| Hochzeitsrede |
|
|
1 2
|
frani  am 17.08.2009
Re: Hochzeitsrede
Wir beide haben während unserer Freien Zeremonie schon seeeeehr viel geredet und uns unter anderem auch bei allen Gästen ausführlich bedankt fürs Kommen, ihre Unterstützung auf unserem Lebensweg, etc. Deshalb haben wir dann natürlich keine lange Tischrede mehr gehalten. Als alle am Tisch sassen sind wir aber kurz aufgestanden und mein Mann hat ein paar Dankesworte gesagt, allen einen schönen Abend und guten Appetit gewünscht, dann haben alle das Glas erhoben zum "Prost". Ich fand das sehr schön.
Ich finde es persönlich schade, wenn das Brautpaar gar nichts zu den Gästen sagt. Es muss ja keine lange einstudierte Rede sein. Die Gäste sind ja nicht wildfremde Leute, sondern Familie und liebe Freunde - da sollte man schon den Mut finden können, ein paar Worte zu sagen. Meine persönliche Meinung, bitte nicht böse auffassen....
|
|
|
leyen am 17.08.2009
Re: Hochzeitsrede
bei jeder Hochzeit, an welcher ich dabei war, habe ich eine Rede gehört; sei dies bereits am Apéro oder erst am Abend an der Feier. Es muss ja keine historisch lange Rede sein.
Wir haben auch schon erlebt, dass anstelle des Brautpaares die Eltern oder der Trauzeuge eine Rede hielten.
Die Nervosität kann ich gut verstehen, bin selber auch keine begnadete Rednerin. Aber wie es frani schon sagt: die besten Kollegen, Eltern, Verwandte und Bekannte sitzen ja vor Dir und nicht wildfremde Leute.
Wir werden unsere Gäste auf jeden Fall vorstellen. Denn nicht jeder Gast kennt jeden. Umso interessanter und lustiger ist es also, wenn man weiss, mit wem man/frau am Tisch sitzt bzw an der Feier ist.
Zuletzt bearbeitet am 17.08.2009
|
silver83  am 17.08.2009
Re: Hochzeitsrede
ich han bi dä hz bis etz au kei red vermisst. also denk i, dass ich das au nid werd bi üs machä. sött en eltäntäräteil oder gschwüsterti öpis sägä wöllä, den isch mier das au rächt und ich wür mi freue. aber ich bin ä totali "hülsusä" und chönt nie vor allnä öpis sägä, nid mol nu zu minem ma, ich flenn echt immer
und min ma redet nu no wirrs züg wen er nervös isch, das isch gad wieder bim zivilä passiert und isch ihm und au mier chli peinlich...
ich finds schön, wen ihr das chön, aber ich denke nid, dass es bi üs ä red würd geh. vilicht spontan vu nem gast...
Sid am 13.02.2009 verhürotet und am 02.10.2010 isch üserä grossi tag
|
|
Schani nicht registriert am 17.08.2009
Re: Hochzeitsrede
also be üs werds eso si, dass z'erscht mi frönd en red werd halte so i däm stil: danke das ehr alli cho send etc. bla bla bla... ond aschliessend au no mi vater. ech freu mech wörklech dröber, das är das wett mache. ond ben au scho sehr gspannt druf. werde secher nor hüle för freud! 
verliebt 23.04.06/verlobt 14.02.09/verheiratet 10.07.10
|
sunshine83 am 17.08.2009
Re: Hochzeitsrede
Auso mi Verlobt isch äbä eigentläch o sehr guet im Redä hautä und ig eigentläch o aber i weiss o nid ob i de z'nervös bi um öppis z'sägä...
Letscht Jahr bini am nä Hochzyt gsi wo eifach gar nüt isch glüffe weder das öpper öppis gseit het no irgend welchi spieli usw.. das hani u schad gfunge und schlussändlech sie mi verlobt und ig när o am 22.00 uhr scho wieder gange.. 
I finges äbä scho no schön we mä öppis seit
|
Sanpas am 02.06.2010
Re: Hochzeitsrede
also ich hole das thema wieder mal chli as tagesliecht
es würd mich wunderneh, öb ihr ä dankesred planet händ a euiem hochziitstag?
mir sind grad letschti zämegsässe und händ ä witzigi-dankesred-reim gschriibe. somit wämer all euisne hälfe, familie, trauzüge und fründe am fäscht nomal danke und das uf ä witzigi art und wiis übere bringe damits nöd so förmlich wird.
s'dichte isch echt luschtig gsieh und min schatz und ich händ euis kaputt glachet ab gwüssne sache.
uf jede fall hämer zerscht ä lischte gmacht mit dä lüt womer wän namentlich/persönlich danke säge und dänn bedanked mir euis am schluss eifach no bi all euisne gescht.
wie gsehts bi eui so us?
freui mi uf eui feedbacks
lg
sanpas
|
Kati7 am 02.06.2010
Re: Hochzeitsrede
Hy Sanpas
Am Abe zum s'Fest z'eröffne wird min GG alli begrüesse. När wird i mini usländischi Familiemitglieder i ihrere Sprach ebefalls begrüesse u ihne danke, dass sie de wiiti Weg uf sich gno händ. I kann die Sprach ebe ned u han iz bimene Arbeitskolleg so Trainings um das de o richtig uszspreche Natürli könnt i das o über mis Mami mache, doch es isch ebe e Überraschig für alli.
|
ces  am 02.06.2010
Re: Hochzeitsrede
hoi sanpas
...es würd mich mega wunder näh, wie das ungefähr dänn tönt?! mir händ euis au scho gedanke gmacht, aber no kei ahnig, was mir chönted säge... 
|
|
Belle85 nicht registriert am 02.06.2010
Re: Hochzeitsrede
Sanpas
Eifach e super Idee es Gedicht drus zmache, das werd ned so troch ond me merkt au ned so we ez öppper ned ne gröscht Redner esch
Mer si eus no unschlüssig ech fenges no schön we öppis gseid werd hät äuä au ned sones Problem demet aber mi Fründ esch ehnder chli zrogghautend und red nome sehr ungärn vor de Lüt ond we ech allei öppis säge fändi das au komisch. Aber imne Gedicht chönt me sech so chli abwächsle... muess die Idee mau bringe 
Hesch du villicht es Müschterli zo dim Gedicht oder esch das no top secret? 
Liebe Gruess Belle
Wir feiern das Fest unseres Lebens!
28. Mai .2011
|
Sanpas am 02.06.2010
Re: Hochzeitsrede
hallo ihr lieben
@kati7
findi ä super idee dass i dä fremdsprach zmache - sicher ä tolli überraschig für eui gäscht. was für ä sprach musch dänn da no trainiere?
@ ces & belle85
ja isch hald scho no chli topsecret ... mir händs uf schwiizerdütsch gmacht und ich find das no viel schwieriger zum mache als uf hochdütsch.... ...
viellicht öpe so:
"liebi gäscht mir möchtets nöd vergässe,
no vorem wii und em feine ässe,
eui vo ganzem herze z'danke
für alli gschänkli und jede franke :-).
....."
ich duen suscht gärn nach euisem grosse tag, das gedicht da inne stelle damit ihr es paar idee händ..... mir händ versuecht ä chli witz dri zbringe und doch isches au rächt emotional. nimmt mi ja wunder wie mir das am grosse tag anebringed
lg
Sanpas
|
|
|
1 2
|
Anmelden
