| Hintergrundmusik beim Apéro? |
|
|
1 2
|
calla  am 13.03.2009
Hintergrundmusik beim Apéro?
Hallo Mädels
Soeben habe ich mir überlegt, dass es eigentlich noch schön wäre, beim Apéro leise Hintergrundmusik zu haben...? Wie seht ihr das? Ich denke dabei nicht an Musik aus dem GB oder Radio sondern an einen Musiker zum Beispiel einen Saxophonisten der ein bisschen Jazz und Blues spielt...? Findet ihr das überflüssig oder würde euch sowas als Gäste gar gefallen/stören??
Ich weiss schlussendlich muss es für uns stimmen aber eure Meinung würde mich trotzdem interessieren. 
Soweit ich mich zurück erinnern mag, war ich noch nie an einer Hochzeit an der beim Apéro Hintergrundmusik lief.
Vielleich noch zur Location, wir sind an einem lauschigen Örtchen am See mit viel Schilf, Wiese usw.
Danke für eure ehrlichen Meinungen und liebe Grüsse, calla
|
|
|
Muggi  am 13.03.2009
Re: Hintergrundmusik beim Apéro?
Sali Calla
Also wenn ich Gast wer würs mi nid störe frog isch nur obs de ghörsch vor luter viele Lüt wo rede..De wers fast chli schad wenns niemert ghört! Aber wenn euch das wür gfalle de machet das 
grüessli muggi
|
Frangipani am 13.03.2009
Re: Hintergrundmusik beim Apéro?
Hi Calla!
Also ich find d Idee eigetli super, meega romantisch 
und passt sicher au guet zu dä location!
abe d muggi hät au recht, wenn s zviel lüüt sind gaht ev. d musig fascht unter? und wenn d musig z luut isch chönd d lüüt anderersiits nüme guet mitenand rede...
|
calla am 13.03.2009
Re: Hintergrundmusik beim Apéro?
danke muggi für din input... am sinnvollschte wärs vermuetli wänner dänn i de nöchi vom buffet zue isch... hmmm.... glaub muen hüt abig mal min schatz fröge wie er das gseht... 
|
calla am 13.03.2009
Re: Hintergrundmusik beim Apéro?
danke au dir frangi...
eusi wiese am see isch "relativ" gross und es wärdet max 120 gäscht umesi, tendenziell aber eher weniger wills en fritig und nid en samschtig isch... ich chan mir no vorstelle das sich dlüt au bitz verteile werdet (händ dänn auno so stehtischli ufgstellt)... ich denke position vo dem musiker wär sicher no wichtig.
jaaa romantisch isches ganz bestimmt und eus gfallt ebe de klang vo jazz/blues vome solospieler... hämmer au scho anere vernissage erläbt und es isch eifach suuuuper gsi!
wie lauft das bi eu a de apéros ab?
|
Frangipani am 13.03.2009
Re: Hintergrundmusik beim Apéro?
Hi Calla
Also mir werded au so ca. 100 lüüt ha am apéro. aber mir händ kei musig dänn. ussert ev. e kollegin wo als als "überraschig" cello wird spiele!
mir händ eifach am fest dänn musig, aber das au us de "konserve", händ en dj gmietet...
so jazz und blues findi au total cool! aber mir känned eifach niemert guets, und drum händ mirs halt sii lah, isch au guet eso wies jetzt isch... ..und meistens sind die live-musiker au no relativ tüür, oder?
|
calla am 13.03.2009
Re: Hintergrundmusik beim Apéro?
ou cello isch aber au schön
am abig hämmer e 2-mann band die chömer über vitamin-b miete und ich hoff ebe, das wämmer eus für en solokünstler entscheidet dasmer de au us sebem petto chönd "bezieh"  ... mini eltere sind sehr musikalisch und händ diversi kontäkt under anderm isch min püps vize-p ime jazzclub, chönt eventuell no glück ha... mal guggen...
ähh, ja eusi band, sofern alles klapped chömmer für 1400.- miete (18.00-02.00) mal luege...
Zuletzt bearbeitet am 13.03.2009
|
Frangipani am 13.03.2009
Re: Hintergrundmusik beim Apéro?
heh ja das isch aber en guete priis findi! mir zahled ja für de DJ au öppe so viel!!
|
calla am 13.03.2009
Re: Hintergrundmusik beim Apéro?
hämmer ebe au gfunde.. mer händ zerscht au en dj welle, händ dänn aber gfunde das live musig irgendwie meh stimmig chan mache (a mim schatz sim drissigschte letscht herbscht hämmer en dj gha und de isch uu lasch gsi...) und so simmer ebe uf die säb band cho.
i 2 wuche händs e cd-taufi womer mit mine eltere ane gönd zum die mal live zgseh... mini eltere kenned die, ich und min gg händs erscht ab cd ghört.
|
Frangipani am 13.03.2009
Re: Hintergrundmusik beim Apéro?
oh das isch aber cool! chunt sicher guet! ..das isch würkli mega gediege.
ja du seisch es, mir händ mit dem dj vilicht au d katz im sack kauft, bzw. gmietet 
aber mir händ jetzt eifach mal vertraue... und mir bruched dä ja nöd zum stimmig mache, sondern zum musig mache.. und das chan er hoffentli!
|
|
|
1 2
|
Anmelden
