| Mai-Bräute 2013 |
|
|
1 .. 9 .. 16 17 18 19 20 .. 26 .. 32
|
Stern82  am 13.02.2013
Re: Mai-Bräute 2013
Hey Ma84ma
Ja es nimmt mich au wunder wie das use chunt mit d Probefrisur...
Brutstruss hani usgsuecht.. gseh und gwüsst das ist er, hane nümi us em Kopf bracht...
D Rest weiss i au scho...
Tüent dir z Auto schmücke mit Blueme oder eifach es schöns Band?
Sind ihr scho uf em Standesamt gsi?
Bi gspannt mier hei d Termin hüt Nami
Grüssli
|
|
|
Braut2013  am 13.02.2013
Re: Mai-Bräute 2013
Hey Stern82
Bi o grad ufem Standesamt gsi hüt. Wi isch bi dir gloffe? Und hüt Abe wird Probefrisur und Schminke gmacht..bi gspannt...aber sorry, ghöre ja geng nonid zu öich. Hürate ja scho im April  Nur isch bi de April-Brüt so ruehig 
|
Stern82 am 13.02.2013
Re: Mai-Bräute 2013
Hoi Braut2013
Es isch Tip Top gange.. Hend dir Musig bi dr Standesamtliche Trouig?
Oh bi gspannt wie dier Frisur gfallt. Schminkt dich dini Coiffuse?
April das isch scho gli...a welem denn?
Ist doch glich ob April oder Mai
|
ma84ma am 13.02.2013
Re: Mai-Bräute 2013
Hallo zämä
@Braut2013: Ob April oder Mai esch doch glich, ha ja o scho bim April gschriebe...Vo mer us darfsch gern witerschriebe :-).
Beni gspannt wies der geit bir probefrisur :-) Viu Spass..
@Stern82: Schön das aues guet gloffe esch. Wie lang esches gange?Was heit der aues besproche?
Mer hei üse Termin am 14.März.
|
Stern82 am 13.02.2013
Re: Mai-Bräute 2013
Hoi Hoi
Ebe e halb Stund z Meiste ist Papierkram gsi,,,,
Nah wegem Standesamt schmücke , ob mir d Ringe.tusche,
Musig eifach um die ganz gstaltig..
Aber da mier ja die Kirchlichi Trauig am.gliche Tag mache
ist Standesamtlich Trouig ganz eifach....
Es gaht so.schnell.bis Mai ist.....
Hend sich bi euch scho alli agmeldet?!
|
Braut2013 am 13.02.2013
Re: Mai-Bräute 2013
Danke dasi o bi öich darf witerschribe
@Standesamt: mir hürate ebä bimene andere als üsem Standesamt vor Gmeind. Drum heimer hüt afe mal dert verbi müesse für d Formalitäte. Aber Trouuig besproche heimer dert natürlech nonid, da müessemer de no bim andere Standesamt verbi. Das mit dr Musig hani nidmal gwüsst, dassme das bire Zivilhochzit o cha..de o zum ineloufe oder wie isch das dänkt? Heit dir Musig?
@Coiffeuse: i ha ebä ke eigeni Coiffeuse, ga so sälte, dasi immer bi öperem anders bi. Hamer aber e Visagistin usgläse wo o Hairstylistin isch und beides bi mir dehei macht. Si isch vori grad 2 Stund da gsi. Und i muess säge, i bi zfride. I schminke mi zwar süsch nie, wülli sehr helli Hut ha unds immer sofort ds viil isch..es isch halt iz schochli uffälliger als süsch, aber das isch ja normal mit Schminki. Und i gloub i muessmi eifach chli dra gwöhne (u die andere Lüt de oo) Mi Schatz het jedefalls mega fröid gha a mir gschminkt und gfrisiert  Und für d Frisur hani ihre es Bild zeigt und si hets zimlech so nachegmacht. es gfalltmr jedefalls und i fröimi ufe Hochzitstag
@Termin: mir hürate am 12. April. Nur no 2 Mönet..es geit so schnäll...aber fröimi meega!
|
ma84ma am 13.02.2013
Re: Mai-Bräute 2013
Hallo zämä
@Stern82: Ja si het em Telefon o gseit, dases öppe e haub Stung geit.
Bi üs werd Zivilä o e churzi Sach, numme mer zwöi trouzüge u no öpper wo chli duet fötelä. När gömer 5 fein go ässe.
Mer hei üsi ameudefrischt bis em 28.Februar. Bis etz heisech es paari agmeudet, aber si hei ja no chli zit.
u bi euch?
@Braut2013: Mer werde zum Zivilische kei Musig ha, derfür ir Chilä umso me :-)
Tönt guet di Probetermin. Ja das gloubeni das das es umgwane esch mit em gschmick si..eg be sösch o seute gschmickt, ha mire kosmetikerin afe gseit si dörf mi de ned zfescht schmicke. dert hani de so endi mai de probetermin.
o ja dr april wie ou de mai esch de schneu da.  .
Gesther hei mer grad die 4. Tanzstung kha...eg be umme froh, hani em hochzit e längä rock annä , so gseht me miner schritte de ned so.
|
Stern82 am 14.02.2013
Re: Mai-Bräute 2013
Guete Morge zäme...
@Braut2013 das find ich Super das es mit d Frisur und allem
klappet het....
Ich muess täglich gschminkt si de ischs eifacher..
Hauptsach meh fühlt sich wohl will es ist ja e länge Tag....
12.April....bisch scho chli ufgregt?!
Üsi Standesamtl.Trouig wird normal si.
Weg dene 20min schmücki ned no viel.will.me set das nah grad mitneh....
@Ma84ma
Ameldefrist hemer 31.1.gha das het wunderbar funktioniert..
Bis uf öber wo sich weder a no abgmeldet het, aber i werde dert au
ned go nah frage....
Hui Tanze mier si au gester gsi
Mache dir demfall e Hochzytstanz?!
Am Fritig hani ni en Termin bi einere wo mir es Bolerojäggli.
strickt..... Bi gspannt was sie mir empfiehlt..
Grüessli
|
ma84ma am 14.02.2013
Re: Mai-Bräute 2013
Hallo zämä
@Tanze:
Machit der e spezieue Tanzkurs?
Mer mache e Hochzitstanzkurs, dert lere mer de Blues, Disco Fox, Englisch Walzer und Wiener Walzer. Ziel vom Kurs esch, das me sech i üsem Fau ned ganz blamiert em Hochzit . Bi üs ir Familie (wo eigentlich niemmer cha tanze) esch das absoluti Tradition das Brut u Brütigam zämä äs Tänzli mache . Mer hei eifach gwünscht, dasmer ned met angerne wie tanze u scho gar kei Lawinetanz.
@ Outo schmücke:
Uii hani totau überläse. Mer hei üsne Gäscht gseit, das mer gärn gschmückti Outo hätti (Das cha vom Schleifeli bis zum Struss si).
Wie mer 2 ungerwegs si weiss eg no ned. Eg ha no es auts Cabriolett, das het Trouzügin scho reserviert före HZ-Tag. Das wird somit gschmückt. Aber ha so dvermuetig dasmer e teu no met eme landw. Grät oder emne Laschtwage ungerwegs si *g*.
@ Bolero:
Tönt guet. I dem Fau wird das extra för di gfertigt?
Grüessli
|
Stern82 am 14.02.2013
Re: Mai-Bräute 2013
Hoi Hoi
Tanze mier mache eifach nur Disco Fox Basis Kurs 1 hemer abgschlosse
Und im Basis 2 sind mer dra....
Mini Family tanze alli mim Fründ sini ned so....
Ob mier de traditionelli.Hochzytstanz mache wüsse mier.noni..
Aber mier hends grad no guet gfunde de macht mer ebis zäme...
Ja das Bolerojäggli macht si extra... Ob ichs denn bruche oder ned hsuptsach i ha
ebis am abig chas den scho chüel werde....
Grüessli
|
|
|
1 .. 9 .. 16 17 18 19 20 .. 26 .. 32
|
Anmelden
