@Sahneschnitte
Oh cool! Sit wenn wohnsch denn da i de Schwiiz?

@lela
Eusi Iladige gönd im Oktober ca use. Mier hend eus gege StD entschiede will eigentli alli scho wüssed das mier hürated und mier verschicked d'Iladige so früeh will ja am GG sin Teil us Dütschland chunnt und bi vielne Firme wird dFerieplanig uf Endi Jahr verlangt. So hend denn also alli Ziit zum Ferie und Freitäg igeh.
Ich han e Huufe Kolleginne, womer de Partner nöd kenned. Mier laded die nöd i. Bi eus gahts aber au nume ums Fäscht am Abig. Da fiiremer wirkli mit dene Lüüt wo eus am Herze lieged und sind drum en recht chline Chreis vo ca 50 Persone. Da möchtemer scho nur bekannti Gsichter Mal luege wie mer demit umgönd falls öpper fragt.
Bim Apero wärs eus eigentli egal wenn de Partner würd mitcho.

@me
Mir hend eus Hochziitstechnisch chli zruggghalte die letscht Wuche will ja SchwiMu in spe da isch.
Muess unbedingt die Wuche mal am Pfarrer alüte zum d'Ziit für d'Trauig z'fixe, denn söttemer eus definitiv für en Apero Location entscheide, das isch voll blöd, hend 3 in Ussicht aber zwei devo sind Wetterabhängig und die dritt chan erst so im März definitiv zuesägä will die unter Umständ genau denn es Theater dette hend. Ich bin gar nöd sicher ob ich d'Location vom Apero söll uf dIladig drucke oder obs langet z'schribe 'Zur Trauung und zum anschliessenden Apero seid Ihr/bist Du herzlich eingeladen'? Denn chönntmer das offe lah? Oder finded ihr dass das druf müesst?
Baah ihr hends toll, alli schiined uf Hochziite iglade zsi. I mim Fründeschreis isch das irgendwie glaub total out.. kei Mensch hüratet :( Wett doch au chli luege

• Zitieren

nicht registriert

@_janedoe : also ich ha uf mini iladig kei ort drufgschribe wo dr apero stattfindet. mir mache e homepage, denn chani das immerno dört druf due, wenns mues si. dr räscht erfahrts nach dr chile. so blibt me chli flexibel.

i ha d charte jetz drucke lo. gester sin si cho. jetz no chli bastle und denn verschicke ca. im oktober.

gester bini mit minere TZ grad spontan go luege wägem chleid und ich ha grad eis kauft. isch zwar chli türer gsi als i ha welle usgeh, aber es het super passt und gfalle. has gar nüm welle abzieh

• Zitieren

@jane
mir hend eus us em gliche grund gege std entschide, wettet aber d iladig defür chli gliner uselah, uf dere wemer nid allzuviel schribe well mer en homepage hend. und ebe da mir uswertigi hend, damit au d hotels chönd reserviert werde.
also hend ihr am abig eifach ohni partner iglade?
das mit de location isch ja doof, du bruchsch ja en schlechtwetter variante, hesch ev. no anderi möglichkeite?
ich find mer muen nid ageh wo de apero isch, het ja gnueg lüüt vor ort wo das de chönd mitteile...

@canella
wow super, hesch so spontan es chleid poschtet, was hesch de für eis?

@similein,
herzlich willkomme bi eus, schös datum hesch dir usgsuecht d jane und ich hend au das, und wie d jane scho usegfunde het isch nach em hunderjöhrige kalender schö wetter :)
ich chume us em luzerner hinderland, aber scho fascht im kanton bern, und du?
das mit em zivile chunt vo ort zu ort druf ah, bi eus chamer 1 johr im vorus, bi anderen 6 monet und es git glaub sogar sottig womer 2 jahr vorus chan.

• Zitieren

@canella
Ohhh, hesch e Foti vom Chleid?? sooo toll Hesch eifach chönne is Gschäft ohni Termin? Das hani mi bisher nöd getraut

@Similein
Herzlich Willkomme bi eus! Suuuuper Datum, mir hüratet au am 17.5.14 Bi eus chamer de Termin fürs Zivile scho es Jahr vorher reserviere, aber das isch vo Gmeind zu Gmeind unterschiedlich...
Ich bin au usem Kt Züri :) Und de du? Magsch eus chli vo dier und dim Verlobte verzelle?

@lela
Ja mir hend jez am Abig dLüüt ohni Partner iglade. Also es sind vorallem Kolleginne vo mier woni vo GC her sehr guet befründet bi und die sind ja denn en rechti Gruppe wo sich sehr guet kennt, denke wenn das vereinzelti Lüüt gsi wäred denn hettemer de Partner mit iglade, suscht wärs scho chli doof.
Ja, das mit de Schlechtwetter Variante isch ebe sone Sach. S eine wär en überdachte Platz, also wenns regnet wärs an und fürsich ned soooo schlimm, aber wenns de chalt isch und windet... hmmmm weiss au nöd. Doof doof doof, ha grad gar kei Spass a de Vorbereitige.

Aso ich glaub denn lahni das au weg mitem Apero uf de Iladig weg und denn hemmer ja no lang Ziit zum das Problemli löse

• Zitieren

@canella: wow coool hesch es chleid gfunde!! hesch es föteli?? :)

@similein: herzlich willkomme bi eus :)
ich bi usem kt. zug

• Zitieren

Woooow, meeega hübsch canella! (vo vorne gsehtme di ja au chli im Spiegel )

• Zitieren