@canella.. gratuliere ganz härzlech!! ojee.. das mit dire Schwigermuetter wär jo nid nötig gsi..ungloublech! Hoffe aber ganz fescht das dirs glich heit chönne gniesse..
hehe gäu isch komisch jitz vo "mim ma" ds rede.. ha mi irgendwie ou no nid so dra gwöhnt

@novia.. di polterabe dönt mega kuul bi ja de scho gspannt was mi erwartet.. bi üs hets leider nüm glängt vorem zivile.. hane de im April

@me.. mir hei die nächste täg gad wieder chli hochzytstermine.. am mittwuch si mir bir Floristin gsi u hei wäg de blueme gluegt, hüt gö mir nomau zum caterer go Details bespräche, am mänti zum getränkelieferant, am zisti zum Pfarrer u de hani de gli mau no besprächig bi mire coiffeuse.. u när hani ääändlech es tel. brcho das mis chleid isch cho.. muess mi aber glich no chli gedulde, cha ersch 10 tag vor dr hochzyt vrbi go zums abstecke.. wüu mir im septämber es Baby brchöme muess i so spät wie müglich go, das es de o trotz büchli no passt

mi dünkts die zyt geit meeega schnäu ume.. im April gö mir no e wuche id ferie u när geits de nid mau meh e monet..

• Zitieren

@canella: oje, s schwiegermonster...es thema für sich (han au eis).

@similein: han ich öpis überläse oder schriebsch du hüt s erschte mal das ihr es baby erwartet? ich gratulier dir uf jede fall gaaaaaanz herzlich! so schöni news! wünsch dir ganz e schöni, problemlosi und entspannti schwangerschaft!

• Zitieren

@novia & weddingbee.. meerci! hehe... i ha o no nüt gseit gha wägem Baby heis no für üs bhautet gha u darum hani o hie no nüt gschribe gha..

@lied.. hm, do hani mir no gar kei gedanke gmacht.. i weiss no nid mau öb mir sone tanz überhoupt mache si beidi nid so begabt was das betrifft..

@novia.. jaaa es geit gaar nüm lang

• Zitieren

Canella und similein: Herzlichi Gratulation zu eurem zivila Hochzit! so schön, iar händ a super tag ka und similien au zu dinera schwangerschaft alles guati, das sind schöni news :)


novia_mayo: miar händ erscht afangs mai üsa kurs für da hochzitstanz. es git sona page, wo zu jedem song umschriba isch, was es für an tanzrichtig isch: ...tanzmusik-online.de

me: es goht echt nüm lang!! woow! i freu mi so uf dä tag. miar händ mit em pfarrer dr termin ka, mitem zivilstandsamt, i han probefrisur und make-up gmacht und han mis kleid abgsteckt. etz gohts aber no um priisverhandlig bim apero, menu und wii. was händ iar döt so verhandlet? bzw was hät so usagluagt?

und bezüglich kosmetik, händ iar a speziells programm vor dr hochzit? z.b. a wucha vorher no a spezielli kur oder öpis?

und han endlich schmuck, yeah. hans vum globus in züri, kanni echt empfehla.

• Zitieren

@similein: aah ok ja klar verstahni. ha nur dänkt ich han öpis verpasst....

@weddingbee: ja mier hend au nur 4 lektione tanzkurs, aber besser als nüt würdi säge
ich frag mal no eusi band öbs en vorschlag hend, wenni gueti tipps han dueni eu informiere

@speusa: merci für de tipp, uf dere siite bini au scho gsi. und jedes lied wo eus würd gfalle isch en tanzstil wo mier nöd chönd oder nöd so schnell z lerne isch... naja mal luege mier finded sicher no öpis

hmm ich ha mit niemerem verhandlet. das chunnt mier ami gar ned so in sinn chan mer da no vill usehole?

ich glaub ich mache nüt speziells vor de hochzit, vilicht druf luege dasi nüt zu fettigs isse das ned grad pickel gitt... evt. no 2 mal is solarium vorher

ich han min schmuck au im globus in züri kauft det heds würkli mega schöni sache

Zuletzt bearbeitet am 24.03.14 11:26

• Zitieren

@lula: gratuliere zur hochzit, alles gueti!
gitts scho föteli?

• Zitieren