Hallo zäme!

joo, finds au super ;-)

Mir hend am Samschtig none Azug für mi GG gfunde! Wie heit dir das gmacht? Siter au mitgange oder isch är mit sine Fründ go luege? I finds super, hani mit chönne. So bini sicher, dasser mir gfallt und dasser zu mim Chleid passt.

Denn hemmer für euses Mittelalterfescht nachem zivile 20m Wimpelketti gnäiht und 5 Banner... si mega cool worde! :-)

Jetz müesse mer ändlech d'Iladie mache, nöchscht Samschtig hemmer es Vorshooting mit eusem Fotograf. Nach däm sette mers denn öppe fertig mache...


Ah, es Böud vom Azug hani no wöue ahänke... (was legge euchi Männer so aa?)

Zuletzt bearbeitet am 16.02.14 23:48

• Zitieren

@santhia: min GG isch mit sim brüeder (wo au sin TZ) isch go en azug chaufe. er hed mier vorher bilder zeigt was er sich vorstellt und das isch gnau das wo mier au gfallt. und er hed sich denn gfötelet und mine schwöstere und kolleginne zeigt und die sind all begeischteret aso ich dänke er hed öpis guets usgwählt, han kei angscht das es mier nöd gfallt.
er hed eher en schlichte, schwarze azug, es wisses hemd und en schwarzi schmali kravatte und es wisses tüechli wo mier inesteckt (weiss grad ned wie das heisst )
eus gfalled so spezielli hochzitsazüg für männer ned, wos so muschter und so druffe hed

ich bin am samschtig no mis chleid go abstecke und han no en schleier kauft. jetz hani alles

• Zitieren

ja das isch halt wie bi eus fraue, mer gseht erscht öbs de männer staht wenns es ahend vorher isch ami schwierig zum säge. aber isch ja super hend ier öpis für ihn gfunde wo euch beide gfallt!

ja das wär natürlich super wenn de unterrock chönntsch "erbe"

mini schwiegermuetter hed mich wieder mal gnervt am wuchenänd....

• Zitieren

de link gaht nöd

• Zitieren

Guete moorge

hui.. dir sit scho wieder flissig..

@janedoe.. gratuliere öich ganz häärzlech zur Hochzyt bi scho gspannt ufe bricht
huui.. bi üs geits o nur no 3 Wuche

@azug.. aso dr Azug fürs zivile het mi GG mit sine Kollege zäme kouft u dä fürs Fescht heter no nid.. sötter jitz de mau go luege

@Frisur zivil.. aso i gange denn nid speziell zum Coiffeur.. due de säuber öbis mache, das muess länge
aber süsch lege mir üs scho chic a u düe üs chli use putze.. isch ja schliesslech glich e spezielle Tag o we für üs ds Fescht de die "richtigi" Hochzyt isch!!

@me.. am donnsti hei mir no ds ehevorbereitigsvrfahre gha.. isch ja e churze chut gsi.. aber het schnäu 337.-- kostet naja...
hm, ja mir sötte jitz de mau no chli vorwärts mache mit plane u organisiere..
sött no wäg de Blueme luege, Dessert hei mir o no nid u Getränk müesse mir o no luege wo mir die wei näh.. u es nöchsts träffe mir em Pfarrer sött mir o no abmache.. ah u mit mire coiffeuse sött i o mau no luege..

@make up.. wie machet dir das? heit dir do scho gnau vorstellige? die wo mi schminkt het äbe gseit sit sött chli wüsse was mir wei.. hmm..ha ke ahnig

• Zitieren

woow Janedoe.. sone schöne bricht..
do chunnt me gad mega is schwärme u tröime ine..
i hoffe mir aui dörfe sone schöne tag erläbe..
isch sicher no es "speziells" gfüeuh jitze vom Ma ds rede/schribe

• Zitieren