27.12.2013
Re: Frühjahrsbräute 2014 (Januar-April)
@Dänu: Di si härzig, di hani ou agugget, aber mir si si für üsi Deko ebe bau zviu, git äuä de die da http://www.ikea.com/ch/de/catalog/products/00114167/
Ah ok, mir heis ebe ou überleit, aber iwie finde mirs ou schad, wenn mirs scho so gnau kenne.
Ach so, isch aber ou cool, scho es Jahr im vorus chönne reserviere.
Nee, mir hei zwar hüet einiges gmacht fürs Hochzyt, aber derte si mir gäng no unsicher... Isch doch e seich. Mir si ebe scho mit de TZ u Partner u de Eltere 9 Persone, jtzt wetti GG no si Götti (2), sini beschti Fründin (2) steit no im Ruum u miner Groseltere (2) I weiss eifach gar nit wohi de mit au denne Lüüt.
Wieso weisch de nit ob se wetisch oder nit?
Jep, mir heis sehr gmüetlich gha, u Du? Viu Gschänkli brcho?
Ja scho gli isch 2014ni , u morn i zwe Wuche hürotet dNisliker...
|
nisliker  am 30.12.2013
Re: Frühjahrsbräute 2014 (Januar-April)
hey chliini
jetzt isches bald sowiit :) bisch scho nervös?
|
chliini22 am 30.12.2013
Re: Frühjahrsbräute 2014 (Januar-April)
mooorgä
so bin tatsächlich gad am pc und gange mini to-do liste dure..
nervös es gaht eigentlich na gar nöd gross.. eher eifach respekt vor em ganze öb mer a alles denkt hend..!? 
bi dir gahts ja au nüm lang.. du scho nervös?
kleider hemmer am samstig abgholt und scho verteilt :-)
|
nisliker am 30.12.2013
Re: Frühjahrsbräute 2014 (Januar-April)
ja es gat mer chli gliich.... ich ha meh angst ich vergiss öpis oder so :) aber cha gar nöd glaube dases i 18 tag scho sowiit isch...
|
chliini22 am 30.12.2013
Re: Frühjahrsbräute 2014 (Januar-April)
also im moment bini froh wenn dän alles dure isch.. isch chli viel gsii die letschte wuchene.. zügle und hochziit isch nöd so optimal
aber chunt scho guet.. i hoffe mir hend a alles denkt und suscht wird improvisiert.. mir sind au nur mensche :-)
hoffe eifach swetter macht mit.. so wie hüüt wer perfekt! wirde zwar ziemlich uf zäh bisse müesse bim shooting aber au das wird gah
|
|
|
1 2 3 4 5 6
|
Anmelden
