Nid uufrege :-)

Mir sind genau glich wie dir, noni so wit
Hei jo erscht letscht Wuche überhaupt Save the Dates verschickt ;-) und do derbii der Link uf öisi Homepage noni drufdoh. Drum wüsse die au noni vill. Paar wüsses, paar nid... wenn öis öpper frogt waser söu alegge, denn säge mer es sig nis eigentlich gliich, schigg wär schön und mit öppis grüenem wenns grad passt. Wenn nid sigs aber au ok. :-) (wobii, chli schigg fändi irgendwie scho abrocht fürnes Hochzit).

Über so Kommentär würdi mi au sehr uufrege, aber i vergisses de au wider zimmli schnäu.

Letscht Zischtig bini jo go Chleider probiere und morn gohni au no einisch. Und juhu, es git Chleider für me ;-) Ha zwöi schöni gseh aber wott jetz luege öb morn nones bessers derbii isch. Süsch nimi de eis vo dene beidne.
Wobii i eigentlich nid ha wöue 1'200 EUR usgäh nume fürs Chleid. Wie vöu heit dir eso zaut? Und weiter au chli Farbakzänt a öiches Chleid? I wett paar grüeni Perle dra und evt. e grüene Bolero.
Und i wett meeega gärn knallgrüeni Schue. Möglechscht ohni Absatz. I legge au süsch nie Absätz aa und mi GG isch eh öppe 30cm grösser aus eg, do chunnts doch uf 1-2-3-4 cm meh oder weniger au nümme drufaa. Sobaudi mi fürnes Chleid entschide ha, gohni ufd Suechi!

• Zitieren

Ha nume schnäu wöue verchünde, dassi jetz au es Chleid ha!


I muess mi allerdings no chliiii a Gedanke gwöhne, dass es vöuu andersch usgseht, ausi mirs immer vorgschtöut ha!! Ha immer eis us Chiffon wöue und jetz hani eis in kompletter Spitze kauft (aber nid es ängs, es isch glich e A-Linie und mit Schleppe)
Aber es het mer würkli super gfaue und mini Schwöschter und Mueter si sooo begeischteret gsi, do hani fasch nid anders chönne. Mir hets no chli wenig bling bling dra, aber das chame mit de entsprächende Acceoires guet ufmotze!
Was nid esooo guet goht, isch grüeni Akzänt setze, muess mou luege wie das chönnti goh.


Aber juhu, wider e Punkt gschafft!

Jetz ab ad Hochzitsmäss und no wäge Chärtli go luege. Jetz fändi natürlech eis mit Spitze no cool.... wobii de mi GG chönnt ufd Idee cho, wie s'Chleid eso isch... hmmm... mou luege :-)

• Zitieren

Joo, ha schones Föteli :-) (-> hesch e PN)

Aber i finde s'Chleid grad nid im Internet, i hoffe die hei mer nid eis usere alte Kollektion zum neue Priis adräiht ;-)

Zuletzt bearbeitet am 10.02.14 11:51

• Zitieren

@weddingbee: wägem struss fürs zivile hani mier au scho überleit. ich gah hüt sowiso zu de floristin mal alles go bespräche, denn fragi grad was es chlises strüssli würd choschte. wenns ned all zu vill isch nimi glaub eis

mier hend no en kollegin de tipp geh, es ersatzchleid mitne fürs hochzit. aso eis womer chli guet chan tanze und party mache ich bin i mim scho chli igschränkt. hend ier euch das au scho überleit?

Zuletzt bearbeitet am 11.02.14 14:49

• Zitieren

ja ich fänds scho no schön. ich han sowiso mega gern blueme und wenn mer scho glägeheit hed mitmene schöne struss umezlaufe machi das glaub au

ebe vo dem her wärs vilicht würkli nöd schlächt. es muess ja ned es mega luxus chleid si, aber eifach das mer zur sicherheit öpis hed. min GG finds zwar nöd so guet und säit ich söll s chleid abhalte aber de hed ja au kei ahnig wies isch mit somene chleid de ganz tag umezlaufe (und ufs wc gah usw. )

• Zitieren

Klinke mi ez gad gschnell da i :) HOI ZÄMÄ!

Ich han jez en Struss bstellt fürs zivile am Friitig. Zahle es bitzli meh will Valentinstag isch, pfffff! Aber für das Strüssli plus en Astecker füre GG zahli ez max. 55.-.

Mier hend zerscht au kei Blueme welle, ned go esse und eifach kei grossi Sach drus mache aber jaaaa, je nöcher dases chunnt desto meh wetti s Gsamtpaket und so hemmer eus ez au defür entscheide :))

• Zitieren