Hallo liebe Mai Bräute

Auch ich werde im Mai 2014 heiraten Ich war bereits einige Male im Forum und da es nicht mehr so lange dauert bis zur Hochzeit, frage ich mich ob ich auch wirklich an alles gedacht habe :) Mittlerweile sind wir bei der Menuplanung und Wein-Auslesung.

1. Seid ihr bei der Menuplanung schon weiter? Wieviele Gänge gibt es und kann man beim Preis gut verhandeln?

2. Wann habt ihr euren Termin mit dem Pfarrer angelegt? Unser möchte erst kurz vor der Hochzeit, was ich schon ziemlich knapp finde.

3. Hochzeitstanz.... OMG :) Mein GG möchte einen Tanzkurz besuchen, wie süss. Ich kann schon ziemlich gut tanzen. Aber mit der Song Auswahl tun wir uns schwer. Wir haben ein rockiges Lied im Kopf, zu dem man einen schnellen Foxtrott tanzen könnte. Aber ein klassischer Walzer wäre auch ganz schön, da haben wir aber kein Lied, wo wir einen Bezug haben... Wie habt ihr euer Lied gefunden?

4. Wo habt ihr euren Schmuck gefunden? Ich möchte gerne Ohrschmuck, Armband und was für die Haare aus Perlen. Aber ist echt noch schwierig zu finden.

Ich habe eigentlich noch zig Fragen, aber das reicht wohl fürs Erste :)

Danke und auch von mir "äs guäts Neus!"

• Zitieren

Aune es guets Nöis! :-)


Uuiii, i ha doch so vöu wöue mache über d'Wiehnachte und mir hei no fasch nüt gmacht! :D

Mir müesse no fasch aues mache
- Iladige mache
- Tischchärtli, Deko, Namensschöudli
- Chleider sueche und chaufe (und drum no aues derzue: Schue, Schmuck, Accessoires)
- Ringe go sueche und chaufe
- Florischtin sueche und bespräche
- Menü und Apéro bespräche
- Pfarrer sueche
- DJ bueche (hei mou bi SwissDJ jetz agfrogt)
- Träffe mittem Fotograf

S'Schlimme isch, dass mer no der ganz Januar praktisch usbuechet si a de Wuchenänd und im Februar eigentlech au. Aber jetz am Samschtig göi mer afe mou ad Hochzitsmäss uf Freiburg, vilich gseht me jo de no öppis...

Uiuiui... i muess Gas gäh! ;-)

• Zitieren

hoi zäme

ech mälde mech au weder emol

bi eus stoht i nächster ziit no folgendes a:

- Probeässe
- Termin met em Pfarrer
- Termin met em Klavierspeler för d'Chele (Lieder ussueche usw.)
- Ehevorbereitstermin abmache
- Hochzytstorte ussueche ond bstelle
- Deko für d'Obiglocation bespräche
- Probefrisur und Schminke
- Chleid abstecke loh
- Schueh ond Schmuck sueche (uiuiui....)
- Tischchärtli ond Gastgschenk bastle
- neue Pass + ID bstelle för d'Flitterwoche

mhm... au wenn mer eigentli scho relativ vell händ, vorallem eigentli s'wechtigschte reserviert esch, chonds mer je länger sie meh vor, als das mer dziit wört defoh laufe....
klar, es send emmer no 5 mönet, aber mer cha jo au ned nor no met em Hochzyt beschäftigt sii.
Ond dorom chonds mer halt vor, wie wenn d'Ziit nor no so dore rast. Esch da bi euch au chli so?

• Zitieren

Hoi zämä

@speusa: Hoi u härzlich Willkomme!
Mir hei es Menu zämägstellt, hei das aber no nit mit am Resti agugget, git aber Salat, Suppe, Hauptgang u Dessert. Wyy muess mi GG gugge, trinke nit würkli viu, da darf er entscheide.
Mir hei üs guet 1 Jahr vorher troffe, eifach ou für zwüsse wär si isch, u füre Termin zreserviere. (aso mir hürote im März) Aber ersch kurz vor der Hochzyt isch ou nit mis. Hätti närne mit ihre für im Dez/Jan gugget, aber sie isch de ebe gange, u üsi jtzigi Pfarrere lehre mir ersch mitti Februar kenne, aso 3 Wuche vor am Hochzyt, hei aber via Mail u Tel Kontakt.
Geit üs ou chli so, i finde zwar zTanze wunderschön, aber ebe, hei mau e Kurs agfange, aber leider vorzytig müesse beände, üs hei Vire verwütscht. Starte aber evtl no mau eine. Es Lied hei mir aber no kes
Es Ketteli hani scho lang, het mir GG mau zWhynachte gschänkt. U uf die Whynachte hets e Guetschiin vom Schmucklädeli gäh, wo er zKetterli här het. U jtzt gani derte mau ga gugge, für nes Armband u Ohrringe, wobi Ohrringe hani bi Swarovski wunderschöni gseh...
Aber Rhomberg het süsch aube ou no

@Santhia: Danke, Dir ou!
Was hesch für Ideene? Mit de Kärtli, u dr Deko? Was steusch dr süsch so vor?
Wie gsehts Menu us? Us Apero?
Das mit am usbuechet si kenni, gseit üs ou viu so, wobi Januar isch im Moment no gad ziemli guet... Chunnt aber de sicher no einiges
Bis wenn wetisch de das aues erledigt ha?

@jane: Wow, euches Menu tönt troumhaft!! U dr Priis isch aso ou nit schlächt!
Bi üs steit eifach afe dr Apero (Gemüse-Dip, Tête de moine, Hobelkäse, Sbrinz, Früchtespiessli ohne Melone, gefüllte Laugen-Brötli, Roastbeef mit Spargeln, Rohschinken mit Melonen, Mozzarellaspiessli mit Cherrytomaten, Fleisch- und Käseplatte, Zopf und Mischbrot
Mineralwasser mit und ohne Kohlensäure, Orangenjus, Cola, Citro, Sirup für Kinder, Epesses weiss, Bier, Kaffee, Tee)
am Menu für am Obe si mir no dranne, git aber de äuä so was;
***
Apero (äuä Saft oder Wyy)
***
Grüne Blattsalat mit Nüss u Radisli (wetti dNüss gäge Chäs ustusche)
***
Gmüesbouillon (anstelle vo Rindsbouillon) mit Gmüesstreife
***
Emmentaler Rindsentrecôte / Sauce Bernaise (Biilage tüe mir no aluege)
***
Dessertbuffet (üse Wunsch; Cremeschnitte, saisonali Früchtetreppe, Schoggibrunne, Glace&Sorbets, Meringues&Rahm
***
Tuet mir leid mit öichem Pfarrer! Hoffe ihr findet für euch e gueti Lösig! Mir kenne üsi Pfarrere leider nume vom Telefon oder via Mail, si isch ersch ab mitti Februar hie im Dorf, u die wo mir eigentli hätti gha, isch de plötzli wäg gsi, wüsse aber nit werum.
Für am Obe dr Hochzytstanz oder für ir Kirche?
Ihr het dRecht u Pflichte agugget? Isch no luschtig, bi üs isch da drvo gar nit viu drvo cho, u unterschribe hei mir 2 Dokument. Heis ebe hüet Morge gha. Darf i frage, wieviu Du zaht hesch drfür?
Dr Priis isch super! I muess mi gloubs ou mau erkundige, hei am 5. Februar abgmacht.
Hesch dr Pfarrer vom Nachbardorf verwütscht?

@Stella: Göht ihr euches Menu ga Probeässe?
Wo bstellsch de dHochzytstorte?
Was wetisch de Du für Schmuck? U dSchueh?
Jep, es geit mir im fau ou chli so. Hei aber über dFesttäg glich no einiges chönne mache, es chunnt guet.

@novia: Wo hi geits i dFlittis?

@me: mir hei hüet üses Ehevorbeireitsgspräch gha u hei Trouuigsermächtigung brcho... Es steit nüme im Weg... Mir si jtzt offiziel verlobt u um Fr. 242.- ärmer
Mir si über dFesttäg tatsächlech ziemli produktiv gsi...
-Namensschiudli si gmacht
-Tischplan u Nämeli si gmacht
-Schueh hani usgsuecht
-di kirchlechi Trouuig si mir am bespräche (via Mail)
-Zivilerkärtli si deheime u Couvert dekoriert, jtzt müesse si nume no agschribe wärde u verschickt
-Gästebuech hei mir ou kouft


Mache müesse mir no
-Kosmetikpropetermin veribare u ha(Termin chani hüet Nami no agugge)
-Probefrisur ha (5. Februar)
-öbis azahle (gugge was), mir wette nit aus uf einisch
-Kerzene koufe (Februar)
-Rechaudkerzli und Gläsli koufe (Februar)
-Schueh iloufe
-Hemd u Schueh füre GG
-ggf Schmuck (Ohr u Hand)
-Kleid apasse (Mitti Januar)
-Ga ässe im Resti mit de TZ (Mitti Januar)
-Ziviler kleider ussuche oder zämä stelle
-Blueme im Detail bespräche (mitti Februar)
-Trouuig im Detail bespräche (mitti Februar)
-dUnterlage as ZSA schicke u dID beaträge

Ja, i gloub viu meh isch es nüme

Zuletzt bearbeitet am 07.01.14 14:36

• Zitieren

Hoi speusa,

Ich han dier eigentlich welle a privatnochricht mache, hesches aber leider blockiert. Han nur welle froge, hürotend ier in zug selber? Bin ebe es 2015-brütli und no uf de suechi...

lg mena

• Zitieren

@lula: mier mached en afrika-tour
zerscht gömer uf zimbabwe zu de victoria falls, nacher uf botswana uf en safari, denn par täg citytrip uf kap stadt und am schluss no badeferie in zanzibar

• Zitieren