Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Hochzeitstag    ›   Juli 2011
Juli 2011
 1 2 3 4 5 .. 15
trinidattli  am 19.04.2011

Re: Juli 2011

Nidemou moe ganz 3 Mönet. Mah me no erinnere wos no fach es Johr gang isch. Und jetze chunnts würklech so langsam immer wie nöcher



Splendi  am 19.04.2011

Re: Juli 2011

Hallo zäme

Ig bi ou ä Juli-Brut. Mir hei die Kirchlechi Hochzit am 30.7.11, denn si mer gad 7 1/2 Jahr zäme. Mer hei das Datum eigentli ganz schnäu usgwähut u gar nid dra dänkt zluege wis äch so mit de Ferie vo de Gäst isch. Aber mer hei z'Glück, dass würkli nid viu abgseit hei.

Bi geng wi ufgregter u weiss itz scho mängisch nid wo mer der Chopf steit. Jedesmau we öpis entschide oder erledigt worde isch, wirdi ume chli ruhiger. Sit dir mängisch o so usem Hüsli?



trinidattli  am 19.04.2011

Re: Juli 2011

Ou eg bi mängisch scho ziemlech ufgregt. Emu wenns um öppis geit wo mit der Hochzit z tüe het. U de beni ou froh wenn mers entschiede hei u eg es Högli cha hinge drah mache.
Aber s git gäng no gnue Sache wo mer müesse erledige.


Wüsset dir scho was der für Blueme weit a öichem Bruutstruss?



Schlumpf79  am 25.04.2011

Re: Juli 2011

Ich möchti gern wissi und roti Rosene i mim Bruutstruus ha. Und du, Trinidattli??
Afangs Mai hemer dr Termin bim Florist.




* mier freuet üs ufe 2.7.2011 und säget JA zunenand *



trinidattli  am 26.04.2011

Re: Juli 2011

Hey Schlumpf
Was mir würdi gfaue wär e Struss mit Lavendel, aber eg weiss nid ob das möglech isch. Das muessi zerscht mou no abkläre. Und wenn das nid würdi goh bini no chli unsicher. Eventuel öppis mit Gerbera.

S einzige won eg weiss isch, dassi keini Rose wetti. finde Rose zwar wunderschön, aber das hei fasch aui a ihrem Hochzit u gnau drum wett eg öppis agers, öppis wo nid so klassisch mitemene Hochzit in Verbindig brocht wird wied Rose.



Schlumpf79  am 27.04.2011

Re: Juli 2011

Ich han au zerst kei Bruutstruss mit Rose wellä, da aber üsi Farbe rot und wiss sind, wärs echli schwer worde andri Blueme zfinde.
Mi GG het mier de aber en mega schöni Idee bracht, wie ich dr Struss chönti aordne (er het dIdee gha, dass ich dr Struuss in Rot ghalte wird, aber us wisse Rose es Herz gformt wird)!
d.h. falls es uberhaupt möglich isch - müend de nächst Wuche dr Florist frage.


Gerbera fänd ich au sehr schöni Blueme, au dr Lavendel. Sind glaub beides Blueme wo nid i jedem Bruutstruss zgfinde sind. Was für Farbe hend ier de so a üchem Hochziit??

Griässli Schlumpf

* mier freuet üs ufe 2.7.2011 und säget JA zunenand *



trinidattli  am 27.04.2011

Re: Juli 2011

Mir hei zerscht ou aues in rot u wiss wöue, wöu mer d Chärtli so gmacht gha hei u bi de Namenschärtli fürd Tischdeko s rot ou wieder chli vorchunnt.

D Deko vom Fescht z Obe wüsse mer noni ganz gnau, wöu mer e Teil am Restaurant wärde überloh. Dänke aber, dasss die zwöi Farbe sicher ou wirder nöime wärde uftouche.

E ha me aber äxtra gäge die Farb entschiede für mi Struss u ou d Deko ir Chile wärde mer nid i dene Farbe mache wie mi Stuss wird ha u zwar wenn möglech hätteni äbe gärn öppis violetts/blaus. Würd drum mega guet zu de Chleider vo üsne Troumzüge passe u ou zum Azug vo mim Schatz.

Eventuel wärde mer d luege dir Farb z Obe ou no e Bitzeli izbinde.

Heit de dir aues nume in rot u wiss? Sowou ir Chile wie ou z Obe?



Schlumpf79  am 27.04.2011

Re: Juli 2011

Mer möchte eigentlich dr Tag düre zieh mite Farbe rot und wiiss. Sie chemet bide Iladige vor, bidr Deko am Abig ufde Tisch. Ich dänke dass mier au Deko idr Chile i dene Farbe werdid gstalte, wobii mier nid viel Deko mechet idr Chile. Hend e recht prunkvolli Chile usgsuecht, düend eifach Bänk echli schmücke und ufem Altar es Gsteck äne.

Griässli Schlumpf


* mier freuet üs ufe 2.7.2011 und säget JA zunenand *



tumi8  am 27.04.2011

Re: Juli 2011

@ Trinidattli: "Troumzüge" isch jo e herrlech schöne Verschriiber!!!



Nickichen  am 27.04.2011

Re: Juli 2011

ich werde auch Gerbera ha, de brutstruss isch e ganz spezielle Kombination zwüsche Gerbera und Lilie, de Bluemeschmuck süscht is wahrsch. nume Gerbera bzw Germini und Gras


genau hüt i 3 Mönet isch üses ziviles Hochzyt, am 30.7. denn i de Chile :)

Zuletzt bearbeitet am 27.04.2011



  1 2 3 4 5 .. 15

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.

 

 

SERVICE

Werbung platzieren
Kontaktformular
Impressum

WICHTIGE LINKS

Login
Registrierung
Datenschutz