| Mai Bräute 2014 |
|
|
1 .. 13 .. 24 25 26 27 28 .. 83 .. 138
|
|
canella nicht registriert am 16.08.2013
Re: Mai Bräute 2014
hihihihi das isch so die erschti euphorie wo denn schnäll mol i missmuet umschlot.
das hämer au so uf d iladig do und uf dr homepage hani au nomol gschribe das es cool wär wenn d lüt würde so chli darbietige mache und dass si das doch bitte söttet mit de TZ abspräche.
hey wo und was schaffet ihr eigentlich so?
|
|
|
_janedoe  am 16.08.2013
Re: Mai Bräute 2014
Jaja die guete Trauzüüge. Schlussendli chunnt das scho alles guet.
Ich schaffe ime Biofachgschäft hauptsächlich ir Administration. Aber au ca. 30% im Verkauf. Isch no e coole Mix  Und du?
|
|
canella nicht registriert am 16.08.2013
Re: Mai Bräute 2014
bir zollverwaltig
|
novia_mayo  am 16.08.2013
Re: Mai Bräute 2014
hey ladies ich hoffe es gaht eu guet?
isch ja voll schad das euchi TZ ned so mitmached und sich ned so freued. evt. ischs für sie au no z wiit weg und je nöcher das de tag chunnt desto meh chömeds denn vilicht au ines fieber ine und hilfed meh mit?!
mini TZ isch mini schwöschter und mini ander schwöschter hilft au mega mit ich bin froh das ich sie han und sie mich so unterstützed.
ich schaffe im kt. zug binere GU-firma (baumanagement)
hihi canella ich liebe tkkg und so gschichte :) ab und zue losi au bibi blocksberg 
|
|
canella nicht registriert am 16.08.2013
Re: Mai Bräute 2014
@novia_maya : jaaaaaaaa am fritig gots immer besser
also mini TZ isch jo au mini schwöster und si isch mitcho cho s chleid ussueche. mini anderi schwöster isch glernti confiseurin und ich ha si mol gfrogt öb si mr würd hälfe gastgschänkli sälber mache. i wott so chlini mini-carac mache, am liebste mit grüenem und mit pinkigem guss. müese mr denn no luege, aber si isch grad begeisteret gsi vo dere idee. denn hätt i die sach mit em gastgschänk au schomol vom tisch.
hahaha bibi blocksberg isch au guet i freu mi scho wenn i mol chlinder ha und si wän globi und chasperlitheater lose, herrlich
|
Heart  am 16.08.2013
Re: Mai Bräute 2014
Hallo zäme
hei das esch de super dä Thread. ech ha im Bräute 2014 ou ke Übersecht me gha. esch so schnöu gange. etz hani aber gmerkt, dass dier ou scho seeeehr fliessig gse sit. sitmer ned bös, weni öppis wederhole woder scho gschrebe heit.
Mier hürate ou am 24. Mai....
@ canella du hesch mau gschrebe wäg de musig die chele. bi üs sengt i einere vo mine beste kolleginne de frönd. mier hei mega freud. be üs wärdes mehrheitlech schwyzerdütschi lieder sii. z.b. vom Peter Reber "vogu ohni flögu" oder mis absolute lieblinngshochziitslied vode Sandee "Schwur" si gloub beidi uf i tunes. etz hetmer gester mini schwöster no e anderi musig abglah, si si amene hochziit gse wo si "Adoro" abglah hei. das si jungi opere sänger wo aktuelle lieder senge. esch speziell, aber si het sooo gschwärmt (obwou si nd so de typ esch).
wägem zivilische esch chli schwerig be üs. mini eltere si leider scho lang gstorbe und etz esches haut schwerig wär aues chonnt. zersch heimer nor met de TZ wöu mier ja nor ei Woche vorem kirchleche zivilisch hürate, de hei aber mim GG sine öutere gseit so säubstverständlech " aso d eutere si secher ou debii... mier hei do ned so föu dezue gseit... Heinis no ned entschlosse...schwerig..
du gsehsch us wine prinzässin i däm chleid wow...
|
Heart am 16.08.2013
Re: Mai Bräute 2014
@ novia Mayo. ech wörd ganz eifach und ehrlech schriibe. ned z öbertrebe aber gliich dass aues gueti ufem wiitere wäg z zwöite wönschisch, si vöu Liebi, Vertroue, schöni Momönte, e grossi Portion Glöck wönschisch?!
@Morelia & janedoe: hm das esch so schad dass si so reagiere. s esch üs eifach so wechtig! und mier wette ja ou, dass si sech freue. mini öutischti schwöster het sech bes etz am wenigste gfreut. i dene andere lüüt womers gseit hei, mini frou zum bispöu hei gschroue vor freud... aber ja s si haut erwartige womer mängisch het ûnd ned so erföut wärde.... füele met euch. dases haut die nöchste lüüt si verletzt eim haut scho....
hui weni so euchi biiträg zum brutkleidchouf lese muesi gloub gliich scho im Oktober gah.... freue mi scho riiesig.
|
|
canella nicht registriert am 19.08.2013
Re: Mai Bräute 2014
@Heart: hey willkomme bi üs!
bi üs ir chlie wird jetz mini cousine singe. si duet jodle und ihri kollegin begleitet si ufem s-horn. si wärde allwä so 2 lieder singe und de am apero no 2-3. de möcht i no gärn mit de lüt i dr chlie das lied singe "du fragsch mi wär i bi" und dr räscht isch no offe. zum use und ineloufe weiss i no nid so rächt.
ich wott eifach nid es lied mit eme meeeega tiefgründige text, ich bi so nöch am wasser baut, das isch schlimm und i wott nid scho bim ineloufe gränne.
|
lela85  am 19.08.2013
Re: Mai Bräute 2014
Guete Morge Lady's
nach 4 Tag weekend, bini also im 14er thema nüme nochecho mit lese, das isch eifach zvil :) da ischs bi eus viel gmüätlicher... :)
hender es tolls weekend gha?
@canella,
ich bin buchhalterin ime handelsunternehme im kt. lu
@musig,
mir hend nonig so e plan was mer gern wettet. i de chilä wers scho schö wenn öpert würd singe, aber die offerte wo mir hend isch 1400.- singe und keyboard begleitig. das findi scho chli vil für eifach chli musig...
am abig, weissi au nid obs es würklich brucht, mir sind letschti ame hochzig gsi, und da het also d band nid gfählt.
@me
ich han das weekend chli e schock erlebt, euses TM Päärli het sich trennt. es isch also sehr überraschend cho und ich bin au sehr trurig für beidi, da ich si mega gern han. und ich weiss jetzt au nid wies bi eus so wiiter gaht, mit de planig und so :(
|
novia_mayo am 19.08.2013
Re: Mai Bräute 2014
guete morge ich hoffe ier hend alli es schöns wuchenänd gha?
@heart: willkomme bi eus :) cool no öper wo am 24.5. hüratet :)
@lela: ui ja das isch no krass, vorallem so plötzlich?! ich dänke da müender jetz chli abwarte und luege wies witer gaht..
hz-technisch hemer nüt gmacht am wuchenänd. bin selber amene hochzit gsi und i de chile hends en sängerin gha wo sooo schön gsunge hed. ich find so live-musig i de chile mega schön
Zuletzt bearbeitet am 19.08.13 09:22
|
|
|
1 .. 13 .. 24 25 26 27 28 .. 83 .. 138
|
Anmelden
