@Jane, Woohoo

• Zitieren

sorry, wird gad chli äs ego-post...

bi gad trurig, kränkt u o chli vrergeret.

geschter hani i 2 brutmodägschäfter ir stadt aglütä u di hei mir gseit si heigä im oktober/november usverchouf.
äs isch planet gsi, dasi mit dr tz (mini schwöschter) und minerä beschtä fründin (tm) ga gads chleid usäläsä. mini tm schaffet ir pfleg und het nur a 2 samstigä im oktober frei. a ein drvo si mir i dä feriä, drum geits nur a eim.
ha mini schwöschter gfragt, ob si den scho öbis los heigi. irä fründ isch vo witer wäg und si vrbringä ds weekend mängisch hiä u mängisch bi ihm. si het när gmeint, si wüss no nid ob si den hiä isch oder bi im. ha gseit, wesi no nüd los heigi söu si sech dä tag doch bitte reservierä um mit mir cho chleider aluegä.
si het nur gantwortet: i mueses no mit mim schatz besprächä, i säges dir de no.

das findi mega entdüschend. we si doch no nüd los het denn, de chasi doch guet mitcho.
äs ma mi eifach mega isch si nid mit fröid drbi. scho womersä gfragt hei, ob si wei tz si bi üs (si mit ihrem fründ) het är mega fröid ka, u het scho vou afa planä und si het nur gmeint, ja wiso fragsch de mi, i ha das no niä gmacht, i cha doch das nid, wetsch de nid lieber d .... fragä.
das het mi mega mögä. si isch mini einzegi schwöschter. ha rä denn gseit, wesi das haut nid wet machä, de söu sis haut la si, aber de würde mir de o ä anderä tz suechä. ihrä schatz het nur gseit, nei sicher nid schatz, das machä mir doch gärn.
aber vo irä chunnt eifach nüd. si zeigt kei fröid weni wod über d hz redä, und äs isch ja nid äso, dasi nur no das thema ha. eifach geng dä grind wosi macht.
ig findä das sehr vrletzend.

so..... fertig ego-post, has mir eifach mau vor seu müessä schribä...

• Zitieren

nicht registriert

@morelia & _janedoe
ich cha euch au total nochefühle....mannomann...ich ha au sone story. bimir hets mit 2 kolleginne ghapperet. die einti hürotet nögstjohr im august, ich bi ihri TZ. die anderi hürotet im Mai 2015, isch aber nid sicher gsi öb si im 2014 wott hürote. beidi si vor mir verlobt gsi. denn het mi schatz halt mi auno gfrogt und mr hän gseit mr wän im mai 2014 hürote. ich ha denn d kollegin gfrogt wäg em datum öb si scho eis festgleit hätte, nid das sich das no überschnidet....puh, öbs mir eigentlich no guet giechi, denn wär doch dr andere ihri hochzyt genau i dr heisse vorbereitigsphase und ich sig jo ihri TZ und jetz würd ich do no so dehärcho mit mim hochzyt....mr müeste scho chli uf die anderi luege usw. ich ha nur so dänkt, jo merci dass du di für mi freusch dass ich due hürote gäll. Das het huere wehdo! ha mi fasch nid getraut öbberem öbbis drvo z verzelle, i ha mi fasch chli gschämmt das ich wird hürote (wie chrank isch das denn).
mitlerwile het sich d situation wider total entschärft. es sin alli zfriede. aber so chli e bittere nochgschmack blibt glich no. das isch eifach nur schad.
was die wiiber immer für stress hän, es isch niiiiiiiiid zum glaube!

• Zitieren

oje ihr 3... das sind alle mega doofi gschichte. irgendwie isch eus allne s hochzig so wichtig, und für euses Umfeld ischs no so wiit weg, das die mengisch chli komisch reagieret, und eus das verletzt....

@morelina
ich finds schad vo dinere schwöschter, wenn si ja nüt vor het, de chan si sich das doch sicher chli irichte, oder nid?

ich hoffe das bi minere tz das de chli besser isch (si isch im Moment im sprachufenthalt und ich ha si churz vor abflug gfraget, sprich mer hend nanig vil gredet) si isch mini zuekünftig schwögerin (ich han selber kei gschwüschterti) und mengisch chli es huhn... :) ich han si weg em zivil Datum gfraget und i dere wuche wo mir wettet het si am mittwuch geburi, de het si gmeint mir chönge ja den zämä fiire, und de hani ihre gsait wie ich mir das de so vorstelle und de het si gmeint, und einisch über de mittag? aber die meint das nid bös, die denkt eifach nid so wiit :) si und de tz vum gg passet i dere hisicht guet zämä... us dem grund Hemer eus na für tm's entschide... de cha sicher nüt schiefgah :)

• Zitieren

@canella
Da chani dier voll zuestimmt wegem selber organisiere. Schliessli kenntmer sich ja am beschte. Aber ich erwarte vo minere TZ scho chli, dass sie mier de vorallem am Hochziitstag selber einiges abnimmt, z.B. d Gäst informiert bi Frage, Gschenk entgegeneh, Koordiniere vo de Ziite. Mier hend au gseit, dass dTZ und TM s Abigprogramm komplett gstalte sölled. Mier organisiered klar Musik, Esse, Location etc. aber de Ablauf liit i ihrne Händ.
Bi de Vorbereitige, Iladige bastle, Deko kaufe, Chleider ussueche usw darf mini TZ freiwillig mitmache.. Da hani keis Problem wenni das allei mache muess

• Zitieren

Mini TZ hed immer nahgfragt was ich denn alles am vorbereite bi und weles Chleid und weli Location und ume DJ söllemer eus kümmere blablabla. Also ischs mier voll überecho als würd sies mega euphorisch debii sii und hanere de natürli jede Seich verzellt. Nach es paar Mönet hed sie mier de z verstah gäh, das ich nerve und übertriibe, und jez müess sie doch gar no nüt mache. Bi de scho chli überrascht gsi.
Mier hend das inzwüsche aber chönne kläre, ihri 'Ufgabe' startet, wenn dIladige usegönd, mier hend für Frage und Biiträg am Abig eifach dTZ als Kontaktpersone.

• Zitieren