Hallo Mädels

Min geliebte Maa isch zur Ziit echt chli am abdreihe... 5 Täg vor de Hochziit hät er trotz Schlaftablette schlaflosi Nächt und isch voll am hypere... (Es gaht so wiit, dass er seit: "Ersch noch de Chile chan ich mich entspanne, bis dänn isches de Horror für mich!" Wow, das ghört doch jedi Bruut so gern...)
Also, euses Hochziit isch eigentlich zu 100% fertig vorbereitet, es hät bis jetzt alles klappt und er hät au nöd würkli öpis müesse hälfe (er isch ebe nöd so de kreativ, hätt aber alles mitentschiede) und er weiss au, dass er sich wäge de Organisation kei Sorge mues mache. Aber jetzt wirds öpe so schlimme, dass ich mich afang nerve ab ihm. Eigentlich müesst ich doch au dörfe nervös sii, und nöd nur ihn beruhige
Usserdem hämer scho wäge sinere Nervosität d Tischred gstriche (also mir säged eifach zäme öpis) und i de Chile säged mir eus au nur Ja (han mir ebe ursprünglich es Trauverspräche gwünscht, aber das isch absolut okay, dass mir das nöd möched, wenn er nöd möcht)...
De Tanz chömmer mitlerwiile scho fasch im Schlaf...
Eigentlich isch er Abteiligsleiter inere grössere Firma und hät 80 Lüüt unter sich und er isch susch echt kein Schüüche, im Gägeteil, er macht immer blödi Sprüch und isch de Kuhl... Aber jetzt spinnt er echt! Er meint, das sigi, will er am Hochziit alli so guet kenni, im Gschäft ebe nöd, drum heb er döt kei Hemmige... (Muen ich das verstah?!?!?) Am Zivilhochziit ischer gar nöd nervös gsi...

Ich schick ihn jetzt dänn zu sine Eltere id Ferie bis am Samschtig, wenn das so wiitergaht! Han mir d Wuche vor em Hochziit echt chli friedlicher und liebevoller vorgstellt!

Händ ihr au settig Problem? Oder bin ich da elei?

Grüessli trulla

• Zitieren

Hoi Trulla, das tönt jo ned so guet!!!!
Es paar Brütlis hend sech sälber jo erfolgrich met Bachblüete "obeabegfahre". I gloub das wär velecht sogar besser als Schloftablette. I dim Fall chas jo nor besser wärde!
Hender scho dröber gret was ehn de so närvös macht? Velecht hets jo gar ned demet ztue das öpis chönt falsch loufe oder so sondern d Verantwortig wo d Ehe met sech brengt. Mine het wäg dere Angscht lang ned welle hürote. Velecht het dine Verlobti grad e riese Schub Angscht öbercho weler sech öber d Zuekonft gedanke gmacht het ond sech nomol bewosst worde esch was hürote bedütet...

I wönsche euch of jede Fall, das ers schafft nochli obeabe u cho!

• Zitieren

nicht registriert

Liebi Trulla

Das isch doch eifach nur ganz normal. Also was isch scho normal, aber ich dänke jede isch doch ganz anderscht und reagiert so halt au uf sini Art! Min Schatz hätt au riese Angst devor in de Kirche öbis flasch zmache und hätt durm au keis Trauverspräche sälber welle säge. Er wird warschindli fast in Onmacht gheie, wänn denn alli Auge nur uf ihn grichtet sind, aber da müend eusi Manne jetzt halt dure...

Vielmals isch es halt scho so, dass mir Fraue die Starke sie münd... das isch bi eus au immer wieder so.
En Tipp wo ich dir chan gäh, versuech nid alles für din Ma zträge. Er muess sälber mit sinere Nervosität klar cho, du chasch ihm die nid abnäh. Due dich wieder ganz uf dich und dini Vorfroid konzentriere. Wie du schriebsch, dörfsch au du schliesslich nervös sie. Viellicht gahsch du eifach besser mit dinere Nervosität zu dinere Fründin oder zu dim Mami. Fraue unterenand chönd sich mängisch besser unterstüzte in so Situatione. Din Ma söll sich halt mit Sport ablänke oder mit Kollege eis go zieh, was halt immer sini Art isch und ihm guet duet. Klar ischmer inere Ehe immer füenand da und teilt alles, aber mär törf au ganz getroscht mal abstand näh und dä Partner sälber demit fertig werde lah. Euers Hochziet isch au DIN GROSSE TAG und au DU söllsch d Vorziet voll und ganz uf dini Art chöne gnüsse.

Wünsch euch zwei ganz viel Glück. Das wird scho alles guet gah!!!
Liebs Grüessli Liara


Mir hüratet am 7.8.09 Zivil und am 8.8.09 Kirchlich =) jupiii

• Zitieren

hallo

jawohl nur no 3 mol schlofä. Min Zekünftigä hät bis lescht wuchä au gseit, er sig nöd nervös und wirds au nid. mir sind au scho fascht 1 monät zivil ghürote, und det isch er au nid nervös gsie, aber etz scho, hüt hät er mir scho 3 mol aglüte, wäg dä letschtä vorbereitigä und alles muäss so gnau vorbereitet wärde, er macht sich im moment mega gedankä wäg em wätter, was wänn dänn die wiesä so nass isch, wo dä apero isch, müeänd mir ächt s zält scho morn ufstellä, oder ganz neimät anderscht dä apero ha... luter so letschti frogä.

aber immer am obig händ mir dänn wieder ziit zum üs richtig uf dä Samschtig freue.

also alles Gueti eu und en wünderschöne Hochziitstag :-)



Wir heiraten am 20. Juni 2009

• Zitieren