| Hochzeitstanz |
|
|
1 2 3 4 5 6 .. 19 .. 32
|
Taneli  am 21.04.2009
Re: Hochzeitstanz
Hi Frangipani
Was för en Walzer wend er denn tanze? Wiener oder Englisch?
Grüessli
Tanja
Mer traued üs am 08.05.2009 & 09.05.2009
|
|
|
Frangipani  am 21.04.2009
Re: Hochzeitstanz
Das wüssemer au nöd würkli!  Was isch dänn besser/eifacher zum Tanze? ..bis jetzt hämmer im Tanzkurs nume dä schneller (isch glaubs dä Wiener) gha....
|
Piglet  am 21.04.2009
Re: Hochzeitstanz
Hallo Frangipani
Eg fende dä Englisch Walzer eifacher, dä esch langsamer. Dr Wiener esch der schnäu.
Wäg der Musig: Wiener Walzer muess ned onbedengt klassischi Musig si, generell Musig zom tanze ned. I dr Tanzschuel wo mer amigs gönd go tanze, scho sit paar Johr, lönds eigentli gar ke lassischi Musig ab!
En modärne Wiener Walzer wär z.B. Have you ever really loved a woman vom Bryan Adams (Filmmusik zo Don Juan de Marco met em Johnny Depp). Velech chöme mer no me i Senn...
Gloube of www.weddingstyle.de gets en Liste met modärne Eröffnistänz ond so. Rubrik Planung ond denn Fest. Höuft der das witer?
Söscht wartet doch no dr Räst vom Tanzkors ab, denn heit der aui wechtige Tänz mau einisch gse ond wösset ou wele öich gfaut ond lit. Muess jo ou ke Walzer si.
Be Froge zom tanze stoni gärn zor Verfüegig...
Grüessli
|
Frangipani am 21.04.2009
Re: Hochzeitstanz
Hoi Piglet
Danke vielmal für dini Tips, das isch cool! Gange gern mal die Siite go aluege und hol mer es paar Idee! Hmm ja das isch würkli cool wenn me au chönt es "moderners" Lied neh für de Eröffnigstanz, das hani echt gar nöd gwüsst! Du häsch scho recht, ich muess sicher mal no de Rest vom Kurs abwarte und dänn luege... han nume mängisch chli Panikattackene wäge dem tanze...! 
|
Piglet am 21.04.2009
Re: Hochzeitstanz
Kes Problem, tanze esch scho es zitli öises Hobby ond e fröie mi emmer wenni anderne ou cha zeige wie schön das tanze esch! Gmeinsam öbers Parkett schwebe esch doch wonderbar  (got haut es Zitli bes me de wörkli schwebt...)
|
Frangipani am 21.04.2009
Re: Hochzeitstanz
Ja ebe, das isch es! Mängisch dunkts eim hoffnigslos.... ! Und mir händ zuesätzlich no s problem, dass ja eigetli dä Maa sötti füehre, aber min Zuekünftige no meh Müeh also ich hät zum sich die Schritt z merke, so isch er no wiit eweg vo füehre, und dänn blibts doch a mir...
..mir sind ebe chli brännti chind, sind mal inen Salsa-Afängerkurs, aber die Lehrerin isch überhaupt nöd würkli für Afänger gsi, irgendwie simmer voll nüme mitcho und dänn machts halt au kei Spass meh.. drum hämmer jetzt mängisch chli Panik dass es bim Hochzitstanz au so usechunt.
|
|
Inessa nicht registriert am 21.04.2009
Re: Hochzeitstanz
Mein süsser und ich können echt alles zusammen - ausser tanzen Es gibt schlimmeres, ich tanze eh viel lieber allein 
*Das Deutsch-Schweizer Bündnis startet am 29. Mai 2009 mit der zivilen Trauung
& erreicht seinen Höhepunkt am 30. Mai 2009 mit dem kirchlichen Segen
"Ich ergebe mich der Liebe weil Liebe dich ergeben hat" H.-C. Neuert*
|
Piglet am 21.04.2009
Re: Hochzeitstanz
Jo, das Problem met em füehre kenne mer ou. Grad am Afang esches schwerig aus Frou, vorauem weme merkt dass er ned im Takt esch oder falschi Schrett macht. Das chonnt no! Eg fende genau das ou öpis schöns am tanze. Dass me aus Frou em Ma muess d'Füehrig öberlo ond ehm ganz vertroue. Ond gloub mers, d'Manne fühle sech ganz toll, wenn si eim chöne öbers Parkett füehre!
Am Afang lutet s'Credo vorauem: dorehaute ond üebe, üebe. Weme denn d'Fortschrett merkt machts secher grad weder me Spass! Ond je witer dass me chont desto toller werds.
Esch natürli blöd, wenn me sone Lehrer verwötscht.
Der schaffet das scho, nor ke Panik. Am Hochzit luegt doch niemer öb jetzt jede Schrett korrekt esch. Dört gots doch me chli oms symbolische.
|
Frangipani am 21.04.2009
Re: Hochzeitstanz
Hoi Piglet
Danke fürs Muet mache!  Ich hoffe ganz fest, dass es bi eus au no wird cho und dass au er no chli Spass am tanze überchunt!
liebi grüessli
|
Benz am 23.04.2009
Re: Hochzeitstanz
Tanzen ist doch ganz einfach:
http://www.youtube.com/watch?v=hHzEwCU3wa4
Vielleicht lag es an den schwarzen Schuhen, die Sie trägt???
|
|
|
1 2 3 4 5 6 .. 19 .. 32
|
Anmelden
