U die gsäi de guet uus, die Make upps!

Muess nume schnäu loswärde, dass hüt grad öppis gange isch!

Dä vom Standesamt het aglüte und mer mitteilt, dass am 4.4.14 no jenschti Termine frei sige, es heig ersch öpper reserviert! Finge das ebe scho no es kuhls Datum!! nid dassis süsch mit de 4is bsunders hätt, aber es passt grad no so für am 10. Mai. sone Monet früehner zivil goht jo no. Aso gömer morn am morge dört die diverse Papiirli go im Original verbii bringe wos für Ussländer brucht und möche denn grad e Termin ab. Wenn dä vorem Mittag nümme frei wäri würdi glaub der erscht am Morge reserviere. Basu esch ebe rächt guet buecht ond me het nome 15min Zit :-( e hoffe aber, amne Randtermin het me wenigschtens chli Zit för Föteli! Und bim erscht am Morge chönnt me nächär gmüetlech go brönsche, das fingi ebe au no fein. so fein z'mörgele hani eigentlech no fasch lieber aus es normaus Mittagässe! es chunnt guet :-)

und öppe 15min spöter het mer no der agfrogt Pfarrer vo Basu aglüte ond jetz hemmer dört e Termin abgmacht für am 17.12. dä het no rächt nätt tönt, vilich chöi mer jo denn au grad dä froge

• Zitieren

Hallo zämä,

ja awesend :)
geit guet und euch?

@Santhia,
wow da aht ja recht öpis bi dir! SUPER!

@Makup,
bhuuu da vertrau ich also voll und ganz minere Coiffeuse wo mich au tuet schminke, die wird das scho guet mache... :)

@me,
mir hend am sunntig d chärtli abgschickt und verteilt, jetzt sind di erste raktione cho, so süäss... :)

@treffe,
han no welle sege, dass ichs mega schad finde, das alli abgsait hend, vorallem für d canella wo ner no under ihrem Name reserviert het... :(

• Zitieren

@ santhia: hey, so kuhl. bi dir louft ja gad öbis!

@lela: gäu, da keit eim ä stei vom härzä, we d iladige dus si? hei sech scho viu gmäudet?

• Zitieren

Hoi ihr Liebe

Bin au chli am umeschliiche da.
Wegem Treffe, hmm, es isch wirkli doof gloffe, aber ich für mich bin sehr froh willi am Sunntig wider recht Problem gha ha mitem Arm. Vlt chömmer ja eifach alli am 14er Treff eus aschliesse. Wenn denn es paari abseged simmer unter Umständ immerno gnueg Lüüt?

• Zitieren

hallo zäme

ich bin au wider mal da... bin langsam wider gsund
hz-technisch lauft im moment nüt bi eus.....

was hender so los am wuchenänd?

• Zitieren

Hallo zäme!!

Eigentlich müessti total happy sii, leider bini chli gfruschtet. Mir chöme grad vom Standesamt, womer si go der Termin am 4.4.14 abmache... leider isch kei Randtermin me frei gsi, so dass mer jetz am 10:15 dra chöme und das fuxt mi jetz scho chli. Bi plötzlich total unsicher, öbs das Datum wärt isch, dass me ire Viertelstund duregschleust wird. Aber au amne andere Datum chas passiere, dassme nume e Viertelstund Zit het. Anderersits, was bringe 10 Minute meh? Es Gedichtli, wome wahrschiinlech eh nid richtig zuelost? I weiss grad vou nid... Mir hei jo eh no im Mai euses grosse Fescht. Bähhh... i sett glücklech sii, aber gspüre im Momänt grad nüt dervoo...

wenn döit de dir überhaupt standesamtlich hürote?

• Zitieren