| Mai Bräute 2014 |
|
|
1 .. 61 .. 120 121 122 123 124 .. 131 .. 138
|
weddingbee85  am 12.02.2014
Re: Mai Bräute 2014
@ novia_mayo: ich han mich für euse standesamttermin ebe für es luftigs champagnerfarbis früehligschleid entschiede mit passende peep toes und clutch. und ich find de protea-struss gseht fantastisch us dezue 
was häsch dänn du für es blaus chleid? es churzes?
|
|
|
novia_mayo am 12.02.2014
Re: Mai Bräute 2014
@weddingbee: das chani mier guet vorstelle zu dem struss. gseht sicher super us!
mis isch so mittel, aso bis knapp zu de chnü. han eigentli nöd so eis gsuecht aber es isch im modissa halbe priis gsi und hed mier grad super passed, de hani dänkt wiso nöd 
hesch du es langs bis an bode oder au es churzes?
|
weddingbee85 am 12.02.2014
Re: Mai Bräute 2014
@ novia_mayo: ou cool! mis isch chnülang und in A-linie, das heisst, mit de beide schichte stoff flatterets mega schön
grundsätzlich isch eus s zivile nöd soooo wichtig, aber je nöcher de termin chunnt umso meh wetted mer halt glich guet usgseh und da mir e stund lang e fotografin händ natürli au schöni föteli...
@all: tüend ihr euch fürs zivile sälber schminke/haar mache? oder lönd ihr das mache?
|
novia_mayo am 12.02.2014
Re: Mai Bräute 2014
ja das gaht eus au so, sogar min GG wott sich neu ikleide fürs zivile 
wägem schminke/frisiere hani mier ebe au scho überleit... mier hend aber kei fotograf, es wird öper vo de family föteli mache. weiss noni wie ichs söll mache. muess mal frage wie vills würd choschte. es müesst ja kei ufwändigi frisur si...
|
Santhia  am 12.02.2014
Re: Mai Bräute 2014
eigentlich hani mi wöue freue, aber bi grad stinkhässig... mis Auto het scho wider es Problem und es choschtet scho wider 1'800 EUR. ahhh... chönnt grad aues churz und chli schloh! ;-) me isch so machtlos, wöu es muess jo glich gmacht wärde! ärks... würds lieber fürs Hochzitt usgäh!!
Derfür hemmer grad vori Bscheid übercho, dass öisi Wunschgravur id Ringe ine passt und dass alles scho in Produktion isch! 3 Date (1. Träffe, zivil und kirchlich), Name und euses Hochzitslogo. Juhu :-)
Nimmt mi aber scho wunder, wie chli de das muess graviert wärde ;-)
Denn hani none Termin chönne abmache für am Samschtig go Azüg aluege.
Fürs zivile bini noni sicher öb mer e Fotograf sölle no engagiere. Er het gmeint es choschti öppe 400-600 und i weiss nid, öbs mer das wärt isch. DZeremonie goht jo nur e Viertelstund, denn no chli bim Basler Münschter fötele und aperöle... Mir göi aber uf jedefau aui in schöne Chleider. Es Strüssli fändi au no toll. DHoor machi entweder säuber oder i probiere mou e Coiffeur us der Stross. Die chönnte vilich scho no meh usehole aus ig 
|
weddingbee85 am 14.02.2014
Re: Mai Bräute 2014
@ novia_mayo: schimbar choschtet e unkomplizierte frisur öpe CHF 100.00 (zumindest in ZH). han jetz es agebot das wänni d frisur nachem normale coiffeurtermin mache (wäsche schniede, s übliche halt) choschtet e eifachi frisur nur CHF 20.00...wär no easy. und es paar täg vor de hochzyt muess mer ja eh zum friseur.
@ all: dörf ich mal fröge was ihr für es gsamtbudget händ (ohni flitterwoche)? ich weiss nöd wo ich mich da befinde...mir sind jetzt ohni gnaui offerte für blueme bi CHF 35'000.00...würd mi eifach wunderneh was ihr so usgänd damit ich weiss öb ich voll dinne bin oder eher übers übliche useschüsse. mir händ ja kei spezielli aperogäscht und "nur" 54 gäst während em ganze tag.
|
novia_mayo am 14.02.2014
Re: Mai Bräute 2014
hmm ok. ich han mier au überleit am tag vom zivile sowiso zum coiffeur z gah will ich neui farb wott mache churz vorem hochzit. und denn cha sies mier grad chli schön frisiere
wägem budget, ich has ehrlich gsäit gar no nie gnau usgrächnet. würd bi aber au mal wunder neh. gitts da irgendwie en vorlag? susch vergiss ich glaub d häflti
ich dänke mier wirded au so uf 30'000.- cho, chas der aber jetz so ned säge
|
Santhia am 14.02.2014
Re: Mai Bräute 2014
Gugus!!
Schomol ganz härzlichi Gratulation a öisi hüttigi Brut mir wei denn alles gaaanz genau wüsse!! :D
Budget:
mir si bis jetz ohni Reis au bi ungefähr 35'000 (grächnet mit 100 Aperogäscht und 65 gladne). Aber bi paarne Sache simer scho chli drüber ;-) I dänke, es goht so uf die 40'000 zue 
Bi de "Inahme" rächni öppe mit 15'000 - 20'000 (mini Eltere hend 10'000 zuegseit, vo sine Eltere wüsse mer no nüt, aber die gäbe sicher au öppis). Das heisst, jede vo öis müessti no guet 10'000 sälber zahle und das isch doch denn scho wider nümm sone höchi Zahl.
Geschter isch der Pfarrer zu öis hei cho und ersch nach knapp 3 Stund wider gange  . Aber eigentlich hetter nume vo sich verzellt und sire Zit in Peru. Hihi... i dänke, wemmer öis denn nomol träffe sette mer scho no chli über öis rede, dasser de der Gottesdienscht entsprächend cha gstalte.
Es macht mer e chlii Sorge, dasser pensioniert isch und sit öppe 5 Johr ke Hochzite me gmacht het. Aber anderersits gfallt mer a ihm, dasser überhaupt nid Verhör mässig het welle wüsse, werum mer jetz ider Chile wette hürote und so. I dänke, das chunnt scho guet.
|
novia_mayo am 14.02.2014
Re: Mai Bräute 2014
@santhia: 10'000.- vo de eltere?? wow, mit dem chönd mier glaub ned rächne.... das isch ja meeega grosszügig...
|
weddingbee85 am 14.02.2014
Re: Mai Bräute 2014
@santhia: wow,ja das isch en schöne betrag!wüssed nöd öb/was mir überchömed aber mis mami hät mir s brutchleid zahlt will sie so freud gha hät 
|
|
|
1 .. 61 .. 120 121 122 123 124 .. 131 .. 138
|
Anmelden
