| Hochzeit am 1. August |
|
|
1
|
Yasi  am 09.03.2008
Hochzeit am 1. August
Hallo zäme!
I han emol e Frog: gits do ine öpper, wo am 1. August hürotet oder öpper, wo es Päärli kännt, wo a dem Datum ghürote hät?
Bi ois isches eso, dass mir entweder am 25. Juli 09 oder am 1. August 09 wänd hürote. Mir sind ois am überlege, ob das mitm 1. August würd guet cho. es hät natürli alles sini Vor- und Nachteil. zum einte wärs natürli u schön, dass mir am Abig so vill Fürwerk hettet (mir fiired am Bodesee und do gsehts immer mega schön us am 1. August), usserdem hetted mir denn au in Zuekunft am Hochzigstag immer frei. was natürli au nöd schlächt wär.
Mir wüssed halt eifach nöd, obs irgendwie am Hochzig sälber chli chönti "problematisch" wäre, will denn jo amel scho vill los/bsetzt isch. usserdem hani chli Angst, dass denn einigi ihri Fürwerk scho am Nomittag ablönd (also do wo mir wohned isch das amigs so). Da hetti scho nöd so froid, wänn mir us de Chile usechömed und es chlöpft überall.
Was meined ihr dezue? i bin gspannt uf oii Antworte.
liebs Grüessli Yasi
|
|
|
Sibylle  am 09.03.2008
Re: Hochzeit am 1. August
hallo!
meinsch das isch überhoupt müglech amene fyrtag säch la z troue?
daniel & sibylle heiraten am 30.05.2008 / 07.06.2008
|
madmadi  am 10.03.2008
Re: Hochzeit am 1. August
do hani ou so mini zwifel. wär natürli scho no special, aber öb s zueständige zivilstandsamt do mitmacht - äuä ehner ned.
allefalls finde der en pfarrer, wo öich denn wörd troue, aber denn wär die eigentlich, d ziviltrouig secher vorhär emou.
das wägem fürwärk am nomittag esch doch no easy, de wird öichi ehe mit böllerschöss i-knallt ond "alli böse geischter grad vertriebe"...
Grüessli
madmadi
Ich hürote mi Schatz ganz genau 10 Johr nach öisem erschte Koss, am 8. August 2008!
|
Yasi am 16.03.2008
Re: Hochzeit am 1. August
Hallo zäme,
danke für oii Antworte. also me chan chirchlich am 1. August hürote. isch anschiinend gar keis Problem. zimli sicher machemer das jetzt au. s'zivilie wämmer denn am 31.07. mache.
|
|
|
1
|
Anmelden
