| Mai Bräute 2014 |
|
|
1 .. 61 .. 119 120 121 122 123 .. 131 .. 138
|
novia_mayo  am 11.02.2014
Re: Mai Bräute 2014
@weddingbee: ja ebe gäll, es chan ja immer öpis passiere. ich hoffs zwar ned aber mer weiss nie 
@janedoe: HOIII
das strüssli isch mega schön! so öpis stell ich mier au vor. finds jetz vom pris her no ok. ha s gfühl für en normale struss zahlt mer no schnell mal 40-50.-
hend ier s zivile demfall am fritig? was leisch a wenni frage darf?
|
|
|
weddingbee85 am 11.02.2014
Re: Mai Bräute 2014
@janedoe: wow, das strüssli isch megaschön!! ach, jetz willi au eis 
|
Similein  am 11.02.2014
Re: Mai Bräute 2014
hoi zäme
@ 2. Kleid.. hm, das hani mir no gar nid überleit.. aber wär vilich nid schlächt eis ds ha für im fau!?
@janedoe.. woow mega schöns strüssli..
i ha eig. immer dänkt fürs zivile nimi kes, aber jitz bini o gad am zwiifle 
@santhia..gratuliere zum Kleid.. darfi ou es föteli gseh?!
|
Santhia am 11.02.2014
Re: Mai Bräute 2014
Sali zäme!
Jo, bi mega happy! Und i has jetz scho, nüt mit bstelle 
Ha no 2 Termine abgmacht derfür: einisch zum nomol drischlüfe und luege öb der Unterrock vo mire Schwöschter passt und was für Schmuck würd passe und so und denn no eine zum Abstecke 4 Wuche vorhär (wett bis denn no 5-10 Kilo abnäh, drum hani dä Termin möglichscht spot wöue).
Es 2. Chleid: isch no e gueti Idee, aber wirde das nur füre Notfall welle. Tanze üebe dueni glaubs im Unterrock. D'Schleppe lohni lo ufebinde mit somne Chnopf.
Es Strüssli fürs Standesamt wotti au haa, uf die 50 Franke meh chunnts jetz au nümme drufaa ;-) Do mini Florischtin chli witer wäg wohnt würdi das denn eifach zumne normale Bluemegschäft cho chaufe oder evt. bstelle.
Janedoe: wooowww, scho dä Fritig hürotet dir??? Bisch nid meeeega närvös??
|
novia_mayo am 12.02.2014
Re: Mai Bräute 2014
ich han jetz def. es strüssli fürs standesamt bstellt
wie isch das bi euch so mit de iladige und de reaktione? ich han eusi iladige vor 2 wuche verschickt/verteilt und ha bis jetz praktisch no kei reaktione druf. usser dene wonis persönlich abgeh han, die hend freud gha und sich bedankt aber die hend au all scho gwüsst das iglade sind. vo 2 lüüt hani es sms übercho wo sich bedankt hend und par kollege vo mim GG hend sich bi ihm bedankt wos ihn im usgang gseh hend. aber susch nüt...
|
_janedoe  am 12.02.2014
Re: Mai Bräute 2014
@novia
Ja, übermorn isches sowiit! Ich legge es lachsfarbigs Blüsli mit schwarze Stickereie, schwarzi Leggins, en Blazer und schwarzi Pumps a. d Bluse hed öppe die glich Farb wie d Rose ufem Bild.
Wie wird dis Strüssli usgseh?
Mier hend ebe au praktisch nur vo dene es Feedback gha, wo mer d Iladig persönlich abgeh hend oder wennmer d Lüüt troffe hend irgendwenn... Denn hemmer zwüscheziitlich wirkli gaaaar nüt meh ghört und jez i de letschte 3 Wuche hend sich plötzli uh viel agmeldet (mier hend de 15.2. als Ameldeschluss ageh)... Inzwüsche fehled nur no ca 3 Ameldige. Hetti nie denkt.
@Santhia
Nei komischerwiis bini überhaupt ned nervös :D Nuuuull!
@Strüssli
Das sind La Perla Rose mit Schleierchruut. Findes schlicht und trotzdem elegant.
Ha nie e Struss welle fürs Zivile. Aber de gseht sooo schön us, da chani ja ned nei sägä :D
|
novia_mayo am 12.02.2014
Re: Mai Bräute 2014
@janedoe: hey so schön! freu mich für euch 
dis outfit tönt au super!
mis strüssli am zivile wird mit wisse/creme-farbige rose/pfingstrose und vergissmeinnicht si ich han ebe es blaus chleid, und mier gfalled blaui blueme eigentli gar ned. aber so chlini vergissmeinnicht findi herzig
schleierchruut isch au mega schön, mier mached d kirche deko mit schleierchruut
hmm ok, ja ich dänke es isch würkli normal das sich alli churz vor amäldeschluss no mäldet...muessi wohl chli geduld ha
bin aber irgendwie glich enttüscht. mier hetted ja welle am apéro en candy table mache, das alli öpis devo hend. de hani jetz gstriche, has gfühl es würdi ned so gschätzt werde. d chind hetted sicher freud gha aber ja isch mer irgendwie z blöd
Zuletzt bearbeitet am 12.02.14 10:41
|
weddingbee85 am 12.02.2014
Re: Mai Bräute 2014
@novia_mayo: das mit de iladige muesch unbedingt locker neh. ich han mich ja sooooo gnervt bzw. bin meh enttüscht gsi dass sich nur die lüt bi eus gmolde händ wo d iladig persönlich übercho händ...mir händ deadline endi november gha und bis hüt händ sich no zwei nöd agmolde...jä nu, die chömed dänn en reminder über und suscht händs gha.
@jane_doe: wow, dis outfit tönt mega cool. und ich hoff würkli das ichs am tag vo eusem zivile au so locker nimm 
|
weddingbee85 am 12.02.2014
Re: Mai Bräute 2014
ou, und das wär min standesamtstruss (chli speziell ich weiss, aber voll min stil)
Zuletzt bearbeitet am 12.02.14 11:32
|
novia_mayo am 12.02.2014
Re: Mai Bräute 2014
ja ich versuechs scho chli locker gseh aber irgendwie nervts mich glich. mier macht sich all die müeh und schlussändlich chunnt eifach kei reaktion....
de struss isch mega schön, die blueme findi super. mal öpis anders
Zuletzt bearbeitet am 12.02.14 11:43
|
|
|
1 .. 61 .. 119 120 121 122 123 .. 131 .. 138
|
Anmelden
