@weddingbee85
Schlüsse mich dinere Frag mit de Blueme gern a... Ha da kei Ahnig, das isch bi eus au de Punkt womer eus gar ned unterhaltet. Ich weiss zwar wie de Struss usgseh söll (hihi, du kennschen ja) aber was das alles sött choschte und wie d'Astecker dezue usgseh sötted und Chiledeko... kei Blasse
Bin also au gspannt uf Antworte.. Au gern, was iher fürd Blueme so budgetiered...

• Zitieren

so cool pinkigi brutschueh

ja das mit em termin chönnt würklich schwirig werde, ich wott sicher öpe 5 lüüt mitneh und bis mer da en termin finded wo allne gaht... aber evt. gahni au eifach mal im vorus scho chli go luege was so ume hed und was mier würd stah

mit de blueme weiss ich leider au ned würklich wie das lauft, was koschtet sowiso ned... mier fiired det wo mini schwöschter schaffed (hotel/resort) und sie hed det en floristin wo ihne ami d dekos macht und die hed gsäit jetzt isch ned so guet zum uswähle will die blueme wo denn im mai aktuell sind sind im moment ned i de läde. wägem choschte müessti au mal frage, mer hetted det aber wäg minerer schwöschter rabatt :)

• Zitieren

Bähhh soviel hemmer aber nid welle usgeh und ich will unbedingt Pfingstrose aber irgendwie wähli immer genau das us wo am tüürschte chunnt. Ich finde Gsteck wirked mega schnell altmodisch drum wärdemer zimli sicher keis welle ha.

• Zitieren

nicht registriert

puh...meined ihr nid die priise sin au vo bluemeschäft zu bluemegschäft unterschiedlich? chunt allwä au drufa öb me sone wasserfallstruss wott, oder eifach es strüssli wie du eis als avatar hesch weddingbee85
süsch seisch eifach es isch kei brutstruss, villech isch er de günstiger

ich weiss nonig ganz sicher öb ich mis strüssli ganz nach em farbkonzept pink wiss grüen wott. allwä scho...am liebste so chlini pinkigi röseli und die chline wisse blüemli wo so rund blüehe(weiss nid wie die heisse, aber die gseht me i de meiste altmodische hochzytsstrüss) und unde irgendwie grüen mit blätter oder so. chli perle drum und so und fertig. aso wenn das 150.- choschtet denn verstandi i denn d wält au nüm ganz....

uf de tisch....puh...no kei ahnig. ich ha nüt gege gsteck, aber wenn dr tisch rund isch und 10 persone drahocke, denn mues do scho chli es aständigs gsteck ufe tisch süsch gseht das jo jämmerlich us...
ich ha no kei würklichi vorstellig was es sött gäh...nüt z grosses, ich finds blöd wenn d lüt müese um kerzeständer und bluemegsteck umeluege wenn si sich wän aluege bim rede.
i find so schwümmcherzli no cool...oder teeliechtli....villicht chönt me so e grossi rundi glasschüssle chaufe mit eme flache bode und denn dört wasser dridue und blüemli lo schwümme mit kerzli drzwüsche...villicht het jo denn d floristin no e gueti idee. i dr chlie wött i scho es grosses gsteck oder es aständigs strüssli oder 2 bim pfarrer ufem altar. was i nonig weiss öb i a jedem bank öbbis söll abinde. das got guet mit sunneblueme und lilie...aber nid mit dene blueme wo ich wött, das gseht de mikrig us. denn loni das lieber wäg.

wänd ihr namensastecker au mit blüemli? i dänk i mach das andersch. kollegin vo mir het a ihrer hochzyt jedem so es röseli agsteckt, das isch no rächt schwer gsi und het sich bi mim chleid immer welle kopfüber id tiefi stürze.zimlich doof

• Zitieren

betreff Bluemeastecker: Han aumal en Astecker gha wie du canella und de isch au immer Chopfüber ghange. Ha das total vergässe aber jetzt wo du das seisch fallts mer wider i und das hed mi soooo gnervt de ganz Tag.

• Zitieren

Mer chönt ja das mit Magnetli mache, de sind sicher alli froh :)

• Zitieren