| Mai Bräute 2014 |
|
|
1 .. 54 .. 106 107 108 109 110 .. 124 .. 138
|
_janedoe  am 05.12.2013
Re: Mai Bräute 2014
@hochziitsvorbereitige
Mier möched im Moment irgendwie rein gar nüüt. Han gar kei Motivation sit eme Monet. Sötted eus endli mal definitiv um d Blueme kümmere.
s einzige woni letscht Wuche mal wirkli abgsproche ha, isch d Torte. Freue mi irrsinnig uf die 
@Santhia
Ou doof dases nöd klappet hed zunere Randziit. Findet denn dett im 15 Minute Takt Trauige statt?  Das wär ja extrem! 
Ich verstah di, dass s Glücksgfühl ned so mag ufcho. Isch eu denn die standesamtlich Trauuig sehr wichtig bzw hetteder eu da au was sehr persönlichs gwünscht mit Sänger z.B.?
Mier hüratet am 14.2.14 zivil. Am Valentinstag hani de Atrag becho und drum hemmers en sehr schöni Idee gfunde. Trotzdem isch eus die zivil Trauuig eigentli sehr unwichtig. Es isch eher so chli es 'müesse' als es welle. Für de schön Teil hemmer ja denn s grosse Fäscht im Mai
|
|
|
weddingbee85  am 05.12.2013
Re: Mai Bräute 2014
@alli: bin au da, aber grad überhaupt nöd aktiv was s hochzytsthema abelangt...händ alles wo wichtig isch und jetzt warti mal ab 
@santhia: aso mir händs zivile am 28.05.2014 am 15.00 (de letschti termin vor pfingste...isch es pfingste?irgenden fiirtig chunnt ämel nacher) und am 31.05.2014 isch di "richtig" trauuig. grundsätzlich hämmer eigetli en tag vor de hochzyt wele ufs standesamt aber ich finds mittlerwile gar nöd sooo schlächt paar täg vorher s zivile zha.
viellicht gömmer dänn zwüschedine no en tag go wellnesse oder so
ich persönlich find halt so di "spezielle" date nöd soooooo lässig. darum hämmer gar nöd ufs datum gluegt. ich find wichtig das dir/euch s standesamt und de standesbeamte/i passt und ihr euch wohl fühled. und wänn dir dis buchgfühl seit dass du echli meh ziit als 15min. bruchsch oder dir e bestimmti uhrzit wichtig isch dänn würdi halt es anders datum neh...
|
Santhia  am 05.12.2013
Re: Mai Bräute 2014
Janedoe: jo öis ischs au nid so wichtig, Sänger oder öppis scho gar nid. S'wichtigschte wär mer eigentlech, dass me i däm wunderschöne Saal no paar Föteli cha mache.
Aber es isch effektiv so, dass im Viertelstundetakt dört Trauige duregfüehrt wärde. Und am 4.4. äuä sowieso ;-)
Bähhh... has doch voller Freud hüt welle verchünde und jetz bini sooooo unsicher. 
Foto von Jan Geerk, www.kantlicht.ch
Zuletzt bearbeitet am 05.12.13 10:02
|
Santhia am 05.12.2013
Re: Mai Bräute 2014
Weddingbee: e be eigentlech au nie uf so spezielli Date uus gsi, has eigentlech eher chli belächlet  aber jetz findis irgendwie glich no cool, wenn chasch säge am 4.4.14 heimer ghürote. Oder am 4.4.24 hesch s'10-jährige  wobii i jo eher dänkt ha, me sett der Termin vom kirchliche Hochzit als Hochzitstag aluege. Aber weme scho amne 4.4. hürotet zivil wird me nochäne wahrschinlech nid säge, der 10.5. isch üse Hochzitstag... 
|
Lula am 05.12.2013
Re: Mai Bräute 2014
Hoi zämä u ne guete
@lela: Hey, so cool! Bi üs het afe eis Päärli sech bi üs am Wunschbuch betätigt... Aber mir näh ah, dass chunnt de so 1 Monet vor am Hochzyt no
Ohhh... viu Spass!! Tönt super!
@Santhia: Hmm... doofi Situation! Hets denn ir Nöchi nüt, dass ihr nach am Zivile derte chönntet eh Sektempfang mache, chli fötele u dZyt gniesse? U süsch chöit ihr ja ou zProgramm nächer no schön u speziell gstalte.
Mir hürote am Donnschti Zivil u am Samschtig Kirchlech. Has nit gad Fritig - Samschtig wöue, aber meh hani bi mim GG nit dürebracht.
@Hochzytsvorbereitige: Bi üs louft leider (gloub GG gseht das anders) nit viu. Ha zwar dSchueh bstellt, u wetti ja dä Monet ou no einiges erledige, aber im Moment isch so chli tot. Guet, GG isch sit am Sunntig krank u meh im Bett, u dämentsprechend ou nit würkli in Stimmig. U iwie isch si TZ ou chli komisch dinne, auerdings wüsse mir nit werum. Het aber zur Folg, dass er gad nit wetti nachefrage wäg am Polteri u am ne gmeinsame Ässe im Resti.
@Wucheändi: Mir wäre eigentli am Samschtig iglade, aber das chunnt jtzt de bi Arzt us, mau gugge was er meint, u vorauem chunnts de ou druf ah, wies ihm geit. Am Sunntig wäri no dr Tanzkurs, aber dä wird ou dasmau usfalle.  Bi aber scho am gugge, git de äuä eifach no so no ne kurze.
|
Santhia am 05.12.2013
Re: Mai Bräute 2014
Wenigschtens öppis womer nümme müesse mache  Mir göi sit 5 Johr oder no länger i Tanzkürs. Zwar mehrheitlich Salsa, aber sone Wauzer wärde mer de scho no irgendwie hänebringe. Öbs denn e Wiener- oder e Änglisch wird, wüsse mer noni. Am liebschte eine, wo nächär übergoht ines Salsa-Lied
Standesamt: doch, drumume gits vöu schöns, sisch grad näbem Münschter z'Basu. Döt hets au no sone tolle Chrützgang vom ehemalige Chloschter und au no sone Ussichtsplattform ufe Rhii. Das spricht ebe au für Basu
Juhuuu, hüt zobe gohni ane Etagere-Workshop uf Langnau. Und vilich isch jo denn öppis derbii woni cha fürne Candy Bar bruche. I glaub i wott so eini, finge das ebe scho no schigg! E sones Glas derfür hani ömu hüt scho kauft
|
weddingbee85 am 05.12.2013
Re: Mai Bräute 2014
@santhia: wow isch das trauzimmer schön...gfallt mir sehr sehr seeeeeeeeehr guet euses isch ähnlich aber eifach so chli das nur d tz mit de partner/in chönned mit. mir hüratet ebe zivil nur mit de tz...
läck das zimmer. cha mi fascht nöd erhole. dänn würdi glaub de 15minute-stress au über mich ergah lah
|
Santhia am 06.12.2013
Re: Mai Bräute 2014
Jööööö, danke Finges ebe au der Hammer... me cha haut nid aues haa 
i glaub mir blibe jetz bi däm
|
weddingbee85 am 06.12.2013
Re: Mai Bräute 2014
@santhia: gratuliere!!
@all: die woche isch ja vill ruhiger da im forum. letscht woche bini ziitewies gar nöd nacho all no chrankt oder eifach hochzytsfuul wie ich
@me: chönnd momentan ja nöd wörkli vill mache/plane und min gg isch glaub rächt froh drüber . da ich nöd chan stillsitze und sowohl mis hochzyts-, als au standesamtoutfit han suechi jetz accessoires wie blöd. händ ihr euche haarschmuck und sonstigi sache (ohrering etc.) scho? känned ihr en guete shop uf etsy oder suscht wo wo schöni sache hät? ich find irgendwie nöd so würkli schöni sache da ide läde und bin eigetli e erfolgrichi shopperin
|
Santhia am 11.12.2013
Re: Mai Bräute 2014
Heeee, wo siter?
Lauft öppis bi öich? Bi öis nid gross, si immer mou wider chli a der Homepage am baschtle, aber Chärtli oder öppis hemmer noni gmacht.
Heit dir au e Hochzitssite? Heiter die scho ustüschlet unterenand? :D
Nöchscht Zischtig heimer s'Gspräch mittem Pfarrer vo öisere Pfarrgmeind, mou luege öb dä cool isch und öber denn am 10. Mai no frei wär! Der Taufschiin hani scho öbercho!
|
|
|
1 .. 54 .. 106 107 108 109 110 .. 124 .. 138
|
Anmelden
