| Mai Bräute 2014 |
|
|
1 .. 10 .. 18 19 20 21 22 .. 80 .. 138
|
_janedoe  am 09.08.2013
Re: Mai Bräute 2014
Mir möched es Candy Buffet, jep  GG wünscht sich das. Das wird denn au grad euses Gastgschänk.
Vlt wärdemer aber au no öppis direkt verpacke und zu de Tischchärtli legge. Mier hend a Macarons denkt, 3 verschiedni i eusne Hochziitsfarbe.
|
|
|
novia_mayo  am 09.08.2013
Re: Mai Bräute 2014
ah cool mier sind ebe au am überlegge wägmene candy buffet. mier würdeds glaub au anstatt es gaschtgschänk mache
findi en schöni idee mit de macarons i euche farbe!
|
_janedoe am 09.08.2013
Re: Mai Bräute 2014
Bi eus gegenüber heds sone chlini herzigi Tortebäckerin. s'isch seeehr vintage aghaucht und passt drum mega guet zu eus. Bi ihre chani de vielleicht es paar Platte und Accessoires fürs Candy Buffet uslehne. Mier hend scho d'Gläser kauft für s Schläckzüüüg. Aber ich möcht de no Cake Pops selbermache und Cupcakes macht sie im gliche Stil wie eusi Hochziitstorte (die macht au sie). Im Schaufenster hed si Merengues usgstellt, ebefalls igfärbt. Die bstellemer denn evtl au. Die Frau isch total härzig, sone chlini Italienerin. Und sie redet au ned so guet dütsch und erklärt alles mit Händ und Füess. Sie hed, womer s'erste Mal verbii sind scho gseit, wenni was bruche für mini Cakepops chanis ja bi ihre go hole, sie heb im Moment eh kei Ziit defür welchi z backe und es liggi nume ume 
Mier wend die ganz d Bar möglichst i eusne Farbe halte. GG wott jez zwar unbedingt Lakritz druf aber da die ja schwarz isch gits de nid uuuunbedingt en Stilbruch.
Uf jedefall isch dIdee es Candy Buffet anstatt Gastgschenk (besser gseit 'ALS' Gastgschänk) super! De chan au jede das mitneh woner gern hed.
|
novia_mayo am 09.08.2013
Re: Mai Bräute 2014
das isch natürlich super das ier grad so en lade bi euch hend :)
cakepops sind au super. es gitt jetz glaub extra so grät wo chasch cakepops mache?!
mier chönnted ebe d gfäss und alles uslehne. bi ihre wo mier d chärtli lönd la mache sie macht au deko und candy buffet und sie hetti scho alles. vo dem her wärs ebe guet mer müessted nüt chaufe
ja die idee find ich ebe au guet, denn chönd d lüüt neh was sie wänd. und so es candy buffet isch ja au für s aug schön
|
_janedoe am 09.08.2013
Re: Mai Bräute 2014
Ja also wenner alles chönd uslehne denn wär de Fall für mich klar  Stimmt, fürs Aug ischs was absolut schöns.
Die Cakepop Grät hani au scho gseh  findd die bi mier i de Chuchi aber chli überflüssig. Ich forme die Chugle vo Hand und spar mier das Geld lieber für e cooli Deko um dChugle
|
novia_mayo am 09.08.2013
Re: Mai Bräute 2014
ja ich muess min gg nochli überzüge, er hed zersch gar ned gwüsst was das isch :)
ja es gaht au ohni, wenn mer für alles es grät hetti wär d chuchi sowiso überstellt :)
ich han ebe au scho sälber gmacht, aber sie sind mer det ned so guet glunge... 
|
_janedoe am 09.08.2013
Re: Mai Bräute 2014
Wie hesch de die gmacht gha wenni frage dörf?
|
novia_mayo am 09.08.2013
Re: Mai Bräute 2014
ich han en normale chueche gmacht und han denn de rand usse abgschnitte. denn hani s ganze mit konfi gmischt und chugle gformt und denn in chüehlschrank da. denn hanis am schluss mit flüssige schoggi überzoge.
vom gschmack her sinds guet gsi, aber sie hend nöd guet uf de stängeli ghebt. ich glaub ich han eifach z grossi chugle gmacht 
|
lilmonkeyme  am 09.08.2013
Re: Mai Bräute 2014
Hallo mitenand
Ich chume au wieder dezue. Mir sind in England gsi mitem GG sinre Familie imne Center Parcs was no witzig isch gsi, aber au recht aastrengend.
Mir händ ändlich d'Iiladige bstellt :) mir sind mega happy :)
aso was mir scho alles händ:
- Chile
- festlocation
- Menü (aber nanig besproche)
- Band für id Chile
- TZ/TM Team
- fotografinnä
- Pastorä
- Bluememeitli
- kompletti Gästeliste (Apero, Ganz Tag & England BBQ)
- Iladig bstellt
- Iladigstext erstellt
- Chez Janine Termin gmacht
- Ring usgsuecht & bstellt
wo mir grad dra sind:
- Flitterwuche plane
- Apero offerte iiholä
- chärtli bastle (gli)
- homepage erstelle
- provisorischi Tischplanig
was mir no müend machä:
- chleider sueche
- deko probiere ind bastle
- namenschärtli, tischchärtli und gastgschenk bastle
- Lollipops bstellä
- jelly belly beans chaufä
- bluemä offerte iiholä
- luege ob mir gsammt Transport wänd/bruchet (Bus mieti)
Je nach Budget viellicht no:
- Gelati bim Apero
- ÖV Billet für usländischi Gäst
Mir machet glaub keis Candybuffet aber defür allgemein immer wieder öppis süesses. Mit dem chömer ebä s'Englischi nochli inne holä. Aber ich gfinds e super Idee.
Als Gastgschenk machemer Lippä balm & Jelly Beans & viellicht no öppis i chliinä fläschli zum drinkä oder BBQ Sauce sälbergmachti.
|
_janedoe am 09.08.2013
Re: Mai Bräute 2014
@novia_mayo
So hanis au gmacht bim erste mal und will dChugle ja de so fest gsi sind sinds viel zschwer gsi. Ich han jez gmerkt, wenn s'Stängeli zerscht i Schoggi dunksch und nachher erst id Chugle, denn wirkt das chli wie Liim und es hebt besser. Ha bim zweite mal chli chlineri Chugle gmacht und nochli Schoggiflocke drii, die sind de super worde
Jetzt hani mier Cake Pop Glasur cho lah und so chli Dekostreu. Han zerscht Kuvertüre igfärbt mit roter Lebensmittelfarb. Das hed zerscht uh schön usgseh, hed sich aber mit de ziit so roschtbruun-mässig verfärbt.
@lilmonkeyme
So, cool, vo Center Parcs Ferie hani immer als Chind träumt
Hesch es Bild vo de Iladige?
Wie meinsch das mit "s'englische inehole"?
Möcheder de Lippebalm sälber? Das wär ebe bi eus au no e Idee gsi aber ich ha mich gar nie demit usenand gsetzt willi befürchte, dass das en mega Ufwand git?
|
|
|
1 .. 10 .. 18 19 20 21 22 .. 80 .. 138
|
Anmelden
