hey mädels

so mini motivation fürs organisiere isch au wider zrugg

@tagesablauf: hani mal agfange, aber vill chömer noni def. säge. zersch müemer eus mitem pfarrer träffe denn wüssed mer sicher meh. und wägem schminke/frisiere weissi natürlich au noni wie das zitlich usgseht.

im moment lauft grad rächt vill:
- d iladige sind entworfe, die werded jetz denn druckt
- bin am erstelle vo de hochzits-wunschlischte vo de reisebüro-homepage
- nächscht wuche gömer wäg ring go luege (wider mal.... wünsched mier glück dasi das mal eine finde wo mier gfallt und ned es vermöge choschtet )
- organisiere vo div. transport (car usw.)
- termin mit de floristin abmache
- han en shoppingtag mit minere TZ und mim mami abgmacht det wotti go luege wägmene chleid fürs zivile und schmuck fürs kirchliche hochzit

• Zitieren

Hallihallo

at maurelia, bi üs isch etz au grad einiges gloffa.

miar sind geschter üsi ring go hola sie sind wunderschön. denn händs mer geschter aglüta, dass mis klaid ako isch und i mol ende februar söll go masschnidera. yippieh. aber ende februar? villicht gohni au mol vorher go drischlüfa und wega schuah und accessoires luaga.

denn hämer üsi bluama definitiv buacht. für sage und schreibe chf 1'800.... mannomann. han mol chf 1'200 budgetiert ka. was händ iar für as budget bi da bluama?

und dänn hämmer no üsi tätschmaischter definitiv igfüahrt in ihri ufgab. aigentli müands meh dr tagesablauf koordiniera, inkl transport und vu jedem gascht an erinnerig.

at novia_mayo, dr ablauf hämmer au mol grob zämastellt. aber für am obig müamer zerscht mit em restaurant zämasitza zum dr ablauf definiera.

at alli: wia gsehts bi eu us mit polterobig? sind euri lüt do scho dra das am organisiera? mini scho und i waiss no nid gnau, wiaviel lüüt i söll mitneh. i bin jetzt bi 15 und finda das fascht zviel. so 10 wären doch friedlicher oder nid?

bis denne

• Zitieren

@polterabig: mini schwöschter (wo au mini TZ isch) isch da öpis am organisiere, es wird en tag im märz si. mier werded so ca. 10 fraue si, ich däne das isch ok. was mer mached weiss ich aber ned es ischen überraschig
im april gahni denn no mit mine 2 schwöschtere es wuchenänd uf hamburg

@lula: merci für de tipp, liit eus leider ned grad am wäg

• Zitieren

@similein: danke!

@deko: ich fänd so öpis wie uf em bild no schön. es isch ned z vill aber glich gsehts chli nach öpis us

• Zitieren

Ohja, gseht mega schön uus!
Weiss gar nid, öb mir öppis idr Chile mache, die isch sösch scho so schöön und riisig, do brüchtis mega vöu, dass es zur gäutig chunnt. Aber so fiini Bankblüemli findi au no cool.

Oder so wies bi mire Schwöschter gse esch:
d'Bluemedeko vo der Chile het d'Florischtin während em Apéro zu der Feschtlocatioin brocht und die isch denn dört als Tischdeko verwändet worde. Isch ächt cool gsi und denn lohnt sichs au.


Tisch"chärtli" hani jetz dehei mou eis baschtlet. Finges eigentlech no cool und wemes de chli schöner macht, nid nume so hopp hopp, de gsehts hoffentlich besser uus und me chas sogar aus Fotoständer verwände. Das wär de grad no s'Gaschtgschänk ;-) nones Mandleseckli derzue und fertig, vilicht no paar Chrömli vo mim Mami.

Ha jetz ändlech au e Termin zum gones Chleid ussueche ;-) am 8.2. :-) aso öppe 3 Mönet vor der Hochzit! I hoffe, i finge de grad eis, hihi...

• Zitieren

at Santhia: jo das bin i gsi miar händ an Offerta vu CHF 1800 kriagt. Miar händ ir Kircha so Bankstrüssli und no Hussa für üsi Stuahl. Dia Deko wird am Obig au wiedr verwendet. Brutstruss isch mit CHF 150 offeriert (hät mol CHF 180 dinna ka, isch mer aber zviel gsi). Miar händ Pfingstrosa und i han gmaint, das seg aigentli no günschtiger, wills jo so gross sind. Nimmt mi au Wunder, was iar so für Bluama zahlen.

• Zitieren