Janedoe: Härzlichi Gratulation und soooo schön di Bricht! Und dini Frisur gseht super uus! :D

• Zitieren

Hey au eu es ganz es grosse Dankeschön für die liebe Gratulatione. Ich bin doch en Esel - vernachlässige de Thread voll

• Zitieren

Sind halt alli mit Hochzitsvorbereitige beschäftigt!


So langsam hei au mir es paar Sache parat, aber es fählt immer no einiges! Bi öis fählt no:
- Bespräche mit der Location wägem Apéro und em Menü (mer hei no nüt usgwählt)
- Iladige mache und verschicke (do mir erscht grad Save the Dates verschickt hei, isch do mis Zil bis Mitti, spötischtens Ändi März)
- 2. Besprächig mittem Pfarrer, e chli zum Inhalt vo der Trauuig, Gebät, etc.
- mol Lieder mittem Organisch aluege
- Träffe mit der Florischtin bezüglich Bluemesache (si het mer afe gseit, dass eis einzigs Maiglöggli-Stängeli im Achauf 3.50 choschtet!! ) -> mou luege, öb mer do no chli mit öppis günschtigerem chöi ergänze, süsch würd das e tüüri Sach. Glich wettis drinbhaute wöu mers jetz scho uf üsere Homepage und de Save the Dates druffe hei und wöus super zu mim Chleid passt.
- Termin abmache für go schöni Nägeli mache (Kosmetikerin isch afe reserviert)
- Probetermin mit der Coiffeuse mache
- Chleider go abstecke (Termin isch abgmacht)
- d'Schwöschter mou froge öb si ma e Junggsellinne Abschid mache...
- Sache für öises Mittelalterfäschtli alässlich vo öisem zivile Hochzit organisiere (mir hei scho mega cooli Banner gnähit und e Wimpelchetti). Jetz müesse mer no us dene Chochbüecher es Menü zämeschtöue und Spili für öises Ritterturnier überlegge.
- i muess no Schue und Schmuck haa (Schue hani jetz mou es paar bi jjshouse bschtöut und wenns de farbigi gitt ide Läde de gohni nochli go sueche)
- Hochzitsreis plane (bi geschter afe 2 Schottland Reisefüehrer go chaufe und mir hei afe chli cooli Ort afo markiere ufere Charte)
- mit GG brucht none nöii Brille, sini jetzigi isch verchratzt, das gseht me sicher uf de Föteli ;-)
- Sache ichaufe fürs Candy Buffet
- Tischdeko/Namenschildli baschtle


uff... das dönt nach mega vöu, aber vili Sache si scho igfädlet oder es si ni esooo wahnsinnig wichtigi Sache. Das schaffe mir! S'Wichtigschte heimer jo afe :D

• Zitieren

Schiinbar!! Und si het gmeint, füre Brutstruss bruchis öppe 30-50... die wäre denn auerdings öppe 30cm läng, aber e gwüssni Längi bruchts jo. Die chürzere si glaub 2.50. Und wemmer Glück hei wachse si denn bi öis heimisch, denn wirds no chli günschtiger. Aber leider chame das vorhär nid säge.

Und die isch nid mou me aus Florischtin tätig und chamer drum d'Achaufspriise verrächne. Aber wenn die scho so sacktüür si

Mou luege, mir si jetz am überlegge mit was me chönnt kombiniere. Evt. Tulpe oder anderi chlini Blüemli...

• Zitieren

guete morge zäme

ech ha dänkt, ech geb au mol weder min senf dezue

aso was bi eus so astoht i nächschter ziit ond au scho fix abgmacht esch:

- Treffe met em Pfarrer
- Besprächig betr. Musik i de Chile
- Apéro abspreche
- nomol d'Location go besechtige ond schlossbesprächig (Tischornig usw.)
- Hochziitstorte ussueche
- Probeässe
- Probefrisur mache
- Ehevorbereitigskors

denn setted mer ondbedingt folgendes no plane/mache:

- Gastgschänk (mer wössed noni was...)
- Astecker bastle
- Termin met de Floristin
- Chleider för s'Zivile go poschte
- Tagesablauf vom Zivile plane
- Schlussbesprächig met de Fotografin
- Tagesablauf vom Hochzyt gnau plane
- Hochzytsauto reserviere
- neue Pass go mache
- Probe-Make-up

ond ech glaube no ganz vell meh... nor fallt mer momentan nüt meh ii

• Zitieren

@weddingbee: aso bi eus eschs so, dass sech euses Hochzyts-Team mol troffe hed om gnau so sache z'bespräche. ond det esch euse TZ ond de einti Tätschmeischter au debii gsi. aso ech cha ned säge, dass sech bi eus d'Manne ned iisetzed. Obwohl ech glaub scho eher dass d'Fraue smeischte mached. Aber solang d'Manne a de Träffe teilnehmed, esch da ok.
Ech weiss aber au ned, wasi der sell rote.... bi eus sends halt 5 Persone ond do dänki, do chöntet sie sech scho wehre wenn eine sech wört drus halte. aber wenns halt nor 2 send... de eschs scho schweriger.

• Zitieren