| Juni Bräute 2014 |
|
|
1 .. 5 6 7 8 9 .. 22 .. 35
|
Claudilein  am 29.11.2013
Re: Juni Bräute 2014
Guete Morge mitenand!
Ja ig tue nech de Ends März vorschwärme wie toll dasses uf de Maledive gsi isch 
Ig hoffe, dass jetz hüt die Prägemaschine chunnt, woni bsteut ha, demiti am Wucheändi cha afah bastle.  Denn würds nämli o bi mir emau chli vorwärts gah.
Ig ha mer de Katalog vom Hochziitshuus bsteut. Derts hets Guetschiin für Rhomberg u Mery Brautmode drinne gha. Faus auso öpert dert öpis wett gah choufe, würdi dä Katalog o bsteue! 
Und jetz tueni mau no chli Hochziitschleider aluege, ah und ja, näbebi no chli schäfferle :-)
|
|
|
Pfingstrose  am 29.11.2013
Re: Juni Bräute 2014
Guete Morge!
Claudilein: Ah weisch wie fiis! Im März isches bi es no sooo chalt und du hockisch den am Strand! Aber verdient häsches. Ich bin den eifach niidisch und chli Fotis mümmer den scho gseh. Hihi!!!
Wer cool wenn afange bastle chöntisch. Das isch ja amigs au no en wichtige Punkt bi de Organisation die Iladige mache.
Eusi sind jetzt eigentlich fertig. Evt. probieremer no öpis mit de Farb us. Es isch jetzt, nach dem s erste fast zstar gsi isch, fast zschwach. Jetzt burchemer so es Mittelding... Hm... :) Chund scho guet. Münd ja nume ageh was mache und nöd selber mache. Dünd sie ja bstelle. Han kei Ziit zum bastle leider...
|
Claudilein am 01.12.2013
Re: Juni Bräute 2014
Hallo zäme
Pfingstrose: Wenn mer meh Lüüt würdet ilade u nid nume 20 würdis gloub o i Uftrag näh u nid säubr mache. Abr wenns so wenig si, denn geit das scho. Isch no guet, dass dir e Probedruck bechömet u no chöit reagiere u nid grad d Iladige druckt bechömet u näre passts nid.
Me: Ig ha jetz mau d Ahängerli für üsi STD's baschtlet. Die Prägemaschine isch auso mega gäbig! Mir hei jetz so Ahänger gmacht, womer de anes Säckli vou rosa-roti Härzli-Chrömli binde wärdet. Ha mau no es Bieudli igfüegt. D Iladige, Tischchärtli etc. weimer de im gliche Stil mache.
|
malinchen am 02.12.2013
Re: Juni Bräute 2014
@Claudi: Oh die Ahängerli si ja mega schön worde!!! Und dr Spruch findi dr hammer, vo wo hesch dä?
|
Pfingstrose am 02.12.2013
Re: Juni Bräute 2014
Claudilein: Gsehnd super us dini Ahänger! Häsch du also mega guet hie übercho... Das Papier wod gwählt häsch isch au sehr schön und wie d Malinchen scho schribt - mega schöne Spruch!
|
Claudilein am 02.12.2013
Re: Juni Bräute 2014
Danke! Auso z Papier hani säubr prägt. Ha eifach dicks Papier u so Schablone u äbe die Maschine kouft. Das geit de ruckzuck u de het mer individuells Papier.
Dä Spruch hani da inne im Forum gloub mau nöimets gläse. Ha mau im Tread "Text in der Einladungskarte" glueget u dä het üs de grad so guet gfaue, dassmer üs für dä entschiede hei.
|
Broncos  am 02.12.2013
Re: Juni Bräute 2014
Wow Claudilein, die sind würklich uuu schön und de Spruch gfallt mir au mega!
Ich het au gern selber bastlet, aber han eifach d Zit ned für 100 Iladigscharte... Mir hend jetzt gester Abig üsi Iladigscharte bstellt und chömed bis morn mal en erste Entwurf vom Layout per Email über. Bin scho riisig gspannt!
Suscht hemer mal no biz witer ade Homepage umebastlet. Hend ihr au e Homepage? Falls ja über welle Abüter?
Guete Wuchestarte euch allne
|
Claudilein am 02.12.2013
Re: Juni Bräute 2014
Mersi! Ha o mega fröid gha, dasses eso usecho isch, wieni mer das vorgsteut ha! Ja auso für 100 Iladige würdis gloub o nid säubr baschtle 20 isch grad no so gange.
Nei e Homepage heimer nid. Mir hei dänkt, wieu mer ja nume e chliini Hochziitsgseuschaft si, bruche mer das nid. Heit dir eini gmacht?
|
malinchen am 02.12.2013
Re: Juni Bräute 2014
@broncos: Mir mache ou ä Homepage, aber i mache se sälber mit Adobe Muse, hei aber no kei domain reserviert...
|
Broncos am 02.12.2013
Re: Juni Bräute 2014
Wow Malinchen, obwohl ich binere Softwarefirma schaffe wür ich mich ned getraue d Homepage selber z mache... Und ich wär glaub völlig überforderet mit allne Möglichkeite und chönt mich ned entscheide, wien ich alles ufbaue möcht
Mir hend üsi Homepage jetzt über ichwünsche gmacht. Mir hend vode Hochzytsmess no e Guetschi gha...
Jetzt isch grad de ersti Draft vode Iladigscharte cho  gseht super us, mir hend nur no es paar chlini Änderigswünsch
|
|
|
1 .. 5 6 7 8 9 .. 22 .. 35
|
Anmelden
