nicht registriert

dankeeeee, ha au e huere schissfreud

• Zitieren

Hahaha Mädels, min Schatz hed eus grad bi DeinDeal je es Zahnbleaching für vor de Hochziit kauft.

@lela:
Mier drucked d'Iladige ja selber und hend die denn individuell mit Du oder Ihr gstaltet, ja. Mier kenned halt d'Partner vo einige wirkli nöd. Und fändeds denn komisch, wenn mer die de Aperogäscht womer ja au gern hend, vorzieh würded. De Platz i de Location laht bi eus ebe wirkli max. 55 Lüüt zue und uf de Gästelischte sind jez 52... also ned viel Spielruum. Ich finde mer muess eifach chli abschätze, ob die Person womer denn allei iladet, Aschluss findet oder denn gar niemer kennt und vereinsamt... Denn würdi de Partner wohl mit ilade. Aber da hemmer wirkli druf gachtet.
Mier wetted ebe is Pfarrheim bi eus, dett isch aber zu dere Ziit amigs Theater und denn isch das ebe ned möglich. D'Möglichkeit vor de Kapelle en Apero zmache bestaht vielleicht. Das isch ebe au sone Sach. Mier hüratet ime 100 Seele Ort. Dett bin ich ufgwachse und neb de Kapelle isch s'Füürwehrhuus. Jetzt hani agfragt, ob mer denn nöd dett ine chönnt wenns würd regne und die zueständig hed de gmeint sie müess es abkläre. Eigentli nöd, aber will ich iheimisch bi chönds vielleicht en Usnahm mache, das muess sie aber no abspreche mite Präsi dett. Mal abwarte. Mache mier das ned allzu grossi Hoffnige.

• Zitieren

@lela: ja das han ich au dänkt das sie denn evt. absäit. aber da sie jetz au verlobt isch chönnts ebe scho sie das sie trotzdem chunnt. janu ich säge mier a dem tag wird ich nüt devo mitübercho will ich mit andere lüüt beschäftiget bin wo mier wichtig sind :)

@canella: wow super schöns chleid!!!!! staht dier sehr!

• Zitieren

@canella:
wow, das hammer chleid. so schön. wi machsches mitem tanzä? chasches für am abä chli ufänäh?

@simeli:
härzlech wiukommä u aues guetä zur verlobig. us welärä umgäbig chunsch? wi mä bi mim dialäkt unschwär cha erkennä, bini usem bärner oberland

@thema iladigä:
mir hei kener stD, d iladigä wei mir im oktober vrschickä.

@thema mit oder ohni begleitig:
mir hei überau mit begleitig, ussert bi mirä eintä cousine, di het sider 5 jahr ä fründ wo ghüratä isch und sini frou weiss nüd drvo. mit därä situation chumi gar nid tschlag, hautemi o drus. aber am hochzit wotinä nid drbi. und o ä kollegin vo mir chunnt allei. di chunnt usem dütschä, het dert maa u chind, aber hiä ä fründ (dr maa weisses aber). när hei mir no äs paar alleistehendi, di ladä mir allei i.

@thema text chartä:
mir baschtlä säuber. dr text druckä mir us, mir düä aber verschideni machä. mir hei di 4 variantä:
-wir laden dich ganz herzlich zur kirchlichen trauung und dem anschliessenden apero ein
-wir laden euch ganz herzlich zur kirchlichen trauung und dem anschliessenden apero ein
-wir laden dich ganz herzlich zur kirchlichen trauung und der feier ein
-wir laden euch ganz herzlich zur kirchlichen trauung und der feier ein
äs steit natürlech scho no chli meh, aber das si di 4 underschidä.

@janedoe:
so nä kuhli idee mitem bleaching. das schlani mim gg o mau vor.

@me:
ds wunschbüechli isch fasch fertig. machä de äs paar fotos u postä sä.

• Zitieren