Hooi dir liebe Mai-Brüüt..

S'isch so stiu do inne.. aui schwär mit Vorbereitige beschäftiget?!

Wet öich doch schänu chli vo gester vrzeue..Mir hei üsi zivili Trouig amene wunderschöne Früehligstag dörfe fiire..

Dr Tag het drmit gstartet das i nüm ha chönne schlofe..ha tröimt mir heige üsi trouig vrpasst wie dir gseht bini meega närvös gsi..
hei de am Vormittag no par Sächelis müesse erledige u d'Apéroshäppli vorbereite, so zyt isch schnäu düre u gli hei mir üs scho ufe wäg zum Standesamt gmacht.. uf haubem wäg hei mir no gmerkt das mir d’Fotokamera vrgässe hei hei zum glück gnue Zyt igrächnet gha u hei nomau chöne umchere si de immer no gnue früeh dert gsi, so dass mir no vor scho par Föteli hei chönne mache.. d’Trouig isch eig. när e churzi sach gsi u i bi immer no so närvös gsi, dass i gar nid richtig mitbrcho ha was üsi Standesbeamtin aues vrzeut het Wo mir si use cho si de o scho par Lütlis dert gstange.. si mega überrascht gsi wüu mir würkli niemer erwartet hei.. mir hei ja nur im chliine kreis mit Trouzüge u Eutere ghürotet! När ischs de wiiter zu mine Eutere gange, dert hei mir e chline Apéros gno u när si mir no lecker go ässe.. Jo das wärs eig. scho gsi.. hei würkli e super schöne tag gha, isch herrlech gsi bi däm wätter.. aber irgendwie realisieris no nid das mir jitze vrhürotet si wird äue no es momäntli go…

Hüt het de o no gad ds Brutchleidgschäft aglüte, mis chleid isch cho… juuuhuui..

Wie gseht’s bi öich so us? Was gits nöis?

• Zitieren

@Similein: hey gratuliere, alles alles gueti!! ich han gar ned gwüsst das ier s zivile gha hend geschter. heds en bestimmte grund wägem datum oder hender das eifach so abgmacht?
euche tag tönt super und s wätter isch natürlich au de hammer gsi

mier hend i letschter ziit au vill gmacht fürs hochzit und sind eigentli rächt guet dra mit allem.
am samschtig hani min polterabig gha es isch de hammer gsi

ich han no d idee gha, das ich am hochzit wott mine lüüt danke säge (aso vorallem de eltere, schwöschtere/TZ und tätschmeischter). mier werded ja eh bevor mer am abig issed allne gäscht no danke säge das cho sind und denn würd ich das aschlüssend welle säge. ich find das dörfed alli ghöre und sie hend das ja meh als verdient. ich han mier überleit ihne denn es chlises gschänk z überreiche aber han noni würkli en gueti idee gha.... wüssed ier öpis?

• Zitieren

aah so schön... isch sicher es komischs gfühl plötzlich verhüratet z si

zerscht isch mich mini beschti kollegin go abhole. denn hani es couvert übercho wo dinne gstande isch: shopping queen - style dich für ein afrika dinner (luege ebe mega gern die sändig shopping queen )
im couvert sind 120.- gsi und mier hend 3 stund ziit gha. denn simer go es outfit für mich chaufe und mini kollegin hed immer alles chli gfilmet. womer fertig gsi sind simer zu mine eltere hei (die sind ned dehei gsi) und det sind denn alli andere gsi wo ich an polterabig iglade han und sie hend für mich koched und alles isch im afrika-stil dekoriert gsi. mier gönd ja uf afrika id flitterwuche
denn hemer gässe und denn no singstar uf de playstation gspielt. plötzlich ischs dunkel worde und es isch tatsächlich en stripper als polizischt verkleidet cho es isch sooo luschtig gsi. und mier hend alles uf video
denn simer nacher no in en club chli go s tanzbei schwinge


ok demfall müemer beid nochli überlegge

• Zitieren

Jeeeeehhhhh, härzlichi Gratulation!!! :-) Und sooone wunderschöne Tag heiter usgsuecht!! Das wünschi mir au :-)


I cha hüt i 3 Wuche um die Zit au säge, i bi verhürotet!! bi jetz scho chli närvös!! :-)
Ha geschter sChleid kauft für die standesamtlichi Trauuig.

Und hüt hemmer ändlich d'Iladige ufd Poscht brocht! I hoffe, die chöme alli morn aa, trotz speziell agschribne Couverts. Und i hoffe, dass sich denn e paar wärde zruggmälde! :-) ha aber jetz scho chli Angscht vor der Enttüschig. I ha jetz sooo lang gschribe und gmacht und nächär mäudet sich niemer. Hejo, mit däm muessi rächne, aber chli fiis ischs scho.


Bi üs fäut no auerlei, drum chumi langsam chli ine Stress ine. Müesse no Musig bestimme für id Chile, Schue und Schmuck bruchi no, Tischdeko und Namensschildli müesse mer no baschtle....
Denn üses Mittelalterfäscht plane, inkl. Menuplanig und Spili fürs Ritterturnier (heiter vilich no gueti Idee was mer do chönnte mache? ). Das möche mer am Tag nach der Ziviltrauuig, sones chlises Mittelalterfäschtli mit öppe 30 Lüt. Und mir wette 2 oder 4 Gruppe mache, wo gäge nander aträtte i verschidene Diszipline (z.B. Bogeschiesse).

• Zitieren

@morelia: ja s datum han ich gwüsst und ich ha au gsäit wer ich wott debi ha. aber vom rescht han ich gar nüt gwüsst

@weddingbee: genau das find ich au, zum mache hemer hochzits-mässig eigentli nüm so vill, aber die ganze abläuf oder wer mit wem wo muess si usw. isch chli müehsam und mer chan nur hoffe das es a dem tag denn au würkli klappt

• Zitieren

@canella: gratuliere dier ganz herzlich und wünsch eu alles gueti!!
abgseh vo dinere schwiegermuetter tönts nachmene super tag wo ier gha hend. ich hoffe sie hed dier d luune ned z fescht vermieset und ier freued euch uf euches fäscht im mai... ich finde ihres verhalte gaht gar ned ich würd mich sooo nerve!
aber gnüssed euchi ziit und s gfühl früsch verhüratet z si

• Zitieren