| Mai-Bräute 2013 |
|
|
1 .. 13 .. 23 24 25 26 27 .. 32
|
Reebee  am 25.04.2013
Re: Mai-Bräute 2013
Hello ladies :)
De grossi tag rückt au bi eus immer nöcher. Hüt gads genau no en monet...
Inere stund gangi bide schneiderin mis kleid go abhole, i hoff bide änderige passt alles. Etz heissts s'gwicht halte en monet lang... I han zwar au abgno, das eher unfreiwillig. Was aber nid heisse söll, dass mich das trufig macht :)
Vor de hochziit isch bi eus no so viel los, i ha no gar kei ziit zum nervös werde. Nögscht wuche chunt mis ross und en tag spöter mis neue auto. Denn chömer hoffentli vor em fäscht wieder zrugg id wohnig. Und s'zivile isch ja in zwei wuche...
|
|
|
Feeldgood84  am 26.04.2013
Re: Mai-Bräute 2013
Und Reebee - het s'Chleid passt?
Wow...Es Ross und es nöis Auto no vor de Hochziet? Do hesch jo wörkli kei Ziet zum närvös wärde!! 
|
Reebee am 28.04.2013
Re: Mai-Bräute 2013
Jo s'chleid sitzt wie agosse :)
Also s'ross isch nid neu, de hani au scho 2.5 jahr, aber etz chunnter ebe hei vom chindsgi sozs'äge ;)
Ufs auto freui mi au mega, es isch eifach irgendwenn fällig gsi, wil min alte langsam aber sicher nüme zue verlässig isch.
|
Reebee am 28.04.2013
Re: Mai-Bräute 2013
Dopplet...
Zuletzt bearbeitet am 28.04.13 08:56
|
Reebee am 28.04.2013
Re: Mai-Bräute 2013
Drüfach... ;)
Zuletzt bearbeitet am 28.04.13 08:57
|
ma84ma am 29.04.2013
Re: Mai-Bräute 2013
Hallo zämä
Hie News us dr närvöseli Front  ...
Be höt die letschte Accesoirs go choufe...
Morn esch mi letscht Tag aus unverhürateti...
SWetter gseht am Mittwuch ned so guet us, aber das esch mer Wurscht..Förem Samstig gsehts gar ned so schlecht us *hoffhoff*
Was packit der it Bruttäsche, auso ersatzwis?
Liebi Grüess
ma84ma
|
valey  am 30.04.2013
Re: Mai-Bräute 2013
hey ma84ma bi der isches gli sowiet :)) wünsch der ganz guets wetter hoffentli regnets ned die ganz zit :(
ha gar ned richtig gseh dases de thread geht :) be mer isches i 25 täg sowiit..
|
isa.bella77 am 30.04.2013
Re: Mai-Bräute 2013
Hallo Zäme
Jetzt muni glaub wider chli afa schriebe. bin echt nüme derzue cho. isch echli viel gsi.
So de gross Tag rückt immer nächer. Nervös bini scho langsam chli. aber wohl au eher will die rund ume, so tz und so nid s gliche organisatorische tempo händ wien ich. Stahn mer da chli selber im Weg..
Kennend ihr das au, das gfühl, irgendwas vergesse z ha? Ich han irgendwie s gfühl ich han was vergässe.... ou man und ich chume eifach nid druf was....
lg
|
Stern82 am 30.04.2013
Re: Mai-Bräute 2013
Guete Morge Zäme
@ma84ma
Bisch sehr nervös?
Bi mir gahts bis jetzt no, aber mis Umfeld ist schlimmer dra wie ich,, die mache us allem so es Tam Tam,
das chunt scho guet me het ja TZ und Tätschmeischter...
Stimmt z Wetter isch morn nit d Hammer,  aber ich ha mich müesse loh belehre, das Brut e chli
Rege brucht... Hauptsach am Samst.ist besser....
Hend iher en Schirm?
Ich selber ha kes Täschli...aber mini TZ bruch bald e Koffer
Si nimmt mit: Nähset, Nagellack,Lippepfleg,Sunnecreme, usw. und ganz viiiieeeelll Nastüechli
Muechsch luege es git so es App Notfallset für die Braut, de hesch ganz sicher alles
Falls ich mi nümi Melde morn es ganz e schöni Ziviltrouig, allles liebi uf eurem witere gmeinsame Weg..
@isa.bella77
Ich kenn das au vom vergässe,aber ich ha mini Notize scho xmal abghögglet und es isch alles
drbi, oder ebe ich ha s nit ufgschriebe,und susch hoffi das mer cha improvisierä
Grüessli
|
ma84ma am 30.04.2013
Re: Mai-Bräute 2013
Hoi zämä
@valey: Ja de Tread gits scho länger, aber esch langi Zit igschlofe gsi :-)...
@Isabella77: U ja das kenneni...eg ha miner Lischtene scho ixmau öberprüeft *g*
@Stern: U ja be feiechli närvös, ou wes morn umme die chlinni Version esch. Muess de no mini Ungerschrift üebe :-)...Ha mi etz entschiede das eg dopplet werde ungerschriebe...Nüt amtlichs u trotzdem darfeme das :-)...
Eg ha o kes Täschli (Läck die Sorge woni miner Zigarette wott häredue ), aber due aues Ersatzwiss is Outo vor Mueter Dä Gufferruum wird de so was vo vou si...
Bis etz hani mi gäg ne Schirm gwehrt...Aber s'Wetter weiss no ned gnau wases wott..eg due etz no warte...Ha gäng no d'Hoffnig uf herrlich schönes Wetter wies im hundert Jährigä steit... ...
So gange etz mau miner Hoor go för morn zwäggmache...
Meudmi ab
Liebs Grüessli
ma84ma
|
|
|
1 .. 13 .. 23 24 25 26 27 .. 32
|
Anmelden
