@Similein: Gärn darfsch Du mir wie ou dMorelia e PN mit Dire Adresse schicke, u de tueni Dir dä maile, wetti ne nit hie inne tue, isch aus sehr detailiert u mit Näme
Mir hei versetzt a jedem 2te Kirchebank e Efeurankekranz mit are blaue Schleife dranne (weisch wieni meine?) u vore bim Altar no nes Gsteck.

@novia: Das gseht ou sehr schön us, auerdings gar nit mini Farb

@Santhia: Wow, isch das nit fascch chli knapp?
Wäg de Blueme, mir si gloubs sehr tief dinne, mir zahle für dKirchedeko, 2 Brutstrüüs u 2 Astecker max Fr. 400.-. dKirchedeko bringt dFlorischtin i dKirche, dr Räscht holt mini TZ uf am Wäg zu mir gad ab, wüus süsch fürs Shooting nit drbi wäri.
Outoschmuck hei mir gseit löh mir lah si, üs isch das kei Usgab wärt gsi, aber üser TZ plane was, auerdings weiss i nit was

• Zitieren

Jojo, i weiss, bi chli knapp.
Wobii, 3 Mönet vorhär setti jo eigentlich länge. I verstoh nid, wiso me das ewig früeh muess go chaufe. Haut wägem bschtöue, aber i nime mer eifach vor eis z'chaufe wo si im Lade hei. Oder het öpper vo öich sich eis lo bschtöue?

Juhu, ändlich si üsi Save the Date Chärtli fertig. Mir heinis entschide, die aus PDF z'versände, so chöimer no chli spare und d'Lüt si glich informiert. Chärtli gits de natürlech scho per Poscht!

Morn göimer 3 Täg is Dütsche, de hani mou kes Internet. I hoffe, chume de no noche ;-)

• Zitieren

Jojoooo, i mache mer do nid so grossi Sorge. Das mittem Aprobiere het natürlech öppis, aber vilich chani de sogar no Rabatt useschloh
Cha jetz am 4.2. go probiere und ha dere gseit dassi im Mai hürote. Zersch motze si immer chli aber möche denn glich was si chöi
Und i ha schone Notfallplan ;-) Hanes wisses Chleid för öisi Empire-Aläss, schlimmschtefaus würdi de das alegge... isch zwar nid das woni eigentlech wett, aber wie gseit, wenns gar nömme wördi länge hätti öppis.

Hüt morge simer ufem Standesamt gsi förd Ehevorbereitig. Relativ unspektakulär, paar Sache dureläse und unterschribe. Do het niemer OR vorgläse oder so. Und de no 380.- zahle, phu. 40.- hani no chönne usehandle, s'wär 420.- gse. Aber wöu eg uf der Stürverwaltig schaffe und mer Zuegriff zu de Personedate hei, hani eifach der Wohnsitznachwiis sälber usdruckt ;-). Das hei si denn zerscht in Rächnig gstellt, wöus ebe glich usgseht wie das wo si ufem Zivilstandsamt usdrucke. Denn hani gmotzt und denn hei sis gstriche. Hihi...

• Zitieren

@santhia: das mitem rabatt chönnt guet si, es chleid wo grad im lade chaufsch isch warschindlich scho chli günschtiger als wenns neu bstellt wird.
du gsehsch ja das rächt locker mier isch s chleid z wichtig als das ichs so würd la drufa cho, aber so isch jede verschide

• Zitieren

Hoi Zäme..

@santhia.. hoffe ganz fescht, das de de dis chleid fingsch us evtl. gad usem lade chasch choufe.. bi mir wär das leider nid gange, o we mir die grössi guet passt het, hei sis müesse bsteue!! Aber das chunnt sicher guet!

@kleid.. heit dir scho öbis ghört vo öine kleider? i ha sit is mitti/ändi Nov. bsteut ha nüt meh ghört.. aber nime a die mäude sech de scho wes chunnt! bi scho mega gspannt u fröie mi scho wieder wenn is cha go alege

@me.. mir si am sunnti mit de TZ i üsere Location gsi.. jitz wüsse si o was üs so erwartet u si hei hinech es träffe.. bi ja gspannt, aber vrtoue ine da zu 100% u weiss das es guet chunnt!
jo süsch gits bi üs nüt nöis.. jetz geits no knappi 4 monet.. ha zgfüeuh plötzlech geits de meega schnäu..

@all.. was gits bi öich nöis?

• Zitieren

@kleid: aso ich han mis endi september kauft/bstellt und ha au no nüt ghört bi mier hends gsäit sie mälded sich sobalds da isch das mer en termin chönd mache zum abstecke usw.
sie hend gsäit es isch normal das es 3-4 mönet gaht. ich dänke es wird bald cho
es isch no gar ned apasst, es chunnt ja früsch ab fabrik :)

mini TZ isch grad min polterabig am plane. s datum weissi und au wer chunnt, alles andere dörfi ned wüsse. debi bini doch sooo neugirig

• Zitieren