Wahrschiinli si mer met em 10. Mai eher bi de erschte. Hoffe au, dass s'Wätter no chli besser wird. Süsch früüri mer vou eine ab, ha ned grad vöu för omd Schoutere ome. Der?

E glaub, e schänke mir Schwöschter ond em Maa e Ufenthalt im Bad Schinznach, evt. mittere Massage derzue, so chli zum entspanne vom Hochzit. Aber find scho au, dass me öppis chli cha aneh als Gschänk.

Mir hei no 2 wo nach de 12ne Geburtstag hei. Dene wetti denn au no öppis chlises schänke, bimer no am überlegge was.

Mir si jetz fertig mit de Namensschildli und de Tisch"kärtli". Beides isch mega worde :-)

Fürne Sitzordnig heimer nis au so halbwägs entschide und s'spezielle draa isch, dass a öisem 8er Tisch 2-4 Plätz frei blibe, womer d'Idee hei, dass bi jedem Gang es anders Päärli zu öis chunnt cho hocke. Derfür si d'Eltere so nid a eusem Tisch, nur d'TZ. Mir hei rundi Tische für 7-9 Lüt.

jetz muess no der Hochzitstanz planet wärde und i bi no flissig am Föteli us der Chindheit am iscanne. Bi öis wirds e Diashow gäh, wo der ganz Obe im Hintergrund lauft. Das si denn mehreri Hundert bzw. eher Tuusig Föteli. Vöu hani scho scannt ond vo der gmeinsame Zit si die meischte digital, aber s'ussueche goht halt au eeeewig.

Denn chömmer jetz die Wuche go der Azug und mis Chleid abhole.
Ichaufe für d'Candy Bar müesse mer no und evt. Schöudli derfüür baschtle.
Sache zämesueche füre Fotobooth, aber eigentlich heimer scho ganz vöu...

Öis wirds jedefaus nid längwilig. Aber die Wuche hani abem Mittwuch Nomittag frei (wägem 1. Mai), der Fritig hani au no grad frei gnoh, do heimer de no chli Zit. :-)

• Zitieren

aso langsam bin ich scho chli nervös muessi säge ich träum au mega vill vom hochzit, bis jetzt nur immer guets
mier hend au alles parat sowit. mier hend mit eusne TZ und tätschmeischterin no de ganz tagesablauf besproche und ich dänke es chunnt guet. sie hend gsäit ab em ässe am abig übernehmed sie d planig mier sölled eus la überrasche. einersits bini froh das ich mich um das ned muess kümmere aber ich bin natürlich au mega gspannt was sie planet

wägem gschänk für TZ hani mier au scho überleit. ich dänke mier werded sicher mal alli mitenand go ässe und mier laded sie i. und evt. no en wellness tag oder so öpis aber da machi mier denn nachem hochzit gedanke.

jetzt muess würkli nur no s wätter besser werde denn chömer starte

• Zitieren

Mir hei s'Shooting au vorhär. I glaub i fange mit aa und versueche ne denn mouusezneh...

Do mir am Samschtig hüroote, hani jetz chli Schiss wägem Wätter, es wird jo wider einisch sehr schlächt vorusgseit :-(

Hüt het mer grad dKollegin verzellt, si heigi sich am Samschtig amne Hochzitsapéro voll glängwilet. Heit dir no e Idee was me uf die Schnelle chönnti mache am Apéro dass sich d'Gäscht nid langwile? Gäschtebuech, Candybar und Fotobooth heimer ebe zobe scho, das wetti nid scho am Nomittag bringe...
Söui äch no e Töggelichaschte miete?

• Zitieren

Hoi zämä

Mäude mi ou hie umi

@Santhia: Mir si zersch usse glüfe, dusse si aber dVereine u siner Arbeitskollege Spalier gstande
I gloub, di organisiere sech eifach so, dass si gar nit i dKirche chöme, oder sech chli eher useschliche
Wo hürotet ihr? Wüu si wei ja nit überau so schlächt. U soviu Gedanke übers Wätter wirsch dr nit mache...

@novia: Das mit dr nöiie Mail Adi isch no ne gueti Idee...

@Similein: Das mit am TZ Gschänk si mir ebe ou no am überlege, wetti sobaud mir zHuus igrichtet hei es Dankesässe bi üs deheime, närne stöh e gschenkte Usflug is Legoland oder i Europapark höch im Kurs

@speusa: zeng söttis aber de doch ou nit si, wüu hocke, loufe u schnufe settisch ja glich gäbig chönne

@all: Wünsche euch ganz e wunderschöne Monet u drücke nech Düme für schöns Wätter

• Zitieren

hoi similein: und, isch dis büüchli fliessig am wachse? und bisch ready oder muesch no paar sache mache?

• Zitieren

Liebi Santhia

Ich wünsche dier hüt en unvergässliche, wunderschöne, emotionale Tag! s Wätter spielt ja schomal brav mit

Gnüsseds!!

• Zitieren